Nitre umbre tätre sribire krubäte juta Ngöbökwe ngübakäre kwin

Nitre mikata kri ye ngwane ñaka tä nemen kwin ni mada kräke. ¡Kukwe ye nüke gare nie! Ñobätä ñan aune nitre kwati mikata kri o sribi ütiäte bianta ie ngwane tä juta mike ja tare nike krubäte. Kukwe tä nemen bare käbiti tibien ye nikwe mikadretari ñärärä ngwane kukwe nieta ne metre rükai gare nie (Miq 7:3). ¡Juta Ngöbökwe ye abokän jene! Ñobätä ñan aune nitre umbre ji ngwanka ye Jehovata tötike ne kwe sribi tä kisete yebiti kukwe kwin nuaindre kwe konkrekasionte ja mräkätre kräke (Est 10:3; Mt 20:​25, 26).

Nitre ütiäte kä nengwane ye tä ja töi mike käme nitre kräke. Nitre umbre ji ngwanka ñaka ja ngwen niaratre erere, ñobätä ñan aune tä Jehová tarere aune ja mräkätre tarere metre yebätä (Jn 21:16; 1Pe 5:​1-3). Nitre umbre ji ngwanka konkrekasionte tä ja tuenmetre jie ngwandre Jesús ie aune tä ja di ngwen ne kwe nitre jökrä konkrekasionte ie ja rabadre ruin kwin aune tädre käre Jehová ken. Tätre juto biare oveja Jehovakwe dimikakäre, kukwe tare tä nemen bare, ja mräkätre tä näkäin bren ie o ja mräkätre tä juruaine drekebe ngwarbe ngwane. Mäta ja di ribere ngwane, mäkwe ñan töbika krubäte ja di käräkäre nitre umbre ji ngwanka konkrekasionte mäkwete yei (Snt 5:14).

VIDEO NITRE UMBRE JI NGWANKA TÄ NI NGÜBARE YE MÄKWE TUA, BITI KUKWE NGWANTARITA NE MÄKWE MIKA GARE:

• ¿Nitre umbrekwe Mariana dimikani ye köböire dre kwin namani bare?

  Mike gare

• ¿Nitre umbrekwe Elías dimikani ye köböire dre kwin namani bare?

  Mike gare

• Video turi ne bitikäre, ¿nitre umbre tä sribi nuainne yebätä mä nibi töbike ño mada?

  Mike gare