Lẹdogbedevomẹ Biblu Tọn do Ogbè Afrique Tọn lẹ Mẹ

Lẹdogbedevomẹ dowhenu Biblu lọ pete tọn lẹ do ogbè Afrique tọn de mẹ yin bibasi to Egipti. He yin yinyọnẹn taidi vọkan Coptes tọn lẹ, yé yin nuhe yè yise nado yin nuhe bẹjẹeji sọn owhè kanweko atọ̀ntọ kavi ẹnẹtọ W.M. To nudiblayì owhè kanweko donu atọ̀n godo, Biblu yin lẹdogbedevomẹ basina do ogbè Ethiopia tọn mẹ.

Ogbè he ma nọ yin kinkan kanweko susu lẹ he nọ yin didó to huwaji po Ageklo Ethiopia tọn po ji dona nọtepọn wiwá mẹdehlan lẹ tọn to owhè kanweko 19tọ lọ mẹ. To 1857 tadona de kọ̀n yin jijẹ to whenuena Robert Moffat dotana lẹdogbedevomẹ Biblu lọ tọn do ogbè Tswana tọn mẹ, yedọ ogbè de to hùlẹnu Mẹyugbeji tọn. E sọ zin in jẹgbonu do mimá lẹ mẹ to zomọ wezínzín alọ̀ tọn de ji. Ehe wẹ yin Biblu tintan blebu lọ he yin zinzinjẹnu to Mẹyugbeji podọ e sọ yin lẹdogbedevomẹ gigọ tintan he yin bibasi do Mẹyugbe he ma ko nọ yingbokinkan dai de mẹ. Po homẹhun po, Moffat yí oyín sọn olọn mẹ wá lọ Yehova zan to lẹdogbedevomẹ etọn mẹ. To vọkan 1872 tọn mẹ he yin zinzinjẹgbonu gbọn Ogbẹ́ Biblu tọn he nọ yin (British and Foreign Bible Society) dali, oyín lọ Yehova yin yiyizan to hodidọ agokun he yin didọ gbọn Jesu dali lẹ mẹ dile e yin kinkandai do to Matiu 4:10 po Malku 12:29, 30 po mẹ.

To 1990 Biblu lọ blebu ko yin lẹdogbedevomẹ basina do Mẹyugbe 119 lẹ mẹ, po apadewhé etọn po he tin to aimẹ to ogbè 434 dogọ lẹ mẹ.