Nọ Gọalọna Biblu Plọntọ Towe lẹ Nado Nọ Dùnú Na Yede to Gbigbọ-Liho

Eyin mẹhe mí nọ plọn Biblu hẹ lẹ na yọ́n Jehovah ganji bo lẹzun Klistiani he whèwhín, nugbo he mí nọ plọn yé lẹ kẹdẹ ma ko pé. (Mt 5:3; Heb 5:12–6:2) Mí sọ dona nọ plọn yé lehe yé na nọ dùnú na yede to gbigbọ-liho do.

To bẹjẹeji, nọ dohia Biblu plọntọ towe lẹ lehe yé na nọ wleawuna oplọn yetọn do bosọ nọ na yé tuli nado nọ wleawu. (mwb18.03 6) Nọ na yé tuli nado nọ hodẹ̀ whẹpo do wleawu. Nọ gọalọna yé nado yí azọ́nwanu nupinplọn tọn he to nuyizan lẹtliki tọn ji lẹ bo plọn yé lehe yé gán nọ yí yé zan do. Dohia yé lehe yé gán nọ mọ nuyọyọ he tọ́n to jw.org po Televiziọn JW^® po ji lẹ do. Vudevude, plọn yé nado nọ hia Biblu egbesọegbesọ, nado nọ wleawuna opli lẹ bo nọ basi dodinnanu nado mọ gblọndo na kanbiọ yetọn lẹ. Gọalọna yé nado nọ lẹnayihamẹpọn do nuhe plọn yé te lẹ ji.

PỌ́N VIDEO LỌ NỌ GỌALỌNA BIBLU PLỌNTỌ TOWE LẸ NADO NỌ DÙNÚ NA YEDE TO GBIGBỌ-LIHO, ENẸGODO NA GBLỌNDO NA KANBIỌ HE BỌDEGO LẸ:

• 

  Nawẹ Anita gọalọna Jani nado mọnukunnujẹemẹ dọ nupinplọn ma nọte do gblọndo nina kẹdẹ ji gbọn?

• 

  Etẹwẹ gọalọna Jani nado kudeji dọ owhẹ̀ Jehovah tọn whẹ́n nado dosẹ́n gando fẹnnuwiwa zanhẹmẹ tọn go?

• 

  Etẹ go wẹ Jani wá mọnukunnujẹ gando ayihamẹlinlẹnpọn go?