Naegbọn Hiẹ Ma Na Zindonukọn?

To whenue wẹnlatọ delẹ tọ́n na sinsẹ̀nzọn kunnudegbe tọn, yé nọ saba lẹkọyi owhé to ojlẹ tangan de mẹ, vlavo to ogàn 12 mẹ. Na nugbo tọn, ninọmẹ mẹdelẹ tọn sọgan biọ dọ yé ni dotana sinsẹ̀nzọn kunnudegbe tọn to ojlẹ tangan de mẹ. Ṣigba, be hiẹ nọ lẹkọyi owhé kiki na mẹdevo lẹ nọ wàmọ to plipli towe mẹ, kavi na aṣa de wẹ e yin to lẹdo towe mẹ nado nọ doalọtena yẹwhehodidọ to ojlẹ tangan de mẹ wutu wẹ ya? Be hiẹ sọgan zindonukọn to lizọnyizọn lọ mẹ na ojlẹ pẹẹde dogọ nado nọ tindo mahẹ to aliho yẹwhehodidọ gbangba tọn de mẹ, taidi kunnudide tòhomẹ-liho ji tọn ya? Be hiẹ sọgan basi gọyìpọn dopo kavi awe whẹpo do lẹkọyi owhé ya? Yí nukun homẹ tọn do pọ́n onú dagbe he hiẹ na wadotana eyin hiẹ mọ mẹhe do ojlo hia dopo dogọ to whégbè, kavi eyin hiẹ do linlinnamẹwe delẹ gbonu dogọ na mẹhe a dukosọna de! Eyin mí ma nọ lẹkọyi owhé na mẹdevo lẹ wàmọ wutu, bo nọ gbọṣi lizọnyizọn lọ mẹ na whenu pẹẹde dogọ, mí na yidogọna “avọ́sinsan pipà tọn mítọn.”—Heb. 13:15.