Mäkwe diri bäri kwin: mäkwe kukwe nie nitre tuabitikäreta

ÑOBÄTÄ ÜTIÄTE:

Nita kukwe metre nura kwrere nökö yebiti nikwe ñö metadrekä (1Co 3:6). Nire tö kukwe mikai gare jai ben nikwe blitadre angwane, nikwe kukwe ngwandretari ie kädriekäre ben ni rikadreta känti ye ngwane. Ni ye töi täi kukwe yebätä aune rabai bäri nuäre ni kräke tuabitikäreta. Ni rikadreta känti ye ngwane, ni nikaninta känti kukwe ngwanintari nikwe ie ye kädriekäreta ben nikwe niedre ie.

NUAINDRE ÑO:

• Mäkwe drebätä blitai nitre ben ju ju te ye mäkwe ükate jai angwane, mäkwe kukwe meden ngwaintari ietre kädriekäre bentre köbö mada ngwane yebätä mäkwe töbika. Mäkwe täräkwata driei yebätä kukwe kädrieta ye ererebätä mäkwe kukwe ngwantari ietre kädriekäreta ben. Tärä o täräkwata medenbiti nita nitre tötike Bibliabätä ye ererebätä mä raba kukwe ngwentari ietre aune mä rikadreta känti ye ngwane mäkwe mika tuare ietre.

• Nire tö kukwe mikai gare jai yebe mäkwe blita ünä angwane, mä törba blitai bäri ben köbö mada ngwane mäkwe nie ie aune mäkwe kukwe ngwantari ie kädriekäreta ben. Raba angwane, mäkwe kä aune número kwe tika täräbätä jai.

• Ora nuäi te mäkwe köbömikata ie, ye erere mäkwe nuain (Mt 5:37).