Be Hiẹ Flin Ya?

Be a duvivi zinjẹgbonu Atọ̀họ̀-Nuhihọ́ lọ Tọn agọe tọn lẹ hihia tọn ya? Pọ́n eyin a sọgan na gblọndo na kanbiọ he bọdego helẹ:

Be oda Samsọni tọn wẹ nọ na ẹn huhlọn ya?

E ma yin oda Samsọni tọn na ede wẹ yin asisa huhlọn etọn tọn. Oda etọn nọtena haṣinṣan vonọtaun he e tindo hẹ Jiwheyẹwhe taidi Nazili de. Haṣinṣan enẹ gble to whenue Dẹlila biọ to dawe de si nado pada na Samsọni.—15/4, weda 9.

Taidi ahun gbẹtọ tọn, onú atọ̀n tẹlẹ wẹ sọgan tindo nuyiwadomẹji dagbe do ahun yẹhiadonu tọn mítọn ji?

(1) Núdùdù. Eyin ahun mítọn na to ganji, mí dona nọ dù núdùdù hunsindagbe tọn he pemẹnu. Mọdopolọ, mí dona nọ dù núdùdù dagbe gbigbọmẹ tọn he pemẹnu. (2) Aihundida lanmẹyiya tọn. Mahẹ zohunhun tọn tintindo to lizọnyizọn lọ mẹ sọgan hẹn ahun yẹhiadonu tọn mítọn do ninọmẹ dagbe mẹ. (3) Gbẹdido. Mí sọgan dekanpona kọgbidinamẹnu lẹ eyin mí nọ dogbẹ́ hẹ yisenọ hatọ he nọ hò mítọn pọ́n lẹ.—15/4, weda 16.

Eyin alọwlemẹ dopo deayọ, nawẹ asu po asi po lọ sọgan vọ́ awuwlena jidide gbọn?

Yé dona (1) nọ dọ nugbo na ode awetọ; (2) wazọ́n dopọ; (3) dovivẹnu nado diọ jijọ; bo (4) yọ́n whenue yè dona johodo nado sọgan vọ́ haṣinṣan lọ jlado.—1/7, weda 18-21.

Naegbọn mẹhe to hodidọ ṣiọdidi tọn na ma dona yí Psalm 116:15 zan na matintọ lọ?

Wefọ lọ dọmọ: “Nuhọakuẹ to nukun OKLUNỌ tọn mẹ wẹ okú mẹwiwe etọn lẹ tọn.” Ehe zẹẹmẹdo dọ okú nugbonọ lẹ tọn to pọmẹ họakuẹ na Jiwheyẹwhe sọmọ bọ e ma sọgan dike onú mọnkọtọn de ni jọ. E ma na dike devizọnwatọ etọn lẹ to pọmẹ ni yin kúnsúdona sọn aigba ji.—15/5, weda 22.

Mẹnu lẹ wẹ nọ yin yiylọdọ owe-mátọ?

Jẹnukọnna 1931, hogbe lọ “owe-mátọ” nọ yin yiyizan na mẹhe nọ yin yiylọdọ gbehosọnalitọ lẹ todin.—15/5, weda 31.

Mẹnu lẹ wẹ ‘ahọludu ehe lẹpo’ he yin nùdego to Daniẹli 2:44 mẹ bẹhẹn?

Ahọluduta, kavi gandudu he adà voovo boṣiọ he Daniẹli basi zẹẹmẹ etọn nọtena lẹ wẹ dọdai ehe to alọdlẹndo.—15/6, weda 17.

Whetẹnu wẹ huhlọn aihọn tọn he yin Anglo-Amérique lẹzun huhlọn aihọn tọn ṣinawetọ he Biblu dọ dọdai etọn lọ?

Huhlọn aihọn tọn awe-topọ ehe wá aimẹ to whenue Grande-Bretagne po États-Unis po yinuwa to pọmẹ to aliho tangan de mẹ to Wẹkẹ-Whàn I whenu.—15/6, weda 19.