Blitata käre jabe erere blite

Felipe nuainbare ño

VIDEO: Felipe kukwe driebare ni eunuco etíope yei

1. VIDEO mike ñärärä o ñäke Hechos 8:​30, 31 yebätä. Biti kukwe ngwantarita nebätä töbiketari:

1. ¿Blita kömikani ño Felipekwe?

2. ¿Ñobätä blita kömikani kwin kwe kukwe metre driekäre ni etíope ie?

Felipe kukwe kwin bämikani, ¿ye tä dre driere nie?

2. Blitata käre jabe erere nita nitre tuenmetre blite jabe ngwane, ja rabai ruin kwin ie aune tö rabai bäri ni kukwe nuai.

Ja ngwen Felipe erere

3. Kä mike ñärärä käne. Mä okwäta mate nitrebätä ngwane, ¿kätä ño ngwärebätä o ja bämikata ño kwe yebätä dre nemen gare mäi? ¿Tö blitai nibi tuin mäi? Kukwe nuäre mä raba niere blitakäre ben Bibliabätä ye abokän ne: kukwe metre niere keteiti, biti ngwentari ie: “¿Kukwe ne kädrie tärä mä olote ya?”. Ni ye ñan tö blitai ngwane ñan nika jankunu.

4. Kä bäri kwin ngübare. Kukwe Bibliabätä driedre bengwairebe ye ñaka nütüdre. Mäkwe kä bäri kwin ngübadre blitakäre Bibliabätä ni ye ben aune blitata käre jabe erere mäkwe blita Bibliabätä ben. Ruäre ngwane, köbö madate ngwane batibe ni rabadre blite Bibliabätä ni ye ben.

5. Ja mike juto blitakäre kukwe madabätä. Batibe ni ye rika blite kukwe madabätä mäbe ye raba nemen bare. Aisete kukwe mä bi kädriere ben ye tuenmetre ken, aune drebätä ni ye tä töbike yebätä blite ben.