¿Mä niena juto ja tuakäre kukwe tare rakadrekä ye ngwane?
Ñongwane kukwe tare rakaikä nibätä, ye ñaka gare jire chi nie (Sant. 4:14). Akwa ni kätä töbike kwin käne ye tä ja ükete, ne kwe kukwe rabadre barebätä ye ngwane tätre juto biare ja tuakäre kukwe yebe (Pro. 22:3). ¿Kräkä meden kadre ngäbiti bätä dre nuaindre ye niena gare mäi? ¿Mäkwe kukwe ye tikanina täräbätä jai? Video sribebare ketebu mikani DVD kädekata Alternativas a las transfusiones. Serie documental. Video ketebukäre Asistencia médica sin transfusiones. Necesidades y derechos del paciente ye sribebare mä dimikakäre kukwe kwin den ja käne. Mäkwe video ye tuadre angwane kukwe ngwantarita jatäri yebätä mäkwe töbika. Ni operata ño ye mikata tuare jötrö ngwarbe video yete, ye medenbätä monsotre kia käkwe video ye tuadre o ñakare, ye tä gare nitre rüne o meyere yei.
1) ¿Ñobätä doctor ruäre tä ja töi mike ñaka däri mike ni kwatate? 2) Operasion ketamä ñaka nuäre nuainbare abokän känti ñaka däri mikani ni mada kwatate, ye mäkwe kädekate. 3) ¿Ñobätä doctor bätä nitre ni operaka kwati tätre ja töi mike ni kräkäi mike aune ñaka nuainne däri yebiti? 4) ¿Nitre ja tötikaka däri yebätä hospital kwati te ye kätä dre niere däri yebätä? 5) ¿Däri mikadre ni kwatate ye ngwane kukwe meden tare raba nemen bare? 6) ¿Ñobätä doctor kwati kätä niere ja kräkäi mikadre kräkä madabiti ye bäri kwin? 7) ¿Ñobätä ni därie ñan tä nemen krubäte, aune dre nuain raba däri mikakäreta nirien ni ngrabare? 8) ¿Dre nuaindre ne kwe glóbulos rojos ye ririadre nitre bren ye ngrabare? 9) ¿Jondron medenbiti ni operata abokän köböire ni därie ñaka nimiente krubäte? 10) ¿Monso kia bätä nitre bren dikaro ye kräkäi mika raba kräkä madabiti? 11) ¿Doctor törbadre ni kräkäi mikai kwin ye ngwane kukwe meden ütiäte mikadre gare käne kwe nie?
Ja kräkäi mika raba ño mikata tuare ruäre video yete, ye kan ngäbiti raba o ñakare, yebätä ni itire itire käkwe töbikadre, akwa kräkä meden mä raba kain ngäbiti bätä mäkwe dre nuaindre ye mäkwe ñaka ükadrete kukwe tare rakadrekä mäbätä ye ngwane. Tärä “Amor de Dios”, capítulo 7 aune täräkwata mada känändre kädrieta capítulo ye arabe känti, bätä täräkwata jatani Nuestro Ministerio del Reino sö noviembre kä 2006 yebätä, ye käkwe mä dimikai kukwe den ja käne ja kräkäi mikakäre. Mäkwe dre diain ja käne ye mäkwe tika täräkwata DPA yebätä. Täräkwata DPA ye bianta ni kukwe driekä ie, käre mä tädre täräkwata ye ngwen jabätä.
[Kukwe nieta página 3]
¿Kräkä meden kadre ngäbiti bätä dre nuaindi mäkwe ye niena gare mäi? ¿Mäkwe kukwe ye tikanina täräbätä jai?