Kukwe driekäre

Sabado kena mayo yebätä ja tötika Bibliabätä kömikadre ño

“Ja mikata ngite ye kukwe keteiti abokän nemen bare ni jökräbätä. ¿Kukwe käme krubäte nuainta ye Ngöböta juen ta nibiti ye mä tärä ngwentari jai?” Mäkwe tuanmetre blite, ye bitikäre kukwe tä mikani página 15 Ni Mikaka Mokre 1 mayo yebätä ye mäkwe mika tuare ie aune kukwe ngwantarita kena ye mäkwe kädrie ben aune texto keteitibätä mäkwe ñäkä. Mäkwe täräkwata ye drie ie aune mäkwe köbö ükate jai kukwe mada ngwantarita kädriekäre ben.

Ni Mikaka Mokre 1 Mayo

“Kukwe nieta nebätä mätä töbike ño ye nun törba gai [mäkwe ñäkä 1 Juan 4:8 yebätä]. Kukwe ne tuin era nitre kwati ie, akwa nitre ruäre tä niere Ngöbö ye ni mikaka ja tare nike, ñobätä ñan aune tä dobo kri o kukwe mada tare mike nemen bare o kukwe tuenmetre nakainkä. ¿Mä abokän tä töbike ño? [Mäkwe tuanmetre blite.] Ñobätä ni ñaka rabadre ñäke Ngöbö rüere aune mike ngite ja tare nika yebätä ye täräkwata ne tä mike gare.”

¡Despertad! Mayo

“Kukwe keteiti tä ni mike töbike krubäte yebätä nun törba blitai matare munbe: ni mada murie ketata. Nitre ruäre tä niere kukwe ye ükatekäre guardia mikadre bäri. ¿Mä abokän tä töbike ño? [Mäkwe tuanmetre blite.] ¿Ni mada murie ketata ye mikai krüte käbämikata Bibliakwe ye gare mäi? [Mäkwe ñäkä Salmo 37:10, 11 yebätä.] Kukwe käbämikata ne rabai bare ño ye täräkwata ne tä mike gare aune tä kukwe ruäre mike gare nie ne kwe ni rabadre ja kriemike ni ni mada murie ketaka yebätä.”