Watchtower TÄRÄ JÖKRÄ INTERNETE
Watchtower
TÄRÄ JÖKRÄ INTERNETE
ngäbere
Ü
  • Ä
  • ä
  • Ö
  • ö
  • Ü
  • ü
  • Ñ
  • ñ
  • BIBLIA
  • TÄRÄ
  • GÄTÄ
  • lff k.j.t. 57 puntos 1-5
  • ¿Ja mikadre ngite krubäte ngwane dre raba nemen bare?

Video ñaka kukwe ne kräke.

Video ne mika ñaka raba ñärärä gwäune.

  • ¿Ja mikadre ngite krubäte ngwane dre raba nemen bare?
  • Mä raba nüne kä jutobiti kärekäre. Ja tötikakäre Bibliabätä
  • Subtítulo
  • Kukwe ja erebe
  • JA TÖTIKE BÄRI NGUSETA
  • ¿DRE NIBI GARE MÄI?
  • KUKWE MIKE GARE BÄRI JAI
  • “Niarakwe nitre umbre kärädre ja känti”
    Ni Mikaka Mokre tä Gobran Jehovakwe mike gare (ja tötikara) 2025
  • Nitre tä ja mike ngite krubäte ye mikata tuin bobre jai aune ja tare ye bämika raba ño ie
    Ni Mikaka Mokre tä Gobran Jehovakwe mike gare (ja tötikara) 2024
  • Konkrekasion tä ükaninte
    Mä raba nüne kä jutobiti kärekäre. Ja tötikakäre Bibliabätä
  • Ni ngite diankata konkrekasionte ye dimika raba ño
    Ni Mikaka Mokre tä Gobran Jehovakwe mike gare (ja tötikara) 2024
Mada mikadre ñärärä
Mä raba nüne kä jutobiti kärekäre. Ja tötikakäre Bibliabätä
lff k.j.t. 57 puntos 1-5
Kukwe ja tötikara 57. Ju Ja Ükarakrö yete eteba ja mikani ngite krubäte ye tä mike gare nitre umbre ji ngwanka nibu ie.

KUKWE JA TÖTIKARA 57

¿Ja mikadre ngite krubäte ngwane dre raba nemen bare?

Täräkwatare
Täräkwatare
Täräkwatare

Jehová tare krubäte mäkwe yebätä mäta ja di ngwen ñan mike ulire, yebiti ta ruäre ngwane mäkwe ja mikai ngite. Akwa ja mika ngite ruäre ye bäri käme mada ye kräke (1 Corintios 6:9, 10). Mäkwe ja mikadre ngite krubäte akwa mä täi tare Jehovakwe ye ngwen törö jai, niarata juto mä dimikakäre aune ngite diankäre ta mäbiti.

1. ¿Jehovakwe ngite diandre ta nibiti yekäre dre nuaindre?

Ni Jehová tarekä tä ja mike ngite krubäte tä gain jabätä ngwane, jata nemen ruin ulire krubäte ie. Akwa Jehovakwe kukwe käbämikani juta kwe ie nebiti tä ni ja mikaka ngite töi mike jäme: “Munta ja mike ngite ye rabai jondron tain trä kwrere akwa kwitai ngwen nieve kwrere” (Isaías 1:18). Nikwe ja töi kwitai ja brukwä tätebiti ngwane, Jehovakwe ngite diainkä täte nibiti. ¿Ja töi kwitata ye abokän dre gärätä? Ye abokän, jata nemen ruin ulire krubäte ja mika ngite yebätä, kukwe käme ye tuametreta aune bikata tidrä Jehovabätä ne kwe ngite diandre ta kwe nibiti. Ye bitikäre ja di ngwanta ja töi kwite o kukwe käme käkwe ni töi mikani ja mike ngite ye tuenmetre aune nüne kukwe metre Jehovakwe ye ererebätä (mäkwe ñäkä Isaías 55:6, 7 yebätä).

