Mäkwe diri bäri kwin: Mäkwe ja töi mika blite käne ye köböire mä raba kukwe driere

Meri samaritana yebe Jesús blita kömikani käne kukwe madabätä aisete kukwe driebare kwe ie. ¿Ni raba blita kömike ño nitre ñaka gare nie yebe?

• Mäkwe kä mika kötare ja ngwärebätä aune mäkwe blita kömika nitre ben. Jesús nämäne nainte akwa blita kömikani kwe. ¿Nuainbare ño kwe? Ñö ribebare kwe ñadre jai. Mäkwe köbö kwin nie aune mä raba blite kätä ño yebätä o kukwe namani bare bitinkä yebätä. Mäkwe ye nuaindre blita kömikakäre aune drebätä nitre törbadre blitai yebätä mäkwe blita bentre. Nitre ñaka ñäkä mä kukweikäre angwane mäkwe ñan töbika. Mäkwe blita ni madabe, mä ja di kärä Jehovai ne kwe kä jürä ñaka rabadre mäbätä (Ne 2:4; Hch 4:29).

• Mä tädre juto biarebe blitakäre kukwe kwin Gobran Ngöbökwe yebätä, akwa mä ñaka nuain bengwairebe. Mäkwe nitre tuanmetre blite käne ye köböire nitre ñaka rabai jakaire aune ñaka ja kukwei ötai kwetre. Mä jämi blite Jehovabätä nitre ben ye ngwane blita mikadre krüte kwe, akwa ñan yebätä mäkwe ja di ngwan nekä. Kukwe driedre ye ñaka nemen nuäre mä kräke ngwane, mäkwe ja di ngwan blite jerekäbe. [Video 1 mikadre tuare aune kädriedre nitre ja ükaninkrö yebe].

• Mäkwe ja di ngwan nitre töi mike kukwe Ngöbökwe yebätä. ¿Mä raba nuainne ño? Kukwe mikata täte nikwe yebätä mä raba kukwe mike gare bökän ye raba nitre töi mike kukwe ngwentari mäi. Ye erere Jesús nuainbare ye köböire meri samaritana kukwe ngwanintari ie. Jesús blitabare ben Gobran Ngöbökwe yebätä angwane nämäne kukwe ye mike gare ie. [Video 2 mikadre tuare aune kädriedre nitre ja ükaninkrö yebe. Ye bitikäre video 3 mikadre tuare aune kädriedre arato].