Kukwe driekäre

Sábado kena octubre yebätä ja tötika Bibliabätä kömikadre ño

“Nunta näin jötrö ngwarbe blitakäre gobran kwin yebätä nitre ben. ¿Gobran meden raba ni mada nuainta tare aune kukwe käme tä nemen bare ye denkä raba ruin mäi?” Mäkwe tuanmetre blite. Jesukwe orasion padrenuestro driebare ye ngwane, nitre nänkä jiebiti rabadre gobran ye erere ribere driebare kwe ietre ye mäkwe ngwan törö ie, ye abokän Gobran Ngöbökwe. Biti täräkwata Ni Mikaka Mokre 1 octubre página mrä ye mäkwe mika tuadre ie aune mäkwe kukwe ngwantarita kena ye kädrie ben bätä texto keteitibätä mäkwe ñäkä. Mäkwe täräkwata ye drie ie aune mäkwe köbö ükate jai kukwe mada ngwantarita ye kädriekäre ben.

La Atalaya 1 Octubre

“Jesukwe orasion keteiti driebare nitre nänkä jiebiti yei abokän gare nitre kwati ie yebätä nunta blite jötrö ngwarbe bentre. [Mäkwe ñäkä Mateo 6:9, 10 yebätä.] ¿Gobran Ngöbökwe ye dre gärätä, aune ñobätä nämene ütiäte krubäte Jesús kräke ye driebarera mäi? [Mäkwe tuanmetre blite.] Biblia tä dre mike gare Gobran Ngöbökwe yebätä aune Gobran yekwe kukwe kwin krubäte nuaindi Kä tibienbätä ye mikata gare täräkwata nebätä.”

¡Despertad! Octubre

“Nunta näin jötrö ngwarbe kukwe ngwantarita ne mikakäre gare nitre ie. [Kukwe nieta kena täräkwatabätä ye mäkwe mika tuare nitre ie.] ¿Ni rabadre jondron bökäne ye ngwane batibe kukwe kwin raba nemen nikwe raba ruin mäi? [Mäkwe tuanmetre blite.] Jondron kä nebätä ye mikadre tuin ño jai ye Biblia tä mike gare. [Mäkwe ñäkä Lucas 12:15 yebätä.] Biblia tä niere erere, kukwe kwin ye raba nemen ni jökrä kwe. Mikata gare bäri täräkwata nebätä.”