2. Nita ja mike ngite ngwane, ¿nitre umbre ji ngwanka yebiti Jehovata ni dimike ño?

Ni ja mikaka ngite krubäte yei Jehovata niere: “Nitre umbre ji ngwanka konkrekasionte ye munkwe kärä” (mäkwe ñäkä Santiago 5:14, 15 yebätä). Nitre kädekäni üai demebiti ne tä Jehová aune oveja Jehovakwe tarere. Niaratre ye tötikani ne kwe raba ni dimike ja keteta kwin Jehovabe (Gálatas 6:1).

¿Nita ja mike ngite krubäte ngwane nitre umbre ji ngwanka tä ni dimike ño? Kukwe nuainbare nikwe ye ñaka kwin ye niaratre nibu o nimä käkwe ni dimikai mike nüke gare jai Bibliabiti. Arato kukwe kwin niedi kwetre nie mäträkäre nibätä aune ni dimikai kwetre ne kwe nikwe ñaka ja mikadreta ngite. Ni iti tä ja mike ngite krubäte aune ñan ja töi kwite ngwane, ni ye diankata nitre umbre ji ngwanka yekwe, konkrekasion kriemikakäre.

JA TÖTIKE BÄRI NGUSETA

Nita ja mike ngite ngwane Jehovata dre nuainne ni dimikakäre, ye mike nüke gare kwin jai aune mike ütiäte jai.

3. Nita ja driere ye tä ni dimike nementa kwin

Nita ja mike ngite ye tä nemen tare Jehovai ye medenbätä nikwe drebätä ja mikani ngite ye ni rabadre mike gare ie. Ñäkädre Salmo 32:1-5 yebätä aune kukwe ne kädriedre jabe:

  • ¿Ja driedre Jehovai ye ñobätä bäri kwin ükadre ye kräke?

Nikwe dre nuainbare ye nita mike gare Jehovai aune nikwe ja di käräi nitre umbre ji ngwanka ie ngwane ja rabaita ruin kwin nie. VIDEO mikadre ñärärä, biti kukwe ne kädriedre jabe:

VIDEO: Nire nire tare Jehovakwe yebätä tä mäträre (3:01)

  • ¿Nitre umbre ji ngwanka käkwe Canon dimikani ño ne kwe jatadreta Jehová kokwäre?

Dre nakaninkä ye erere nikwe niedre nitre umbre ji ngwanka ie ye ütiäte krubäte, ñobätä ñan aune niaratre ye ni dimikaka. Ñäkädre Santiago 5:16 yebätä aune kukwe ne kädriedre jabe:

  • Nikwe ja driei bökän nitre umbre ji ngwanka ie ngwane, ¿rabai bäri nuäre kräketre ni dimikakäre raba ruin mäi? ¿Ñobätä?

Üai jatäri: 1. Eteba iti tä ulire krubäte aune tä kise mikani ja ngwärebiti. 2. Eteba ye tä orare Jehovai. 3. Tä blite ni umbre ji ngwanka ben celularbiti. 4. Nitre umbre ji ngwanka nimä tä ja ükaninkrö ben Ju Ja Ükakrö yete. 5. Töi ñaka niena nike yebätä käta juto ngwärebätä.

Mäkwe ja mikani ngite ye mäkwe nie nitre umbre ji ngwanka ie aune Jehovakwe mä dimikai ye mäkwe ka ngäbiti.

4. Ni iti ja mikani ngite ye Jehová tä mike tuin bobre jai

Ni iti ja mikani ngite krubäte ñan tö Jehová kukwei mike täte ngwane, ni ye diankata konkrekasionbätä aune ni ñan tä ja kete ben. Ñäkädre 1 Corintios 5:6, 11 yebätä aune kukwe ne kädriedre jabe:

  • Levadura tä masa pankwe jökrä mike dime ye ben töbätä. Nikwe ja ketadre jankunu ni ja mikaka ngite ñan tö ja töi kwitai yebe, ¿ye raba kukwe blo mike bare konkrekasionbätä raba ruin mäi? ¿Ñobätä?

