DARASI NA 18

Mutane Su Koyi Darasi Daga Jawabin

1 Korintiyawa 9:19-23

ABIN DA ZA KA YI: Ka sa masu sauraronka su yi tunani a kan batun da kake gaya musu kuma su ji sun koyi darussa masu muhimmanci.

Ka yi la’akari da abin da masu sauraronka suka sani. Maimakon ka gaya musu abin da suka sani a dā, ka taimaka musu su fahimci batun a wata hanya dabam.

Kada ka ɓata lokaci kana bayyana abin da suka riga suka sani, amma ka bayyana musu abin da ba su sani ba a hankali.
Ka yi bincike kuma ka yi tunani. Idan zai yiwu, ka ba da labarin da mutane ba su sani sosai ba don ka bayyana darussa masu muhimmanci. Ka yi tunani sosai game da batun da kake tattaunawa da kuma yadda binciken da ka yi ya jitu da batun.

Sa’ad da kake shirya bayaninka, ka yi wa kanka tambayoyi kamar ‘mene ne, me ya sa, yaushe, a ina, wane ne da kuma ta yaya.’ Sa’ad da kake jawabin, kana iya yin wasu daga cikin tambayoyin nan kuma ka amsa su. Hakan zai sa masu sauraro su ji daɗin jawabin.
Ka nuna musu muhimmancin maganarka. Ka bayyana yadda bin ƙa’idodin Littafi Mai Tsarki za su taimaka wa masu sauraronka a rayuwarsu. Ka faɗi yanayi da halaye da kuma abubuwan da suka shafi masu sauraronka.