Kukwe driekäre

Sabado kena octubre yebätä ja tötika Bibliabätä kömikadre ño

“Ni mräkätre tare nikwe tä krüte ye kukwe bäri tare tä nemen bare nibätä nitre kwati nünanka nun bäre käkwe niebarera nunye. ¿Mätä töbike ye erere arato? [Mäkwe tuanmetre blite.] Kukwe nieta nete ne ti dimikaba krubäte.” Kukwe tä mikani täräkwata Ni Mikaka Mokre 1 octubre página mrä yebätä ye mäkwe mika tuadre ie aune mäkwe ja tötika kukwe ngwantarita kena yebätä ben aune texto keteitibätä mäkwe ñäkä. Mäkwe täräkwata ye drie ie aune mäkwe köbö ükate jai kukwe mada ngwantarita ye kädriekäre ben.

Ni Mikaka Mokre 1 Octubre

“Nunta nitre tuinbiti jötrö ngwarbe töi mikakäre ñäke Bibliabätä. Nitre ruäre töta nemen ñäkäi Bibliabätä, akwa nitre mada abokän ñaka tö nemen ñäkäibätä. ¿Aune mä? [Mäkwe tuanmetre blite.] Dre nieta Bibliabätä ne mike ñärärä [mäkwe ñäkä 1 Tesalonicenses 2:13 yebätä]. Erametre Ngöbö kukwei tä tikani Bibliabätä, ye medenbätä ütiäte krubäte ñäkädrebätä, ¿ñan ererea? Kukwe meden kädrieta Bibliabätä aune ñobätä rabadre tuin ütiäte nie ye mikata gare täräkwata nebätä.”

¡Despertad! Octubre

“¿Jondron ñaka krubäte nikwe akwa ni raba nüne kä jutobiti raba ruin mäi? [Mäkwe tuanmetre blite.] Kukwe meden nieta Bibliakwe ne mike ñärärä [mäkwe ñäkä 1 Timoteo 6:8 yebätä]. Nikwe kukwe ye mikadre tuin ño jai aune jondron ketamä ütiäte krubäte abokän köka ñaka raba ngwian yebiti ye mikata gare täräkwata nebätä.”