-A vɔn pluˈ aˈ ɲʋn -nʋʋɛn bho ˈbho ɲʋn -ˈnʋʋn anˈ sʋn bho poaˈ: Dhɛ Biiblʋ a ˈtmʋan

Ɲʋn -duuˈˈ da ˈbhlʋa aˈ klɛɛ ˈˈkpe pluˈ a nʋn ˈˈdhe -ʋa- po aʋaˈ ˈˈjɛ ˈfɔ bho. -Dɔsrɔ klaeˈˈ ˈnaan -bho ɲɔn ɔn sa ˈbɔn ɔ ˈye ɔɔˈ pluˈ bho vɔn ɔnˈ, -mɛnˈ ɔ po ɲʋn -ˈnʋʋn sʋn bho.

• “Ɲʋn -ˈnʋʋn an sʋnbhopoɛ ɛɛ nʋɛnˈ -aaˈ ˈkmʋn an yea dhɛ ˈdha ˈˈdhe -aa yea pluˈ bho vɔn.” (U.S. National Institutes of Health [Institut américain de la santé]).

Biiblʋ a ˈˈɲɩn -aʋ ˈsrɩn ˈjɛɩn -ɩn ˈbhɛɛˈ -ɩn ˈye -aʋ sʋn bho po -wɛeˈ -a ˈye ɲʋn -ˈnʋʋn sʋn bho po. -Bho -a nʋn dhɩ Biiblʋ a ˈtmʋan anˈ, -aa muɛn pluˈ bho -vɔn -kajɔɔnka.

Dhɛ -a ˈyea nʋn ɛn

-A kman dhɛ kwa i -za dɩ. -A po ˈe ˈkpɩ -a -nɩn ɲʋn -ˈnʋʋn ˈye nɔnˈˈ nʋn -da dhueˈ. Dhɩ -a ˈbhlea -a ˈbɔn ɩanˈ ˈmʋn gbleaˈ -bho -abʋ -e ɲʋn -ˈnʋʋn ˈɲnɩn. -Bho -aa sa ɛɛˈ dhɛ tu nʋn ɛnˈ, ˈjɛɛn -aa nʋbʋ ˈˈdhrui ɛ, ʋa muɛn ˈˈɩ jhibho- ˈˈdhe ɛ ˈyeɛ nʋn -ke ʋʋ -nɩn -a ˈye jhbhɛɛ-.

• Biiblʋ aˈ ˈsrɩn: “-A kman ɲʋn dhɛ ˈˈɲɩn dɩ, ˈˈdhe ɲʋn an muɛn -aʋ dhɛ ˈˈɲɩn -ke.”—Luc 6:38.

-A kman ɲʋn -ˈnʋʋn anˈ sʋn bho -po dɩ. Ɲʋn -ʋa- cɛaan dhɛ ˈkledɩ- ˈdhi ɛ, -a ˈbɔn ʋaˈ sʋnbhopoɛ- i. -A ˈbhɛɛ mɔn -a ˈyeɛ nʋn ˈbho ʋaˈ -dheinˈˈ bho poaˈ ˈdhe ɲʋndɩkmaan- ˈmʋn -aeˈˈ -a ˈye dhɛ -ˈˈwe -ɛ ˈyʋbʋ sʋn bho po nʋn.

• Biiblʋ aˈ ˈsrɩn: “Dhaiˈˈ ˈdhɔɛeˈ ɔɔ kman ɲʋn anˈ dɩ nɔnˈˈ ooˈˈ nɔnˈˈ.”(Proverbes 17:17, Bible Nouvelle Français courant.

-Bho -man sa ˈbɔn -ˈye dhɩ -duuˈˈ i ˈŋwɔn ˈdhe -jhbhɛɛ ɛˈ i kuuɛ- ɛˈ dɩ ˈdhi ɛˈ, zro ˈcɩaandhɛ- “La vie de famille et les amitiés ˈdhii.”