Täräkwata Mäkwe Ngöbö mika täte yebiti ni tötikadre ño

Täräkwata Mäkwe Ngöbö mika täte ye sribebare kukwe metre Bibliabätä mikakäre gare nitre ie ñäkä ñaka gare jondron üai mikani keta kabre yebiti. Kukwe ja tötikara keteitire keteitire ye tä ükaninte página kobubätä aune jondron üai keta kabre ye tä ükaninte kwin jatäri yete.

Täräkwata Mäkwe Ngöbö mika täte aune mäkwe nünain kärekäre yebätä jondron üai tä mikani ja erebe täräkwata Mäkwe Ngöbö mika täte yebe, akwa tärä okwä tä mikani bäri yete. Nitre ie ñäkä gare raba ja tötike täräkwata nebiti. Nitre tä ja tötike täräkwata Mäkwe Ngöbö mika täte yebiti akwa ni kukwe driekä tä täräkwata mada nebiti nitre tötike. Recuadro tä mikani página ruärebätä kukwe mada kädriekäre nitre ja tötikaka ben.

Täräkwata ketebu ne ñan drieta sö yebätä, akwa käre ni raba driere nitre ie. Mätä nitre tötike ngwane mäkwe kukwe nieta Bibliabätä ye mika gare jondron üai bämikani yebiti. Ni ja tötikaka ye rabadre blite aune töita ño ye rabadre gare mäi yekäre mäkwe kukwe ngwandretari ie. Texto Bibliabätä mikani mrä página katire katire yebätä, ye mäkwe ñäkä aune mika gare. Ja tötikadre täte täräkwata yebätä ye ngwane, ja tötikadre tärä ¿Dre drieta erametre Bibliakwe? o tärä ¿Qué nos enseña la Biblia? yebätä nitre ja tötikaka dimikakäre nirien kukwe ja üairebiti aune ja ngökö ñöte.