Referencias marginales yebiti mä raba ja tötike kwin

Biblia Traducción del Nuevo Mundo, yebätä ñäkäta ngwane tärä okwä kia kabre tä mikani kukwe keteitire keteitire ye ken. ¿Ñokrä tä yete ruin muin? Ye referencia marginales, ye abokän kukwe mada o kukwe mikata gare bäri versiculo ye ara bätä mikakäre gare. Referencia yebiti nemen gare nie kukwe mikata gare Bibliakwe ye ñan kukwe jene mike gare ñakare aune tä ni töi mike kukwe arabebätä. Biblia tä täräre makwe ngwane, tärä ökwä kia ye raba kwain mäi pagina teruäre yete. Mäta ñäke Bibliabätä sitio jw.org o JW Library^® yebätä ngwane, mäkwe kise nita tärä ökwä chi ye aibebiti.

¿Kukwe ño ño raba kwen nie referencia yete? Kukwe ne kwrere:

Texto ja erebe. Texto mada känti kukwe ja erebebätä blitata. Ñodre, 2 Samuel 24: 1 yete referencia keteiti ye tä mä juen 1 Crónicas 21: 1 yete aune ye erere ja jie bitita.

Medente dianinkä. Texto ye dianinka medente ye mikata gare. Ñodre mä rikadre Mateo 4:4 yekänti ngwane, referencia tä ma juen Deuteronomio 8:3 yete.

Profecía aune kukwe namani bare. Texto keteibätä profecia mikani gare känti referencia ye tä, ye tä niken ni ngwena kukwe ye nämäni bare metre känti. Ñodre mä raba Zacarías 9:9 aune Mateo 21:5 ye mike ñärärä.