Yé Nọ Wazọ́n Na Dagbe Omẹ Jehovah Tọn lẹ Tọn

Mẹsusu wẹ nọ yí nukunpẹvi do nọ pọ́n mẹhe to otẹn aṣẹpipa tọn mẹ lẹ. Etẹwutu? Sọn hohowhenu gbọ́n wẹ gbẹtọvi lẹ ko nọ yí aṣẹpipa yetọn zan na ale yetọn titi. (Mi 7:3) Mí dopẹ́ dọ azọ́nplọnmẹ he mẹho agun tọn lẹ nọ mọyi nọ gọalọna yé nado nọ yí aṣẹpipa yetọn zan na dagbe omẹ Jehovah tọn lẹ tọn.—Ẹst 10:3; Mt 20:25, 26.

Yé ma nọ yinuwa di aṣẹpatọ aihọn tọn lẹ, na wanyina Jehovah podọ na omẹ etọn lẹ wẹ nọ whàn yé nado dovivẹnu na otẹn azọngban tọn. (Joh 21:16; 1Pi 5:1-3) Lẹngbọhọtọ ehelẹ nọ wazọ́n to anademẹ Jesu tọn glọ bo nọ gọalọna wẹnlatọ dopodopo nado voawu to whẹndo mẹhe to Jehovah sẹ̀n lẹ tọn mẹ bosọ vẹ́ hẹ Jehovah dogọ. Yé ma nọ dọngbàn nado penukundo lẹngbọ Jehovah tọn lẹ go to gbigbọ-liho bosọ nọ gọalọ to whenue whẹho dotowhé tọn de biọ dọ yè ni yawu yinuwa kavi whenue nugbajẹmẹji de jọ. Enẹwutu, eyin a do hudo alọgọ mẹho lẹ tọn, ma whleawu nado dọna yé blo.—Jak 5:14.

PỌ́N VIDEO LỌ LẸNGBỌHỌTỌ HE NỌ YÌN APÓ LỌ LẸ, ENẸGODO NA GBLỌNDO NA KANBIỌ HE BỌDEGO LẸ:

• Dagbe tẹwẹ alọ he mẹho lẹ gọ́ na Mariana wà na ẹn?

  Gblọndo towe

• Dagbe tẹwẹ alọ he mẹho lẹ gọ́ na Elias wà na ẹn?

  Gblọndo towe

• Nawẹ numimọ enẹlẹ yinuwado pọndohlan towe gando azọ́n he mẹho lẹ nọ wà go ji gbọn?

  Gblọndo towe