WESẸDOTẸN INTẸNẸT JI TỌN Watchtower Tọn
WESẸDOTẸN INTẸNẸT JI TỌN
Watchtower Tọn
Gungbe
ẹ,ọ,ṣ
  • á
  • à
  • é
  • è
  • Ẹ
  • ẹ
  • ẹ́
  • ẹ̀
  • í
  • ì
  • ó
  • ò
  • Ọ
  • ọ
  • ọ́
  • ọ̀
  • Ṣ
  • ṣ
  • ú
  • ù
  • BIBLU
  • OWE LẸ
  • OPLI LẸ
  • jy weta 15 w. 40-w. 41 huk. 6
  • Jesu Wà Azọ́njiawu Etọn Tintan

Video de ma tin na adà ehe

Jaale, nuhahun de wá aimẹ gando video lọ go.

  • Jesu Wà Azọ́njiawu Etọn Tintan
  • Jesu—Aliho lọ, Nugbo lọ po Ogbẹ̀ Po
  • Hosọ Mọnkọtọn
  • Azọ́njiawu Tintan Jesu Tọn
    Dawe Klohugan lọ He Nkọtọn Ma Nọgbẹ̀ Pọ́n
  • Azọ́njiawu Awetọ to Kana
    Jesu—Aliho lọ, Nugbo lọ po Ogbẹ̀ Po
  • Azọ́njiawu Awetọ to Whenuena E Tin to Kana
    Dawe Klohugan lọ He Nkọtọn Ma Nọgbẹ̀ Pọ́n
  • Kanbiọ lẹ sọn Wehiatọ lẹ Dè
    Atọ̀họ̀-Nuhihọ́ lọ Tọn He To Ahọluduta Jehovah Tọn Lá—2006
Pọ́n Nudevo Lẹ
Jesu—Aliho lọ, Nugbo lọ po Ogbẹ̀ Po
jy weta 15 w. 40-w. 41 huk. 6
To hùnwhẹ alọwle tọn de tẹnmẹ to kana, Jesu degbena lizọnyitọ lẹ nado kọ̀n osin do ozẹ́n lẹ mẹ ni gọ́

WETA 15

Jesu Wà Azọ́njiawu Etọn Tintan

JOHANU 2:1-12

  • HÙNWHẸ ALỌWLE TỌN DE TO KANA

  • JESU DIỌ OSIN ZUN OVẸN

E ko yì azán atọ̀n todin he Natanaeli lẹzun dopo to devi tintan Jesu tọn lẹ mẹ. Jesu po delẹ to devi tintan enẹlẹ mẹ po dedo agewaji agbegbe Galili tọn, yèdọ lẹdo yetọn mẹ. Tòdaho Kana tọn mẹ wẹ yé jei, yèdọ fie Natanaeli wá sọn. Kana tin to lẹdo pópló tọn lẹ mẹ to agewaji Nazalẹti tọn, fihe Jesu lọsu whẹ́n te. Yé yin oylọ basina wá hùnwhẹ alọwle tọn de tẹnmẹ to Kana.

Onọ̀ Jesu tọn lọsu wá alọwle lọ tẹnmẹ. Na Malia yin họntọn whẹndo alọwlemẹ lẹ tọn de wutu, e taidi dọ ewọ tin to mẹhe to alọgọ nado penukundo jonọ susu he wá lẹ go mẹ. Enẹwutu, e yawu doayi e go dọ nude whè, bo dọna Jesu dọmọ: “Yé ma tindo ovẹn.”—Johanu 2:3.

Na taun tọn, nuhe biọ Malia te wẹ yindọ Jesu ni yí nude wà gando whèdomẹ ovẹn tọn lọ go. Hogbe yẹhiadonu tọn he Jesu yizan nado na gblọndo lẹ dohia dọ ewọ jẹagọdo obiọ lọ, e dọmọ: “Etẹwẹ dù yẹn po hiẹ po to enẹ mẹ?” (Johanu 2:4) Taidi Ahọlu dide Jiwheyẹwhe tọn, nuyiwa Jesu tọn lẹ dona nọ yin anadena gbọn Otọ́ olọn mẹ tọn etọn dali, e ma yin gbọn hagbẹ whẹndo tọn kavi họntọn lẹ dali. Malia gbọn nuyọnẹn dali jo whẹho lọ do alọmẹ na visunnu etọn, bo dọna lizọnyitọ lẹ poun dọ: “Nudepope he e dọna mì, mì wà ẹ.”—Johanu 2:5.

Osinzẹ́n zannu tọn ṣidopo wẹ tin to finẹ, ehe dopodopo yetọn sọgan hẹn hugan litli 40. Jesu degbena lizọnyitọ lọ lẹ dọmọ: “Mì kọ̀n osin do ozẹ́n lọ lẹ mẹ ni gọ́.” Enẹgodo, Jesu dọmọ: “Mì ba vude tọ́n todin bo hẹn ẹn yì anadenanutọ hùnwhẹ lọ tọn dè.”—Johanu 2:7, 8.

Anadenanutọ hùnwhẹ lọ tọn pà asisunọ yọyọ lọ na ovẹn he yọ́n taun enẹ

Ovẹn dagbedagbe enẹ yọ́n taun to nukun anadenanutọ hùnwhẹ lọ tọn tọn mẹ, ṣigba ewọ ma yọnẹn dọ e yin bibasi to azọ́njiawu-liho. E ylọ asisunọ yọyọ lọ bo dọna ẹn dọmọ: “Mẹlẹpo wẹ nọ de ovẹn dagbe tọ́n jẹnukọn, bọ to whenue gbẹtọ lẹ ko nùmú, yé nọ de dehe ma sinyẹn lọ tọ́n. Hiẹ ka whlá ovẹn dagbe lọ kakajẹ din.”—Johanu 2:10.

Ehe wẹ yin azọ́njiawu tintan he Jesu wà. To whenue devi yọyọ etọn lẹ mọ azọ́njiawu ehe, yise yetọn to ewọ mẹ lodo dogọ. To enẹgodo, Jesu, onọ̀ etọn po nọvisunnu daa etọn lẹ po zingbejizọnlin yì Kapẹlnaumi to agewaji Ohù Galili tọn.

  • Whetẹnu to lizọnyizọn Jesu tọn whenu wẹ alọwle Kana tọn yin bibasi?

  • Nawẹ Jesu yinuwa gbọn to whenue onọ̀ etọn dọhona ẹn gando whèdomẹ ovẹn tọn lọ go?

  • Azọ́njiawu tẹwẹ Jesu wà, podọ nawẹ enẹ yinuwado mẹdevo lẹ ji gbọn?

    Gun Publications | (1976-2025)
    Ṣí Adà Towe
    Hùn Adà Towe
    • Gungbe
    • Dohlan
    • Nujlomẹ Lẹ
    • Copyright © 2025 Watch Tower Bible and Tract Society of Pennsylvania
    • Osẹ́n Nọtẹn lọ Tọn Lẹ
    • Osẹ́n Nudọnamẹ Mẹdetiti Tọn
    • De Osẹ́n Nudọnamẹ Tọn Lẹ
    • JW.ORG
    • Hùn Adà Towe
    Dohlan