DIRIDRE BÄRI KWIN | KUKWE DRIE YE KÄI TÄDRE BÄRI JUTO NIBÄTÄ
Nitre ja tötikaka ye dimikadre niken käre gätäbätä
Ngöbö mikadre täte metre yekäre ni rabadre niken gätäbätä ye ütiäte krubäte (Sl 22:22). Nitre meden tä ja ükekrö Jehová mikakäre täte yebätä käta juto aune kukwe kwin keta kabre tä nemen kwetre (Sl 65:4). Nitre ja tötikaka tä niken bäsi käre gätäbätä ngwane tä nirien bäri jötrö kukwe ja üairebiti.
¿Mun raba nitre ja tötikaka munkwe ye dimike ño niken gätäbätä? Mäkwe nübai bati bubu. Mäkwe video ¿Gätä nuainta ño nunkwe? ye mika tuare aune nita niken gätäbätä ngwane dre kwin tä nemen nikwe ye mäkwe mika gare ietre (lff lección 10). Kukwe keteiti namani gare mai gätäte ye mä raba niere ie o drebätä blitai gätä madate ye mä raba niere ietre. Täräkwata medenbätä ja tötikai gätäte ye mäkwe bian ie o pestaña “Reuniones” tä JW Library® yekänti ye mäkwe mika tuare ie. Ne madakäre, mä raba dimike kukwe nuärebiti ñodre, ngwen gätäte. Nitre tä ja tötike mäbe ye rikadi kena gätäbätä ngwane, mäkwe ñaka ja di ngwani ngwarbe ye rükai gare mäi (1Co 14:24, 25).
VIDEO NIKWE NITRE JA TÖTIKAKA YE DIMIKADRE NIKEN KÄRE GÄTÄBÄTÄ YE MÄKWE TUA, BITI KUKWE NGWANTARITA NE MÄKWE MIKA GARE:
¿Kukwe meden känti Rita käkwe ja töi mikani Coral nübaire gätäbätä?
Nitre ja tötikaka Bibliabätä tä niken gätäbätä ngwane, ¿ñobätä käita nemen juto nibätä?
“Ngöböta era metre bkänä mun ngätäite”
¿Coral nikani kena gätäbätä ngwane ja namani ruin ño ie?