Nuhe Nukun Sọgan Mọ lẹ Yiyizan Ganji

Jenẹsisi 15:5

BLADOPỌ: Yí nuhe nukun sọgan mọ lẹ zan nado hẹn nuagokun tangan mẹpinplọn towe tọn lẹ họnwun hezeheze.

NUHE A NA WÀ:

• De nuhe na hẹn mẹpinplọn towe pọnte lẹ. Yí yẹdide, apotin, yẹdide otò tọn, todohukanji ojlẹ hihia tọn, kavi nudevo he nukun sọgan mọ lẹ zan nado zinnudo nuagokun tangan lẹ ji, e ma yin do zẹẹmẹ flinflin lẹ ji. Gọalọna hosetọ towe lẹ nado flin nuagokun he plọnmẹ a te lọ, e ma yin nuhe a dohia lọ kẹdẹ.

• Hẹn ẹn diun dọ hosetọ towe lẹ na mọ nuhe dohia a te lọ.