Mäkwe diri bäri kwin: Kukwe driedre teléfono yebiti

ÑOBÄTÄ ÜTIÄTE: Kukwe driedre telefonobiti ye kwin krubäte “kukwe kwin Gobran Ngöbökwe ye driekäre” (Hch 20:24).a Kukwe ruäre köböite ni ñan tä nemen kukwe driere ju ju te ye ngwane, ni raba kukwe driere nitre ie.

NUAINDRE ÑO:

• 

  Ja ükadrete. Kukwe meden tuin kwin nitre ie ye diandre jai blitakärebätä. Biti mä tö dre niedi ye mäkwe tika jai. Ne madakäre, drekäre mätä ni kärere telefonobiti ye kräke mäkwe kukwe ükate braibe jai, nane ni ye ñaka raba mä kukwei kain ngäbiti ngwane, mä raba kukwe ye tike ie. Dre tikani mäkwe aune dre dre mada ribeta mäkwe jai ye tädre mesabiti ye bäri kwin, ñodre JW Library^® o jw.org^® tädre tikani mäkwe, teléfono, tableta o computadora yete.

• 

  Mä ja töi mika jäme. Mätä blite käre ye erere mäkwe nuain. Mäkwe köta aune ni ye tä mä ngwärekri ye erere mäkwe mika tuin jai. Mä ñaka ja kukwei mika nünenkä krubäte. Mä tädre ja mräkä madabe ye bäri kwin. Ni iti käkwe kukwe ngwandretari mäi ngwane, mäkwe nieta ja kukwe kribiti ne kwe nire tä näin mäbe ye rabadre mä dimike.

• 

  Mäkwe kukwe mikate ni tuabitikäreta. Ni ye tö kukwe mikai gare bäri jai ngwane, mäkwe kukwe mikate ie blitakäreta ben mada ngwane telefononte ta. Mäkwe täräkwata drie ie aune mä raba juen ie correo o Internet yete ta aune mä raba bien kisete ie. Mä raba video o kukwe mada juen mensaje o correo electrónico yebiti. Aune raba ngwane niara käkwe internet nikwe yete kukwe mikadre ñärärä ye mäkwe nie ie.