Eyin Mì Tindo Nuhudo Owe He Tin to Ogbè Devo mẹ lẹ Tọn to Niyaniya Mẹ

To whedelẹnu, mí nọ dukosọ hẹ mẹdelẹ he nọ jlo na hia owe mítọn he tin to ogbè devo mẹ bọ agun mítọn ma tindo lẹ. Be mì yọnẹn dọ eyin mì sọgan yì Internet ji bo zín owe jẹgbonu, mì sọgan zín owe mítọn lẹ jẹgbonu na mìde to nudi ogbè 400 mẹ ya? Lehe mì sọgan wàmọ do die:

• Yì nọtẹn Internet tọn mítọn www.watchtower.org ji.

• Hiẹ na mọ apadewhe todohukanji ogbè lẹ tọn to adusiwhé. Hùn yẹdide aigba tọn lọ nado mọ todohukanji ogbè he tin-to-aimẹ lẹpo tọn.

• Hùn ogbè he hiẹ jlo. Weda de na sọawuhia he na do owe he a sọgan zinjẹgbonu lẹ, taidi alọnuwe pẹvi, alọnuwe, po hosọ lẹ po hia we. Na weda ehe yin kinkan to ogbè he a de lọ mẹ wutu, ma hanú blo eyin a ma tlẹ sọgan hia hosọ lọ lẹ.

• Hùn owe depope. E na sọawuhia to ọdinatẹẹ lọ ji bo sọgan yin zinzinjẹgbonu.

Owe tangan delẹ poun wẹ nọtẹn Internet tọn mítọn bẹhẹn; owe devo lẹ sọgan yin mimọ gbọn agun ji. Tlolo he a fọ́n ojlo whétọ de tọn dote, nuhe na yọ́n hugan wẹ nado zọ́n owe lẹ gbọn owe yitẹn agun towe tọn ji.