Kwela Sribi Ngöbökwe aune Gätä Sribi Ngöbökwe nuainkäre ye kräke kukwe ükaninte mrä
Bämän 3 septiembre ja känenkäre, Ja Tötika Bibliabätä Konkrekasionte ye ñaka nuaindi 25 minuto, ñakare aune nuaindi 30 minuto. Ni ja tötika jie ngwanka ye käkwe minuto krati te, kukwebätä ja tötikabare käne ye kädrieta jötrö ngwarbe. Gätä sribi Ngöbökwe Nuainkäre ye kräke kukwe ükaninte arato: ñaka nuaindi 35 minuto, ñakare aune nuaindi 30 minuto. Kukwe mikata gare ye abokän ñaka nuaindi jire. Matare ja känenkäre, kukwe meden ütiäte tädre mikadre gare, ye abokän mikai gare kukwe kädriei kena Gätä sribi Ngöbökwe Nuainkäre yete. Bäsi kukwe mika tädi ñaka gare krubäte, aune ruäre ngwane ñaka nuaindi jire, ñobätä ñan aune kukwe meden meden kädriei gätäte ye ñaka mikai gare. Ora diankata gätä nuainkäre kukwe drieta känenkri aune köbö ükateta Ju Ja Ükarakrö ükatekäre kwin ye ñaka mikadre gare. Arato ja mräkätre tä köbö kwin juen ye ñaka mikadre gare (km 10/08 pág. 1 párr. 4). Kukwe ruäre mikai gare ye nga krubäte angwane, nitre kukwe kädriekä yei mikadre gare ne kwe rabadre kukwe kädriere kä braibe te.