Kukwe ne ererebätä mä raba ja tötike

Mäkwe “kansion” mika gare ja töibiti jai

“Ti ñaka töta nemen jondron nuain jire ngwane, kansion tä JW Broadcasting^® yebiti Jehovata ti miketa dite” (Lorraine, Estados Unidos).

Nitre kristiano tä käre “kansion” ye kantaire Jehová käikitakäre (Col. 3:16). Kansion, ñan täi täräkwatare mäkwe, ñan celularete o tabletate, akwa täi gare ja töibiti mäi ngwane mä dimikai kwe. Mä raba kukwe ruäre ne nuainne.

• Mäkwe kä dianka jai ñäkäkäre canción yebätä aune mäkwe mika nüke gare jai. Kukwe keteiti tä nüke gare nie ngwane, tä nemen bäri nuäre ngwankäre törö jai. Internete jw.org yekänti kantiko ye jökrä tä mikani tärä okwäre arato kansion tä mikani JW Broadcasting ye tä bätä monsotre kia kräke ye tä arato. Känänkäre mä rika “Biblioteca” biti mä rika “Musika” nieta yekänti.

• Mäkwe tika täräkwatabätä. Ye köböire rabai bäri nuäre mä kräke ngwankäreta törö jai (Deut. 17:18).

• Mäkwe kanta ja kukwei kribiti. Mäkwe ñäkäbätä o mäkwe kanta bä kabre.

• Mäkwe ja di ngwan mike gare ja töibiti jai. Mäkwe nie ja töibiti akwa mäkwe ñaka tärä okwä mika ñärärä biti nibi bare ño mäi mäkwe mika ñärä.