Kukwe keta jätäbiti ketebu yebätä kukwe drieta

¿Ñobätä nita kukwe driere aune nitre tötike Bibliabätä? ¿Nitre kätä ni kukwe nuin ye dimikakäre näin ji ja nire kräke yebiti ye aibätä nita nuainne? (Mat. 7:14.) Kukwe ye nieta kena nete, akwa ye ñan aibe ngörä. Kukwe medenbätä nita kukwe driere ye kädekateta jatäri nete. ¿Meden bäri ütiäte raba ruin mäi?

1. Nitre diantarikäre (Juan 17:3).

2. Nitre käme mikakäre mokre (Eze. 3:18, 19).

3. Kukwe niebare Bibliabätä mikakäre nemen bare (Mat. 24:14).

4. Bämikakäre Ngöbö kukwe ükatekä metre. Jehovakwe ñaka kä biani nitre käme yei ja töi kwitakäre ye nie ñaka raba (Hech. 17:30, 31; 1 Tim. 2:3, 4).

5. Jesukwe ni jökrä kökanintari, ye medenbätä nikwe nitre dimikadre kukwe ja üaire yebiti (Rom. 1:14, 15).

6. Ni mada därie ngie ñaka rikadre nibiti (Hech. 20:26, 27).

7. Ni diantari raba (Eze. 3:19; Rom. 10:9, 10).

8. Nita ni mada tarere bämikakäre (Mat. 22:39).

9. Jehová aune Jesús mikata täte ye bämikakäre (Mat. 28:19, 20).

10. Ngöbö mikakäre täte (Heb. 13:15).

11. Nita Ngöbö tarere ye bämikata (1 Juan 5:3).

12. Ngöbö kä ye mikakäre deme (Isa. 43:10-12; Mat. 6:9).

Kukwe kädrite nete ye ñan aibebätä nita kukwe driere. Ñodre, kukwe drieta ye tä tödeka nikwe mike dite aune ye köböire nita sribi ütiäte Ngöbökwe ye nuainne siba (1 Cor. 3:9). Kukwe keta jätäbiti ketebukäre mrä yebätä nita kukwe driere. Nitre ñaka tö ni kukwe nuai, akwa yebiti ta nita kukwe driere ye köböire Ngöbö kä ye mikata deme, arato nita mike gare kukwe niebare Jehová rüere ye abokän ngwarbe (Pro. 27:11). Kukwe keta kabrebätä nikwe “kukwe kuin [...] dirire” köbö täte te (Hech. 5:42, Kukwe Kuin Ngöbökwe).