Be A Sọgan Basi Oylọna Yé Ya?

To agun susu mẹ, wẹnlatọ delẹ ma sọgan wà susu to lizọnyizọn lọ mẹ na manọna sinsinyẹn kavi yọnhowhe wutu. (2 Kọl. 4:16) Be a sọgan basi oylọna mẹhe to ninọmẹ mọnkọtọn mẹ de na mì nido yì deanana plọnmẹ Biblu de ya? Eyin wẹnlatọ lọ ma sọgan sẹtẹn sọn owhé etọn gbè, a tlẹ sọgan deanana oplọn lọ to e dè. To whedelẹnu, be a sọgan nọ basi tito nado tọ́n hẹ wẹnlatọ de he tindo agbasamalo, na ewọ nido tindo mahẹ to lizọnyizọn whédegbè jẹ whédegbè tọn mẹ na ojlẹ kleun de kavi basi gọyìpọn dopo kavi awe hẹ we ya? Wẹnlatọ mẹhomẹ susu wẹ tindo numimọ taun to lizọnyizọn lọ mẹ. Enẹwutu, gbọnvona dọ vivẹnudido towe lẹ na na yé tuli, hiẹ lọsu na mọaleyi. (Lom. 1:12) Humọ, Jehovah na dona vivẹnudido towe lẹ na owanyi mọnkọtọn he a dohia.—Howh. 19:17; 1 Joh. 3:17, 18.