Yí Nọtẹn Internet Tọn Mítọn Zan Na Oplọn Mẹdetiti Tọn Kavi Whẹndo Tọn
Hia Linlinnamẹwe Agọe Tọn lẹ to Internet Ji: A sọgan hia Atọ̀họ̀-Nuhihọ́ lọ Tọn po Réveillez-vous! po to nọtẹn Internet tọn mítọn ji osẹ susu whẹpo vọkan lọ lẹ nido wá agun towe mẹ. Humọ, a sọgan dotoaina hoyidokanji linlinnamẹwe lẹ tọn to nọtẹn lọ ji.—Zín “Publications/Revues.”
Hia Hosọ He Nọ Sọawuhia Kiki to Nọtẹn Internet Tọn lọ ji Lẹ: Todin, hosọ delẹ taidi “Na Jọja Lẹ” (“Pour nos jeunes lecteurs”), “Nuhe N’Plọn sọn Biblu mẹ Lẹ” (“Comptine biblique”), “Apprenons en famille” (Na Nupinplọn Whẹndo Tọn) po “Les jeunes s’interrogent” (Kanbiọ He Jọja lẹ Nọ Kanse) po na nọ sọawuhia kiki to nọtẹn Internet tọn mítọn ji. Eyin a yì nọtẹn lọ ji, a na mọ hosọ he yin nùdego enẹlẹ he a sọgan yizan to oplọn mẹdetiti tọn kavi whẹndo tọn towe whenu.—Zín “La Bible et Vous/Enfants” kavi “La Bible et Vous/Adolescents.”
Hia Linlin Agọe Tọn lẹ to Nọtẹn lọ Ji: Hia linlin po numimọ tulinamẹ tọn lẹ po bosọ pọ́n video delẹ he do lehe azọ́n mítọn to nukọnyi lẹdo aihọn pé do hia. Linlin he gando nugbajẹmẹji po homẹkẹn he mẹmẹsunnu mítọn lẹ to pipehẹ lẹ po go sọgan gọalọna mí nado yọ́n odẹ̀ he mí na hò do ota yetọn mẹ lẹ. (Jak. 5:16)—Zín “Actualités.”
Basi Dodinnanu to Wesẹdotẹn Internet ji Tọn Mítọn Mẹ: Eyin awuwledainanu ehe tin to ogbè towe mẹ, a sọgan hia wefọ egbesọ tọn kavi basi dodinnanu to owe agọe tọn mítọn delẹ mẹ to ọdinatẹẹ ji, to alokan apòmẹ tọn towe kavi to nuyizan devo ji.—Zín “Publications/Bibliothèque en Ligne” kavi kàn wol.jw.org do apotin adlẹsi tọn lọ mẹ.
[Yẹdide/Apotin to weda 4]
(Na nudọnamẹ gigọ́, pọ́n zinjẹgbonu)
Tẹ́n Nọtẹn lọ Pọ́n
1 Zín yẹdide de kavi dopo to todohukanji he tin to “Télécharger” glọ lẹ mẹ. Weda de na hùn na we do PDF mẹ. A sọgan zín weda lọ jẹgbonu bo yí i na ovi towe.
2 Nado pọ́n video, zín ohia he to ṣẹnṣẹn na video lọ.