De Gbẹtọ-Yinyin Hoho lọ Sẹ̀ bo Yí Yọyọ lọ Dogo

3:5-14

Be diọdo susu wẹ a basi gando gbẹtọ-yinyin towe go whenue a mọ nugbo lọ ya? Deji dọ vivẹnudido towe lẹ hẹn homẹhun Jehovah. (Eze 33:11) Amọ́, mí dona gbẹ́ to vivẹnudo nado nọ dapana jijọ gbẹtọ-yinyin hoho lọ tọn lẹ bo zindonukọn nado to gbẹtọ-yinyin yọyọ lọ dohia. Na gblọndo na kanbiọ he bọdego lẹ nado pọ́n fie a gán basi vọjlado te lẹ:

• Be n’to mẹde hẹn do homẹ na e ṣinuwa do mi wutu wẹ ya?

• Be n’nọ yiagbọji whẹpo do dọho kavi yinuwa eyin n’tlẹ to whlẹndo ji kavi eyin agbọ́ pé mi ya?

• Eyin linlẹn mawé de wá ayiha mẹ na mi, be n’nọ yawu de ayiha sọn e ji ya?

• Be n’nọ tindo linlẹn agọ̀ gando mẹhe wá sọn akọ̀ kavi otò devo mẹ lẹ go wẹ ya?

• Be n’ṣì hodọ na mẹde to agọe kavi gblehomẹ sinsinyẹn wẹ ya?