Jehová tä ni ja mikani ngite ye mike tuin bobre jai, ye erere nitre umbre ji ngwanka tä ja ngwen aune tätre ni dianinkä ye känene dimikakäre. Niaratre kwati nükaninta, mäträbare bätätre ye ñan namani nuäre kräketre, akwa ye käkwe dimikani ja töi kwiteta (Salmo 141:5).

Jehová tä ni mike tuin bobre jai, ni tare kwe aune töi kwin ¿ye bämikata ño kwe nie?

5. Nita ja töi kwite täte ngwane Jehovata ngite juen ta nibiti

Ni iti tä ja töi kwite ngwane, kätä nemen ño Jehovabätä ye bämikakäre Jesukwe kukwe keteiti bämikani. Ñäkädre Lucas 15:​1-7 yebätä aune kukwe ne kädriedre jabe:

  • ¿Kukwe bämikani ne tä dre driere Jehovabätä nie?

Ñäkädre Ezequiel 33:11 yebätä aune kukwe ne kädriedre jabe:

  • ¿Nikwe ja töi kwitani ye bämikakäre ni rabadre kukwe meden meden nuainne?

Ni oveja ngübaka ta oveja träin ye mäkebätä deme.

Pastor töita krubäte oveja kwebätä ye erere Jehová.

NITRE RUÄRE TÄ KUKWE NE NIERE: “Nitre umbre ji ngwanka ye jüräta nemen tibätä. Tikwe ja driedi ietre ngwane, ti diainkä kukwebätä kwetre ruin tie”.

  • ¿Ni iti töi kore yei mäkwe dre niedre?

¿DRE NIBI GARE MÄI?

Ja mikadre ngite krubäte, akwa ja töi kwitadre täte aune ja töi mikadre kwatibe ñaka nuainenta ngwane Jehovakwe ngite juain ta nibiti.

Ngwankäreta törö

  • ¿Nikwe ja mikani ngite ye mikadre gare Jehovai ye ñobätä kwin?

  • ¿Jehovakwe ngite diandre ta nibiti yekäre dre nuaindre?

  • Nikwe ja mikadre ngite krubäte ngwane, ¿ñobätä nikwe ja di kärädre nitre umbre ji ngwanka ie?

Mäkwe kukwe ne nuain

KUKWE MIKE GARE BÄRI JAI

Kukwe nieta Isaías 1:18 erere Jehová ni mikaka tuin bobre jai ye bämikani ño kwe ni iti ie ye tuin.

Jehová ni mikaka tuin bobre jai (5:02)

¿Nitre umbre ji ngwanka konkrekasionte tä ja di ngwen ni ja mikani ngite krubäte ye dimike ño?

“Nitre tä ja mike ngite krubäte ye mikata tuin bobre jai aune ja tare ye bämika raba ño ie” (Ni Mikaka Mokre, agosto 2024)

Ni ja mikani ngite ñan ja töi kwite, ye mikata tuin bobre jai aune ja tare bämikata ño ietre ye mikata gare.

“Ni ngite diankata konkrekasionte ye dimika raba ño” (Ni Mikaka Mokre, agosto 2024)

Jehová nämäne ni iti ngwenta ja kokwäre namani ruin ie ye mike gare jai biografía “Nändreta Jehová kokwäre ye ti nämä ribere jai”.

“Biblia niaratre töi kwitani” (Ni Mikaka Mokre, 1 abril 2012)

    Tärä aune täräkwata ngäbere (2006-2025)
    Sesión dikadre
    Sesión kömikadre
    • ngäbere
    • Juandre
    • Mäkwe ükate jai
    • Copyright © 2025 Watch Tower Bible and Tract Society of Pennsylvania
    • Condiciones de uso
    • Política de privacidad
    • Configuración de privacidad
    • JW.ORG
    • Sesión kömikadre
    Juandre