ˈFɔ 12 ɔnˈ -deeghwlu-

Zezi -tɔɔɛn ɲʋn dhɛ ˈdhe ˈBheɔglɔ- nɩan ˈe jhaʋn ˈdhi aˈ dɩ ˈdhi. Ɔ ˈtmʋʋn- ʋbʋ ˈmɛn -ke -ka ʋʋ ˈyea bhae- -wɛeˈ Ɲɔnsoa aˈ ˈɲnɩn ˈyea -vlɛnˈˈ in ˈghwlʋ, ɔɔˈ ˈBheɔglɔ ˈyea jhi ˈˈdhe ɔɔˈ -ˈglʋdɩ ˈyea -nʋʋɛn- da ˈbhlʋa ˈˈkpe ɛ. -Bho -nɩn ˈˈɲnuun ˈdhou -aeˈˈ ˈˈɲnuun ˈˈbho ɛˈ, -mɛnˈ dhɛ bhaeghwlu -ˈnʋn ˈdhaa ˈdhe -aaˈ ˈkmʋn ˈdhi ɛ, po -manˈ ˈˈɲnuun sʋn bho ʋʋ ˈyeɛ i ˈŋwɔn. Zezi ˈse Satan in ˈˈtai- ɔ ˈse ɔɔˈ Ɲɔnsoa ˈˈbuinkpʋɛn- ˈkɔɔ-. Zezi ɔˈ dhbhonʋʋn- ɔ za ˈo ɛ, ʋbʋ- -nɩn ˈBheɔglɔ- -ˈnɔn ɔnˈ ɲʋn kɔan ɲan, ˈˈdhe ʋa nʋɛn dhbho klaaˈˈ ˈdhe ɔ ˈdhi. Po -manˈ ˈˈjhu sʋn bho ɔ ˈyeɛ i ˈŋwɔn -ke -ka Zezi ˈghwlʋaˈ nɛnˈ in ˈˈɲɩnsʋn- ˈjɛʋn anˈ dɩ ɛ. Dhɛ ɔɔ ˈbɔan ɔ ˈyea ɲʋn -ˈnʋʋn sʋn bho po ɛ, ɛɛˈ dɩ ɔ ˈpʋʋ- ɲʋn -ʋaˈ dhɩ a pooa, ɔ nʋn -jhriiˈ- ɔ ye ɲʋn dhiidhɩ ˈˈɲɩn ʋʋ ye dhi ˈˈdhe ɔ -jha ɲʋn ˈkmʋn dhe. Dhɩ Ɲɔnsoa aˈ ˈBheɔglɔ ɔ muan -nʋn ˈdhe ɲan ɔ ˈyea ɲiɔo- ˈˈɲɩn ɛn, ɩmɩn- Zezi -to.