Kukwe ngwantarita

◼ ¿Tärä chi juanta o Internet yebiti nire nire rabadre tärä kärere o ni mada kärere jakänti?

Nitre testiko Jehovakwe tä täräkwata sribere, yebiti täräkwata mada o ni iti testiko Jehovakwe rikadre ni mada känti ye kärä raba. Arato, Internet www.watchtower.org yebiti ja tötika Bibliabätä kärä raba. Jondron ye köböire nitre kwati ie kukwe metre ye namanina gare. Akwa nitre kukwe driekä kätä kukwe ye nuainne ja ketamuko o mräkätre kwe ye kräke ye ngwane kukwe mada raba nemen bare.

Ñodre, nitre ñaka tärä kärere aune sukursal tä juen ietre, ye ngwane nitre ye tätre niere juta Ngöbökwe tä niaratre nike krubäte, aune medente kukwe tika raba ie ye tä Internet yete tätre nütüre, ye medenbätä kukwe ye ñaka tä mate kwin nitre yebätä. Ne madakäre, nitre ye ñaka ni testiko Jehovakwe kärere jakänti aune ni iti kukwe driekä tä niken känti ye ngwane ni Testiko ye ngwanta ja gaire o ñäkäta tare ie. Ye medenbätä, ni kukwe driekä ñaka raba tärä chi (o cupón) juen tärä käräkäre ni mada kräke aune ñaka raba nuainne Internet yebiti ni mada käbiti; nire törba tärä käräi o ja tötikai bäri angwane nuaindre akwle kwe. Ni iti käkwe solicitud juandre ni mada käbiti angwane sukursal ñaka tä kain ngäbiti.

¿Dre nuaindre ni mräkätre o ni mada ye dimikakäre kukwe ja üairebiti? Tärä rabadre kwe ie mä törbadre angwane, ¿ñobätä mä ñan bien akwle ie? Ni ye törba kukwe mikai gare bäri jai bätä ni iti Testiko rikadre känti ye törbadre angwane konkrekasion meden tä kukwe driere kä yekänti aune nitre umbre tä yete yebe mäkwe blita. Kukwe ye erere ñan raba nemen bare mäi angwane mäkwe kukwe tika formulario Sírvase visitar (S-43-S) yebätä aune mäkwe bian ni kukwe tikaka konkrekasion mäkwe ie; niarakwe mikai ñärärä biti juain kwe sukursalte. Akwa, ni iti tä ngite, o tä ju känti nitre droga duaka ngübata o nitre dö ñaka ngübata o tä hospitalte, ye ngwane mäkwe ñaka kukwe tika sukursal ie, ñakare aune mäkwe ni ye nübai blite ja mräkätre tätre kukwe driere kä yekänti yebe, o kukwe tikadre akwle kwe sukursal ie.