Nitre ja tötikaka ye dimikadre ñaka ja ketamuko käme känene

Nitre ja tötikaka tö ja ketabätä Jehovabe ngwane, rabadre töbike kwin ja ketamuko känänkäre (Sl 15:1, 4). Ja ketamukotre kwin käkwe dimikai kukwe kwin nuainne (Pr 13:20; lff lección 48).

Mata nitre ja tötikaka Bibliabätä dimike ñaka ja ketakäre nitre töi käme ben ngwane, mäkwe töi mika nüke gare jai ñan ñobätä aune ñaka nemen nuäre kräke ja ketamukotre känekäne tuametrekäre raba ruen nie. Ye medenbätä, mä töita bökän bätätre ye mäkwe bämika mata tötike batire batire ngwane. Mä raba kukwe juen ie, ñäke ie telefononte o basare chi ie. Ni ja tötikaka kite nirien kukwe ja üairebiti ngwane, mäkwe nübai bätärekä bätärekä tädre ja mräkätre mada mada ben yekäre. Ye köböire kukwe kite nemen bäri kwe jondron kite nente kän ye kräke rükai gare ietre (Mr 10:29, 30, TNM). Jehová mräkätre kite nirien ño jetai mai ngwane, kä rabai juto krubäte mäbätä arato.

VIDEO NIKWE NITRE JA TÖTIKAKA YE DIMIKADRE ÑAKA JA KETAMUKO KÄME KÄNENE YE MÄKWE TUA, BITI KUKWE NGWANTARITA NE MÄKWE MIKA GARE:

• ¿Ja ketamuko käme ye abokän ño? (1Co 15:33)

• ¿Nitre testiko tä kä ngwen ño juto jabätä ye bämikani ño Coralkwe ja okwäte?

• ¿Rita käkwe Coral dimikani ño ja ketamuko mada kwin känene?