Be A Sọgan Tẹ́n Ẹn Pọ́n Na Owhe Dopo Ya?

Etẹ? Gbehosọnalitọ whepoponu tọn! A na duvivi dona susu tọn!—Hwh 10:22.

GBỌN GBEHOSỌNALITỌ BIBASI DALI, A SỌGAN . . .

• lẹzun azọ́nyọnẹntọ taidi wẹndagbe-jlatọ de bo na duvivi lizọnyizọn lọ tọn dogọ

• hẹn haṣinṣan towe hẹ Jehovah lodo. Dile a to hodọna mẹdevo lẹ gando ewọ go do, mọ wẹ a na to jẹhẹnu jiawu etọn lẹ flin dewe do niyẹn

• duvivi pekọ he nọ wá sọn Ahọluduta lọ zizedo otẹn tintan mẹ po ayajẹ he mẹdezizejo do mẹdevo lẹ tamẹ nọ hẹnwa po tọn.—Mt 6:33; Ow 20:35

• duvivi opli gbehosọnalitọ lẹ tọn he nọ yin bibasi to dlapọn nugopọntọ tọn whenu, opli vonọtaun he nọ yin bibasi jẹnukọnna plidopọ lẹdo tọn, po Wehọmẹ Sinsẹ̀nzọn Gbehosọnalitọ tọn po tọn

• tindo dotẹnmẹ hundote susu nado bẹ plọnmẹ Biblu lẹ jẹeji bosọ deanana yé

• zan whenu susu dopọ hẹ wẹnlatọ hatọ lẹ, bo na na tuli ode awetọ.—Lo 1:11, 12