‘Mì Gbọ Mí Ni Hẹn Avọ́nunina Jehovah Tọn Wá’
TO WHENUE mẹde do homẹdagbe hia we, nawẹ a nọ do pinpẹn-nutọn-yinyọnẹn hia gbọn? Gbọ mí ni gbadopọnna lehe awhàngán Islaeli tọn lẹ do pinpẹn-nutọn-yinyọnẹn yetọn hia to awhànfunfun hẹ Midianinu lẹ godo do. Awhàn lọ yin fùnfùn to whenue Islaelivi lẹ waylando to whẹho Baali-peọli tọn mẹ godo. Jiwheyẹwhe gọalọna omẹ etọn lẹ nado duto awhàn lọ ji, bọ awhànfuntọ 12000 po Islaelivi he pò lẹ po má ogblànnu he yin bibẹ lẹ to yedelẹ ṣẹnṣẹn. Sọgbe hẹ anademẹ Jehovah tọn, awhànfuntọ lọ lẹ na adà tangan de yẹwhenọ lẹ to nuhe yé yí lẹ mẹ, podọ Islaelivi he pò lẹ lọsu na adà de Levinu lẹ sọn ogblànnu yetọn lẹ mẹ ga.—Sọh. 31:1-5, 25-30.
Etomọṣo, awhàngán lẹ jlo na wà nususu humọ. Yé dọna Mose dọmọ: “Devi towe lẹ ko yí lẹndopọ omẹ awhàn tọn lẹ lọ tọn he tin to aṣẹ mítọn glọ, podọ sunnusi mítọn dopo ma whè gba.” Yé de nado basi nunina sika po aṣọ́donu voovo po tọn taidi avọ́nunina de na Jehovah. Aṣọ́donu sika tọn lọ lẹpo pẹnzin hú kilo 190.—Sọh. 31:49-54.
Mọdopolọ to egbehe, mẹsusu nọ yin whinwhàn nado do pinpẹn-nutọn-yinyọnẹn yetọn hia na nuhe Jehovah wà na yé wutu. Humọ, e ma yin devizọnwatọ Jiwheyẹwhe tọn he ko klan yede do wiwe lẹ kẹdẹ wẹ nọ do pinpẹn-nutọn-yinyọnẹn mọnkọtọn hia gba. Lẹnnupọndo apajlẹ ahihun-kùntọ de tọn ji, mẹhe bẹ pipli afọzedaitọ delẹ tọn yì plidopọ akọjọpli tọn to aihundatẹn de to Bologne, Italie, to 2009 bosọ bẹ yé lẹkọ. Na e kùnhún po sọwhiwhe po bosọ yin omẹ abọẹ-abọẹ wutu, mẹhe dohún etọn lẹ kanwe pinpẹn-nutọn-yinyọnẹn tọn de na ẹn bosọ na ẹn akuẹ dogọ húndokuẹ lọ gọna vọkan owe lọ Etẹwẹ Biblu Plọn Mí Taun? tọn dopo. Na nuhe yé wà enẹ wutu, húnkùntọ lọ dọmọ: “Homẹhun mi nado kẹalọyi wekanhlanmẹ lọ po owe lọ po, ṣigba n’jo akuẹ he mì na mi dogọ lọ do na mì, na n’jlo na yí i do basi nunina na nukọnyiyi azọ́n he wà mì te lọ tọn. Dile etlẹ yindọ n’ma yin Kunnudetọ Jehovah tọn de, n’jlo na basi nunina ehe na n’mọdọ owanyi wẹ nọ whàn mì nado wazọ́n enẹ.”
To whenue hiẹ jlo na do pinpẹn-nutọn-yinyọnẹn hia na nuhe Jehovah wà na we lẹ, aliho dopo nado wàmọ wẹ gbọn nunina bibasi na azọ́n lẹdo aihọn pé tọn Kunnudetọ Jehovah tọn lẹ tọn dali. (Mat. 24:14) Aliho he mẹ mẹdelẹ nọ basi nunina te delẹ yin sislẹ to apotin he bọdego lọ mẹ.
[Apotin to weda 20]
ALIHO HE MẸ MẸDELẸ NỌ BASI NUNINA TE DELẸ
NUNINA LẸ NA AZỌ́N LẸDO AIHỌN PÉ TỌN
Mẹsusu nọ de, kavi klan akuẹ sọha de dovo he yé nọ yí do apotin nunina tọn he go yè kàn “Azọ́n Lẹdo Aihọn Pé Tọn” do lẹ mẹ.
