¿Jesús Ja Nire Biani Ngwainta Törö Jai ye söibätä nikwe sribidi töi kwatibebiti Jehová aune Jesús ye erere?

1. ¿Jesús Ja Nire Biani Ngwanta Törö Jai ye ngwane nitre testiko Jehovakwe kwati tätre ja di ngwen dre nuainne?

¹ Jehová töita kwatibe töi ño ye mikakäre nemen bare. Ñodre, Gobran kwe ye käkwe dre dre kwin nuaindi yebätä Isaías 9:7 tä niere: “Jehová nitre rükä jie ngwanka käkwe ye nuaindi”. Monso kwe, Jesús ye käkwe ja töi mikani kwatibe ja mike kukwe metre yekri arato (Juan 2:13-17; 4:34). Jesús Ja Nire Biani Ngwanta Törö Jai, ye söibätä ni testiko Jehovakwe kwati kätä ja di ngwen kukwe driekäre bäri aune Jehová bätä Jesús tä sribire töi kwatibebiti ye erere nita nuainne. ¿Mäkwe nuaindi kä nete?

2. ¿Nikwe dre nuaindi köbö 7 marzo yete ja känenkäre, aune nikwe nuaindi kä jutobiti angwane dre rabai bare?

² Jesús Ja Nire Biani Ngwainta Törö Jai ye kräke nitre nübaidi. Kä nete köbö sábado 7 marzo yete ja känenkäre nitre nübai Jesús Ja Nire Biani Ngwainta Törö Jai ye kräke. Yebätä nikwe ja ükadrete biare nitre nübaikäre kä jutobiti. Konkrekasion kwatire kwatire yete ja mräkätre kwati krubäte käkwe kukwe driedi bäri, ñobätä ñan aune jökrä käkwe ja di ngwain nitre nübaire kukwe drieta kwetre ye jökrä känti. Nikwe ja ükadrete täräkwata ye biankäre o mikakäre tuare jw.org yete nitre ja tötikaka Bibliabätä nibe yei, nitre ben nita blite yei, nitre ben nita sribire o nitre nänkä kwelate nibe yei aune ni mräkätre yei.

3. ¿Ni raba dre nuainne kukwe driekäre bäri sö marzo aune abril yebätä?

³ Ja mikadre prekursor ausiliar. Nikwe ja di ngwain kukwe driekäre bäri. Erametre, ni kwati käkwe prekursor ausiliar ye nuaindi sö marzo bätä abril yebätä, ñobätä ñan aune ni raba nuainne ora 30. Ngöbö mikata täte ni mräkäbe o nita ja tötike kaibe ye ngwane, ni raba nuainne ño ye nikwe mikadre gare orasionte Jehovai (Prov. 15:22). Nitre nübaidre ye käi tädre juto nibätä ye raba ja mräkätre mada töi mike nitre nübaire töi kwatibebiti arato. Nikwe kukwe ükaite kwin jai kukwe driekäre angwane, Jesukwe kukwe driebare töi kwatibebiti ye erere nikwe nuaindi (Mar. 6:31-34).

4. ¿Jehová bätä Jesús tä sribire töi kwatibebiti ye erere nikwe nuaindi angwane dre rabai bare ni kräke?

⁴ Jehová bätä Jesús tä sribire töi kwatibebiti ye erere nikwe nuaindi Jesús Ja Nire Biani Ngwainta Törö Jai ye söibätä angwane, kukwe kwin krubäte rabai bare ni kräke. Kena, nitre kwati ie kukwe Ngöbökwe ye rabai gare. Ne madakäre, nikwe sribidi Jehová kräke aune nitre mada dimikai ye käkwe kä mikai juto nibätä (Hech. 20:35). Aune bäri ütiäte, nikwe kä mikai juto Ngöbö aune Monso kwe yebätä.