SOMO LYA 37
Ebye Biblia Ederhere oku Bilolere Akasi n’Efuranga
Wachigerere kuyunva oyubahire bwenene omu kuwaza oku bilolere akasi n’efuranga si? Hali amango byakakomera okugenderera kuhaha ebi rhukenere, rhunagale kuha Yehova obuharamye bumukwanene. Bobuno Ebiblia erhuhere empanulo rhwakakolesa zanarhurhabala.
1. Bichi Ebiblia ederhere oku bilolere akasi?
Mungu alonzeze rhusiimire akasi kerhu. Ebiblia ederhere oku “nta chindi chintu chinja chibaho oku muntu olekere . . . abone omwishingo omu kasi kage kakomere.” (Muhubiri 2:24) Yehova anakola bwenene. Amango rhwamamuyiganya omu kukola n’obushiru, rhwanamusimisa, nerhu rhwanachiyunva rhutoshekere.
Akasi kaba k’akamaro. Aliko rhukwanene kuchilanga rhurhava rhwakarhola k’akamaro bwenene kulusha obuharamye rhwakahere Yehova. (Yohana 6:27) Arhulaganyize oku amango rhwamamuhira oku fasi y’oburhanzi, arhulwako oku bintu by’omubiri rhukenere.
2. Gurhe rhukwanene kubona efuranga?
Chiro akaba oku Ebiblia eyemerere oku “efuranga buba bulanzi,” eshubire kurhulalika oku zowe zonyine zirhakarhulerhera obusime. (Muhubiri 7:12) Che chirhumire, erhuhirire omurhima rhurhasimaga efuranga si rhube bantu ‘banatosheka n’ebirhugwerhe bunola.’ (Osome Waebrania 13:5.) amango rhwamatosheka n’ebirhuherhe bunola kwanarhurhabala rhurhayorhanaga akanihiza kalerhwa n’okuchifija ebinene amango moshi. N’ahola rhwanachifumya amadeni marhaherhe kamaro. (Mezali 22:7) Kandi rhwanafuma obuligo bunalerhwa n’oloteri, n’okukulikirana ebilagane by’okulonza kurhuchiza juba-juba buzira muluho.
3. Gurhe rhwakakolesa efuranga buzira bwikazize?
Yehova aba Mungu onahaana. Nerhu rhunamuyiganya nka rhuli “bantu banahaana, bali tayari kusangira n’abandi.” (1 Timoteo 6:18) Rhwakakolesa efuranga zerhu buzira bwikazize, omu kuhaana enshololo z’okurhabala omu chibaga, n’okurhabala abali omu bulagirire, aliko ahanene aberhu Bakristu. Echi Yehova yewe analagako, arhali zinga rhwahaanire, si bichi bili byarhushunika kuhaana. Amango rhwamahaana n’omurhima goshi, rhwagwarha obusime n’okusimisa Yehava.—Osome Matendo 20:35.
HUMBA BWENENE
Lola enyungu y’okuleka akasi oku fasi yako, n’okutosheka n’eby’omuntu anagwerhe.
4. Okengese Yehova omu mikolere yawe
Obwira bwerhu na Yehova bukwanene buhindamule okuntu rhunabona akasi. Ziha EVIDEO, muje mwaganira kw’ebila bibazo.
Nk’oku wabwene omu video, bichi byakusimisize oku bilolere okuntu Jason aliri abona akasi n’okuntu aliri achiheka amango ali oku kasi?
Gurhe alijirire y’aleka akasi oku fasi yako?
Osome Wakolosai 3:23, 24, muje mwaganira kw’echila chibazo:
Bulagurhe okuntu rhunabona akasi chili chintu ch’akamaro?
Akasi kali k’akamaro. Aliko rhurhakwanene kukayemerera kabe k’akamaro kulusha obuharamye rhunaha Yehova
5. Okutosheka n’ebirhuherhe kunarhulerhera enyungu
Bantu banene banalonza balunde efuranga karhi-muhule nk’okubakagala koshi. Aliko arhali ntyo kwe Biblia yowe erhuhirire omurhima. Osome 1 Timoteo 6:6-8, muje mwaganira kw’echila chibazo:
Bichi Ebiblia erhuhirire omurhima rhujirage?
Chiro akaba rhuherhe bintu bigeke bwenene, rhwakagwarha obusime. Ziha EVIDEO, muje mwaganira kw’echila chibazo.
Bichi binalerhera eyila milala obusime, chiro akaba oku baherhe furanga zigeke zonyine?
Bobuno si, gurhe rhwakaja rhwajira nka rhuherhe ebintu birhutosheze aliko akarhima karhanalyamire? Yesu alihaanire omufano guyerekene echola chibazo. Osome Luka 12:15-21, muje mwaganira kw’echila chibazo:
Bichi wayigire omu mufano gwa Yesu? (Olole omustari gwe 15.)
Osome onahuzanye Mezali 10:22 na 1 Timoteo 6:10. Muje mwaganira kw’ebila bibazo:
Bichi owazize by’akamaro bwenene; ey’okuba mwira wa Yehova changwa okugwarha efuranga zinene? Bulagurhe?
Bibazo bihe byakarhengerera omu kuhiga efuranga bwenene?
6. Yehova arhuha ebirhukeneere
Ebibazo by’akasi n’efuranga byakageregeza obwemere bwerhu mu Yehova. Ziha EVIDEO y’obona gurhe rhwakalwisa ebigeregezo by’obwemere bili nk’ebyo, muje mwaganira kw’ebila bibazo.
Omu video, bibazo bihe mwene-werhu alihurene nabyo?
Gurhe alijirire y’agala kulwisa n’okuhima ebibazo y’ahurana nabyo?
Osome Matayo 6:25-34, muje mwaganira kw’echila chibazo:
Bichi Yehova alaganyize kujirira balala banamuhira oku fasi y’oburhanzi?
HALI ABANTU BANADERHA: “Bimpemere nkole bwenene yingala kuhahira omulala gwani. Intakagala kuja oku mbuganano z’echibaga buli boso.”
Lwandiko luhe lukuyemezeze ok’okuhira obuharamye bwa Yehova oku fasi y’oburhanzi esiku zoshi, y’esimikiro nyinja omuntu akarhola?
OKU BUGEKE
Akasi k’omubiri n’efuranga bili by’akamaro, aliko birhakwanene kurhuhugisa omu kasi ka Yehova.
Rhuchiyibusye
Bichi byakakurhabala ogenderere kugwarha olugero oku bilolere okuntu onabona akasi?
Nka gurhe okutosheka kwakakulerhera enyungu?
Gurhe wakayerekana ok’ochizerere echilagane cha Yehova chiderhere okw’aha abantu bage ebibakeneere?
EYINDI MYAZI
Lola akaba Ebiblia eyerekene okw’efuranga zili zibi.
Lola gurhe rhwakakolesa efuranga zerhu omu kusimisa Mungu.
“Bichi Ebiblia Ederhere oku -Bilolere Okuhaana?” (Mwazi guli oku jw.org)
Okusharha oloteri nta bubi kuherhe si?
“Ebye Biblia Ederhere oku Bilolere Oloteri” (Amuka!, Mwezi gwa 3, 2015)
Lola bichi byarhumaga omuntu wagendaga asharha oloteri wanaliri chishambo ahindamula akalamo kage.
“Nalisimire Bwenene Amalibirha m’oku Farasi” (Omunara g’Omulanzi, Lusiku 1, Mwezi gwe 11, 2011)