NITA JA NGWEN ÑO
Nikwe kantadre kä jutobiti Jehová käikitakakäre
Pablo aune Silas nämäne ngite ye ngwane, kantabare kwetre Jehová käikitakakäre (Hch 16:25). Ye käkwe niaratre dimikani kä ngwen nüke jai. Kä nengwane kantiko kantata nikwe gätäte aune kansion mada mada tä jw.org yete, ye raba kä miketa juto nibätä aune ni dimike ja ngwen metre Jehovai nita ja tuin kukwe tare ben ye ngwane. Aune bäri ütiäte, kantiko yebiti nita Jehová käikitekä (Sl 28:7). Nikwe kantiko ruäre mikadre gare ja töibiti ye nieta nie. Ngöbö mikata täte ni mräkäbe ye ngwane, mä raba ja kite kantiko yebätä aune mike gare ja töibiti.
VIDEO MONSOTRE KIA TÄ JEHOVÁ KÄIKITEKÄ KANSIONBITI YE MÄKWE TUA, BITI KUKWE NGWANTARITA NE MÄKWE MIKA GARE:
¿Nikwe kantiko kantaidre ye raba ni dimike ño?
¿Nitre sribikä Audio aune Video yebätä ye tä dre nuainne ni kukwei grabakäre?
¿Monsotre kia aune mräkätre kwetre ye tä ja mike ño juto kukwei grabadre ye känenkri?
¿Kantiko meden meden tuin bäri kwin mäi aune ñobätä?