Jesús ja nire biani Ngwanta Törö jai ye ngwane kukwe driedre bäri
1. ¿Ñobätä ni rabadre kukwe driere bäri sö marzo, abril bätä mayo yebätä?
1 ¿Sö marzo, abril bätä mayo yebätä mä raba kukwe driere bäri? Mätä nüne yekänti, bätä kä madakänti sö yebätä kätä nemen moren bätä kä ñaka tä nemen iko jötrö ngwarbe, o nanekänti köbö bianta ngwarbe mäi sribibätä o kwelate; aisete mä raba kä ye denkä jai kukwe driekäre bäri sö yebätä. Ne madakäre, Jesús ja nire biani Ngwainta Törö jai köbö 17 abril yete, ye medenbätä köbö 2 abril ja käne täräkwata döräidi nitre nübaikäre gätä yebätä. Ye bitikäre, nitre nükani Jesús ja nire biani Ngwanta Törö jai yebätä ye töimikakäre Ngöbö kukweibätä, nübaidre kukwe ütiäte kädriei bämän 25 abril yebätä. Jesús ja nire biani Ngwanta Törö jai ye käi näire ni raba kukwe driere bäri.
2. ¿Ni raba dre nuainne sribi Ngöbökwe nuainkäre bäri?
2 Prekursor ausiliar nuaindre. Kukwe driekäre bäri ni raba prekursor ausiliar nuainne. Sribi keta kabre tä ni jökrä kisete, yebätä nikwe kukwe ükadrete kwin aune kä diandrekä jai sribi ye nuainkäre (Pro. 21:5). Nane mäkwe kukwe mada ükaninante jai nuainkäre sö yebätä, akwa kukwe ye ñaka ütiäte krubäte angwane, ¿mä raba mikete nuainkäre mada ngwane? (Fili. 1:9-11.) Mä törba prekursor ausiliar nuain, ¿ye ñobätä mä ñan niere ja mräkätre konkrekasionte yei? Nane niaratre törbadre nuain siba mäbe.
3. ¿Nitre ja mräkäre raba dre nuainne kukwe driekäre bäri?
3 Kukwe ne nuain raba, Ja tötikadre ni Mräkätre yebe ye ngwane mun töita dre nuainbätä ye mun raba kädriere jabe (Pro. 15:22). Ni ja mräkäre rabadre ja dimike kwärikwäri, ne kwe ni iti o nibu käkwe prekursor ausiliar nuaindre sö krati, krobu o bäri. Akwa, ñaka rabadre nuäre nuaindre munkräke, ye ngwane mun raba köbö ükete jai kukwe driekäre derekri o bämän krüte yebätä ja mikadrete kukwe driekäre bäri.
4. ¿Jesús ja nire biani Ngwanta Törö jai ye käi näire nikwe kukwe driei bäri angwane dre kwin rabai nikwe?
4 Nita ja di ngwen sribi nuainne Jehová kräke, ye jökrä tuin ie aune tä mike tuin ütiäte jai (Heb. 6:10). Nita sribi nuainne Jehová aune ni mada kräke ye kätä kä mike juto nibätä (1 Cró. 29:9; Hech. 20:35). ¿Jesús ja nire biani Ngwanta Törö jai ye käi näire mä raba kukwe driere bäri? Mäkwe nuaindi angwane, kukwe kwin rabai mäkwe aune ye käkwe kä mikai juto mäbätä.