To osun dopodopo mẹ, agun lẹ nọ do akuẹ ehelẹ hlan wekantẹn Kunnudetọ Jehovah tọn lẹ tọn he nọ penukundo otò yetọn go. Akuẹ he yin nina sọn ojlo mẹ wá lẹ sọgan sọ yin didohlan Association Religieuse Les Témoins de Jéhovah du Bénin (A.R.T.J.B.) tlọlọ kavi hlan wekantẹn alahọ Kunnudetọ Jehovah tọn lẹ tọn he nọ penukundo otò towe go. Eyin hiẹ jlo na basi nunina po akuẹyiwema po, a sọgan wleawuna ẹn do A.R.T.J.B. tamẹ. Aṣọ́donu akuẹgegenu tọn lẹ kavi nuhọakuẹ devo lẹ sọgan sọ yin nina ga. Wekanhlanmẹ kleun de dona hodo nunina ehelẹ bo dohia dọ nunina tlọlọ lẹ wẹ yé yin.
TITO NUNAMẸ HOMẸDAGBE TỌN
Gbọnvona nunina akuẹ tọn tlọlọ lẹ, nunina wunmẹ devo lẹ tin ga na alemọyi azọ́n Ahọluduta lọ tọn lẹdo aihọn pé. Ehelẹ wẹ:
Alọgọ Owù-Nujijọ Tọn: Nunina alọgọ owù-nujijọ gbẹzan tọn kavi tito gbọjẹ gaa/agbasazọ́n jijodo tọn de sọgan yin didohlan A.R.T.J.B.
Akuẹ He Tin to Akuẹsẹdotẹn Lẹ: Akuẹ he tin to akuẹsẹdotẹn lẹ, akuẹ he yin bibẹdo akuẹsẹdotẹn lẹ na ojlẹ tangan de (dépôt à terme), kavi akuẹ gbọjẹ gaa mẹdopodopo tọn lẹ sọgan yin zizedo alọ A.R.T.J.B. tọn mẹ nado nọ yizan kavi mẹde sọgan basi tito dọ to okú emitọn godo, akuẹ lọ ni yin súsú na A.R.T.J.B., to kọndopọ mẹ hẹ nubiọtomẹsi akuẹsẹdotẹn lọ tọn lẹ.
Ale Ajọ́ Tọn Lẹ: Ale ajọ́ tọn lẹ sọgan yin nina taidi nunina tlọlọ de kavi yin didohlan A.R.T.J.B.
Ohọ̀ po Aigba Po: Ohọ̀ po aigba po he sọgan yin sisà sọgan yin nina vlavo gbọn nunina tlọlọ de bibasi dali kavi, na nuhe dù aigba he ji ohọ̀ tin te bọ gbẹtọ gbẹ́ tin to e mẹ, nunamẹtọ lọ sọgan yí i do basi nunina ṣigba e dona dohia dọ emi na gbẹ́ nọ nọ̀ e mẹ dile e na dẹnsọ bọ emi tin to ogbẹ̀. Dọna alahọ otò towe tọn whẹpo do basi nunina ohọ̀ po aigba po tọn depope.
Kandai Gúmima po Nunina lẹ Tọn Po: Nutindo kavi akuẹ sọgan yin nina taidi ogú hlan A.R.T.J.B. gbọn kandai sọgbe hẹ osẹ́n de bibasi dali, kavi yinkọ A.R.T.J.B. tọn sọgan yin kinkandai taidi mẹhe na dugu nunina lẹ tọn.
Dile hogbe lọ “tito nunamẹ homẹdagbe tọn” dohia do, nunina wunmẹ ehelẹ nọ biọ tito delẹ bibasi to adà nunamẹtọ lọ tọn mẹ.
Na nudọnamẹ dogọ, hiẹ sọgan dọnsẹpọ wekantẹn alahọ Kunnudetọ Jehovah tọn lẹ tọn to Bénin, vlavo gbọn wekanhlanmẹ kavi alokan dali, to adlẹsi he yin sislẹ to odò yiyizan mẹ kavi hiẹ sọgan dọnsẹpọ wekantẹn alahọ Kunnudetọ Jehovah tọn lẹ tọn he nọ penukundo otò towe go.
Wekantẹn Alahọ Kunnudetọ Jehovah Tọn lẹ Tọn to Bénin
Association Religieuse Les Témoins de Jéhovah du Bénin
06 B.P. 1131, Akpakpa pk3, Cotonou, Bénin
Alokan: (229) 21 36 01 14