Nujijla Oylọ-Basinamẹ Plidopọ Daho Tọn

To owhe dopodopo mẹ, mí nọ gọ́ na zohunhun nado duvivi nuwiwa gbigbọmẹ tọn lẹ tọn to plidopọ daho mítọn lẹ ji. Na mẹdevo lẹ lọsu nido wá dọ́ dagbewà Jehovah tọn pọ́n wutu, mí na basi oylọna mẹsusu dile e yọnbasi do nado wá duvivi plidopọ lọ tọn hẹ mí. (Slm 34:8) Pipli mẹho lẹ tọn dopodopo na de lehe yé na má oylọ-basinamẹwe lọ gbọn to aliho he gbloada hugan mẹ.

NUDỌNAMẸ DELẸ HE MÍ NA HẸN DO AYIHA MẸ

• Whetẹnu wẹ yin plidopọ ṣie?

• Whetẹnu wẹ nujijla lọ na bẹjẹeji to agun ṣie mẹ?

• Whetẹnu wẹ opli sinsẹ̀nzọn kunnudegbe tọn lẹ nọ yin bibasi?

• Yanwle tẹlẹ wẹ n’tindo na nujijla lọ?

• Mẹnu lẹ wẹ n’to linlẹn nado basi oylọna?

ETẸWẸ A NA DỌ?

To whenue a ko dọnudo mẹlọ sọgbe hẹ aṣa lẹdo lọ tọn, a sọgan dọ:

“Mí to nujijla de basi lẹdo aihọn pé nado ylọ gbẹtọ lẹ wá nujijọ vonọtaun de. Azán, gànmẹ, po adlẹsi lọ po to oylọ-basinamẹwe lọ ji. Homẹ mítọn na hùn eyin mì wá.”

NAWẸ A NA DOAFỌNA OJLO GBỌN?

Dile etlẹ yindọ mí jlo na ylọ mẹsusu wá plidopọ lọ dile e na yọnbasi do, mí dona tin to aṣeji nado doafọna mẹdepope he do ojlo hia.

To sẹfifo lẹ, a sọgan ze linlinnamẹwe donukọnnamẹ gọna oylọ-basinamẹwe lọ.