¿Mä raba ja mikete kukwe driekäre bäri?

Nitre ruäre kukwe driekä, ye tätre niken kukwe driere ngwane, käre töta nemen kukwe drie ye mikai krüte metrere ora keteiti te, ñodre ñänä ruäre. Kukwe meden tädre nitre ruäre kisete yebätä raba kukwe driere ye erere. Akwa, ¿nitre mada tä ñaka kukwe driere jankunu o mätä kukwe driere yekänti nitre tä kukwe driere ora braibe te yebätä mätä ja töi mike siba kukwe driere ora braibe te arato? ¿Mä raba ja mikete kukwe driere bäri, ñodre kukwe driekäre ji ngrabare? ¿Mä rikadreta ja gwirete ye känenkri mä raba nitre iti o nibu tuinbiti? Ni tö kukwe mikai gare jai kwandre iti gwi mäi o mä raba täräkwata mada mikete kati ni nänkä ji ngrabare yei, ¡ye köböire kukwe kwin raba nemen bare yebätä mäkwe töbika! Jondron mada ñaka nuaindre nie angwane, ni raba ja mikete kukwe driekäre bäri, ye köböire nikwe “jändrän bian[di] [...] Ngöbö käikitakakäre” (Heb. 13:15, Kukwe Kuin Ngöbökwe).