Nuzedonukọnnamẹ Lẹ

Nado Bẹ Plọnmẹ Biblu lẹ Jẹeji to Sibigbe Tintan Osun Février Tọn

“N’deji dọ a na kọngbedopọ dọ mẹlẹpo wẹ tindo nuhudo họntọn tọn. Jẹhẹnu tẹwẹ nọ họakuẹ na we hugan to họntọn de dè? [Jotẹnna gblọndo.] Pọ́n nuhe yin didọ tofi gando nuhewutu mí dona yí sọwhiwhe do de họntọn mítọn lẹ go.” Ze vọkan Atọ̀họ̀-Nuhihọ́ lọ Tọn janvier-mars tọn dopo na whétọ lọ, podọ hia bo dọhodo nudọnamẹ he tin to hóvila tintan glọ to weda 24 ji hẹ ẹ. E whè gbau, hia dopo to wefọ he yin dide lẹ mẹ. Ze linlinnamẹwe lọ lẹ donukọnnamẹ bo basi tito nado lẹkọwa nado gbadopọnna gblọndo kanbiọ he bọdego tọn.

Atọ̀họ̀-Nuhihọ́ lọ Tọn Janvier-Mars

“E na jlo mi nado yọ́n nuhe a lẹn do wefọ ehe ji. [Hia Deutelonomi 6:6-7.] Sọn ojlẹ dindẹn die wẹ Biblu ko na tuli otọ́ lẹ nado nọ dọhodopọ hẹ ovi yetọn lẹ bo plọnnu yé. Nawẹ a lẹndọ otọ́ de sọgan wàmọ gbọn? [Jotẹnna gblọndo.] Hosọ ehe dọhodo lehe otọ́ lẹ sọgan hẹn haṣinṣan pẹkipẹki de go hẹ visunnu yetọn lẹ do ji.” Ze hosọ he bẹsọn weda 12tọ ji donukọnnamẹ.

Réveillez-vous! Février

“To egbehe, mẹsusu nọ duvivi hodọdopọ Internet ji tọn. Be hiẹ lẹndọ hodọdopọ mọnkọtọn tindo owù wẹ ya? [Jotẹnna gblọndo.] Biblu bẹ nunọwhinnusẹ́n he sọgan gọalọna mí nado dapana owù he tin to hodọdopọ Internet ji tọn mẹ lẹ hẹn. [Hùn weda 6-9 bo dọhodo dopo to kanbiọ he yin sislẹ lẹ mẹ po wefọ he yin dide lọ po ji.] Linlinnamẹwe ehe na gọalọna we nado yọ́n owù he tin to hodọdopọ Internet ji tọn mẹ lẹ bo dapana yé.”