Sö noviembre ütiäte: täräkwata Gobran Ngöbökwe kukwei núm. 38 döräikäre
1. ¿Nitre kwati tä kukwe meden ngwentari jai nitre krütani yebätä, aune sö noviembre yete dre nuaindi nitre ye dimikakäre?
1 Nita kukwe meden mike era jai, akwa gata ye ni jökrä rüe (1 Cor. 15:26). Nitre kwati mräkätre tare kwe krütanina ye tä ño aune tuaita kwetre o ñakare ye tätre ngwentari jai. Nitre ye dimikakäre, täräkwata Gobran Ngöbökwe kukwei núm. 38, kädekata ¿Erametre nitre krütanina ye rükaita nire? ye döräi köböra kä jökräbiti tibien. Kömikai köbö 1 noviembre yete aune nuaindi sö krati. Köbö ütiäte te täräkwata döräidi ye bitikäre, täräkwata yebiti kukwe driedi jankunu.
2. ¿Täräkwata Gobran Ngöbökwe kukwei núm. 38 ye tä sribebare ño?
2 Tä sribebare ño. Täräkwata Gobran Ngöbökwe kukwei núm. 38 ye tä sribebare dötabitikäre kunkwäre. Täräkwata yebätä kukwe ütiäte nieta kena aune kukwe ne ngwantaritabätä: “¿Mäkwe jän niedre, ñakare niedre o raba ruin tie niedre?”. Nitre käkwe tuaite ngwane, dre nieta Bibliakwe aune kukwe ye rabadre gare ietre ye köböire dre kwin raba nemen kwetre ye rükai gare ietre. Aune kukwe meden medenbätä kukwe nieta Bibliakwe ye mikadre era jai ye rabai gare ietre arato. Täräkwata ye kwäräkri, kukwe mada ütiäte ngwantarita abokän nitre törbai mikai gare jai aune törbai ja tötikai bäribätä.
3. ¿Täräkwata Gobran Ngöbökwe kukwei núm. 38 ye döräidi ño?
3 Döräidi ño. Jesús Ja Nire Biani Ngwanta Törö Jai aune gätä kri köbömä nuainta kräke täräkwata döräita ye kwrere täräkwata ne döräidi. Kukwe driedre ño kukwe drieta ye jökrä känti yekäre tärä juani nitre umbre kräke 1 abril 2013 yete, yebätä kukwe nieta ye ererebätä niaratre rabadre kukwe ükete. Konkrekasion meden meden ie kä ñaka krubäte kukwe driekäre angwane, rikadre konkrekasion mada ie kä tärä krubäte kukwe driekäre ye dimike. Nitre kukwe driekä rikadre täräkwata ye den jai angwane, käbe döräidre kwetre bämän kratibätä ye näre rikadre ngwena jai. Ju jökrä te täräkwata ye döräidre aune rabadrete ye ngwane, döräidre nitre nemen kwati yekänti. Sö jämi krüte känenkri krütadre angwane, tärä o täräkwata meden driedre noviembre yebätä ye driedre. Sabado kena sö yebätä yete nikwe täräkwata ye döräidi aune ñaka ja töi mikai ja tötika kömike Bibliabätä. Bämän krüte yete ni raba täräkwata Ni Mikaka Mokre bätä ¡Despertad! ye driere arato. Köbö ütiäte te täräkwata döräidi ye nikwe nuaindre siba, yekäre ni rabadre kukwe ükete biare jai.