Nọ Yí Duvivi Ogbẹ̀ Tọn Kakadoi! Zan to Lizọnyizọn lọ Mẹ

Be homẹ mítọn ma hùn nado mọ alọnuwe po owe yọyọ de po he mí na nọ yizan nado deanana plọnmẹ Biblu lẹ ya? Odẹ̀ mítọn wẹ yindọ Jehovah ni dona vivẹnu he do mí te nado hẹn mẹsusu dogọ zun devi lẹ. (Mt 28:18-20; 1Kọ 3:6-9) Amọ́, nawẹ mí na yí azọ́nwanu yọyọ ehelẹ zan gbọn?

Aliho mẹpinplọn tọn yọyọ de wẹ na yin yiyizan nado deanana plọnmẹ Biblu lẹ to owe lọ Duvivi Ogbẹ̀ Tọn Kakadoi! hodọdopọ sinai do Biblu ji mẹ. Enẹwutu, nọ hodo anademẹ he bọdego lẹ nado wleawuna oplọn lọ lẹ podọ to whenue a to anadena yé.a

• Nọ hia nupinplọn lọ bo nọ gbadopọnna kanbiọ lọ lẹ

• Nọ hia wefọ he yè kàn “hia” donukọnna lẹ, bo nọ gọalọna nuplọntọ towe nado mọnukunnujẹ yọ́n-na-yizan yetọn mẹ

• Nọ hò video lọ lẹ bo nọ yí kanbiọ he yin awuwlena lẹ do dọhodo yé ji

• Nọ tẹnpọn nado gbadopọnna nupinplọn dopo to oplọn dopodopo whenu

To lizọnyizọn lọ mẹ, alọnuwe lọ wẹ mí na nọ zedonukọnnamẹ whẹ́ nado yọnẹn eyin mẹlọ tindo ojlo. (Pọ́n apotin lọ “Lehe A Gán Ze Alọnuwe Duvivi Ogbẹ̀ Tọn Kakadoi! Donukọnnamẹ to Dlapọn Tintan Whenu Do.”) Eyin a fó alọnuwe lọ hẹ nuplọntọ de, bọ e jlo na zindonukọn, yí owe lọ na ẹn bo bẹjẹeji to nupinplọn 04tọ mẹ. Eyin a ko to nuplọn hẹ mẹde to owe lọ Plọn Mí kavi owe lọ Owanyi Jiwheyẹwhe Tọn mẹ, diọ jẹ owe lọ Duvivi Ogbẹ̀ Tọn Kakadoi! mẹ, bo pọ́n fie a gán bẹsọn to e mẹ.

PỌ́N VIDEO LỌ KUAVỌ WÁ OPLỌN TOWE, ENẸGODO NA GBLỌNDO NA KANBIỌ HE BỌDEGO LẸ:

• Etẹlẹ wẹ nuplọntọ lẹ na plọn sọn owe yọyọ ehe mẹ?

• Naegbọn e do yin nujọnu dọ mí ni nọ do video ehe hia nuplọntọ yọyọ lẹ?

• Dile ojlẹ to yìyì, yanwle tẹlẹ wẹ a dona to tudohomẹna nuplọntọ towe nado zedonukọnna ede bosọ jẹ e kọ́n?—Pọ́n apotin lọ “Lẹndai po Yanwle Adà Dopodopo Tọn Po”