MGA SALMO

1 Malipayon ang tawo nga wala nagasunod sa laygay sang malauton

Kag wala nagaupod sa mga makasasala+

Kag wala nagapungko upod sa mga nagapangyaguta.+

 2 Kundi nagakalipay sia sa kasuguan ni Jehova,+

Kag ginabasa niya sa mahinay nga tingog* ang Iya kasuguan adlaw kag gab-i.+

 3 Mangin kaangay sia sang kahoy nga gintanom sa higad sang sapa,

Isa ka kahoy nga nagapamunga suno sa panahon sini,

Ang mga dahon sini wala nagakalaya.

 4 Ang malauton indi kaangay sina;

Kaangay sila sang upa nga ginapalid sang hangin.

 5 Amo kon ngaa ang malauton indi pagkahamut-an sa tion nga hukman sila;+

Kag ang mga makasasala indi makita sa tunga sang matarong.+

 6 Kay nahibaluan ni Jehova ang dalanon sang matarong,+

Apang ang dalanon sang malauton madula.+

2 Ngaa indi mapahamtang ang mga pungsod

Kag ngaa nagakumod* ang mga tawo sa wala sing pulos nga butang?+

 2 Nagtindog ang mga hari sang duta

Kag ang mga manuggahom nagtingob*+

 3 Nagsiling sila: “Bugrason naton ang ila gapos

Kag ihaboy ang ila lubid!”

 4 Ang Isa nga nagapungko sa trono sa langit magakadlaw;

Si Jehova magayaguta sa ila.

 5 Sa sina nga tion magahambal sia bangod sang iya kaakig

Kag magakahadlok sila bangod sang iya tuman nga kaakig,

 6 Nga nagasiling: “Ginpapungko ko ang akon hari+

Sa Sion,+ ang akon balaan nga bukid.”

 7 Isugid ko ang ginsiling* ni Jehova;

Nagsiling sia sa akon: “Ikaw ang akon anak;+

Karon nga adlaw, ako nangin imo amay.+

 8 Pangayo ka, kag ihatag ko sa imo ang mga pungsod subong imo palanublion

Kag ang bug-os nga duta nga imo pagapanag-iyahan.+

 9 Buk-on mo sila sang setro nga salsalon,+

Kag dugmukon mo sila kaangay sang kolon.”+

10 Gani, magmaalam kamo, mga hari;

Magpatudlo kamo,* mga hukom sang duta.

11 Alagda ninyo si Jehova nga may kahadlok,

Kag magkalipay kamo nga may pagkurog.

12 Padunggi* ninyo ang anak,+ agod ang Dios* indi maakig

Kag indi kamo madula sa matarong nga dalanon,+

Kay ang Iya kaakig magasilabo sa gilayon.

 3 Apang ikaw, O Jehova, ang akon taming,+

Ang akon himaya+ kag ang Isa nga nagabayaw sang akon ulo.+

 4 Magapanawag ako kay Jehova,

Kag halin sa iya balaan nga bukid magasabat sia sa akon.+ (Selah)

 5 Magahigda ako kag magatulog;

Kag magabugtaw ako nga luwas sa katalagman,

 6 Wala ako mahadlok sa linibo ka tawo

Sa palibot ko nga nagasumpong sa akon.+

Iguon mo ang sag-ang sang akon mga kaaway;

Dugmukon mo ang mga ngipon sang mga malauton.+

 3 Dumduma ninyo nga ginapadunggan ni Jehova ang mainunungon sa iya;*

Mamati si Jehova kon manawag ako sa iya.

 5 Magdulot kamo sing mga halad sang pagkamatarong,

Kag magsalig kay Jehova.+

 7 Ginpuno mo sing kalipay ang akon tagipusuon

Labaw pa sa kalipay sang mga nagaani sing bugana nga uyas kag bag-o nga alak.

 8 Magahigda ako kag magatulog nga may kalinong,+

Kay ikaw lamang, O Jehova, ang makahatag sa akon sing kalig-unan.+

5 O Jehova, pamatii ang akon ginasiling;+

Talupangda ang akon pagpanghayhay.

 2 Pamatii ang akon pagpangayo sing bulig,

O Hari ko kag Dios ko, kay sa imo nagapangamuyo ako.

 3 O Jehova, mabatian mo ang akon tingog sa aga;+

Sa aga ipabutyag ko sa imo ang akon kabalaka+ kag magahulat ako sang imo sabat.

 4 Kay ikaw Dios nga wala mahamuot sa kalautan;+

Wala sing malain nga tawo nga magaistar upod sa imo.+

Ginadumtan mo ang tanan nga nagahimo sing kalautan;+

 6 Laglagon mo ang mga butigon.+

 7 Apang magasulod ako sa imo balay+ bangod sang imo mainunungon nga gugma;+

Magayaub ako nga nagaatubang sa imo balaan nga templo* bangod sa kahadlok sa imo.+

 8 O Jehova, tuytuyi ako sa imo matarong nga dalanon bangod sang akon mga kaaway;

Buligi ako nga maglakat sa imo dalanon nga indi masandad.+

 9 Kay ang ila ginasiling indi masaligan;

Puno sila sing kalautan;

Ang ila baba daw kaangay sang bukas nga lulubngan;

Nagapang-into sila paagi sa ila dila.*+

10 Apang pakamalauton sila sang Dios;

Mapukan sila bangod sang ila malain nga mga plano.+

Kabay nga tabugon sila bangod sang ila madamo nga paglapas,

Kay nagrebelde sila sa imo.

11 Apang ang tanan nga nagadangop sa imo magakasadya;+

Magahugyaw sila pirme sa kalipay.

Balabagan mo ang magahalit sa ila,

Kag magakasadya ang mga nagahigugma sang imo ngalan.

6 O Jehova, indi ako pagsabdunga sa imo kaakig,

Kag indi ako pagtadlunga sa imo kasingkal.+

 3 Huo, ginatublag gid ako,*+

O Jehova, tubtob san-o ako magaantos?+

 4 Kari ka kag luwasa ako,* O Jehova;+

Luwasa ako tungod sang imo mainunungon nga gugma.+

 5 Kay ang mga patay wala na nagasambit* sa imo;

Kag sa Lulubngan,* sin-o ang magadayaw sa imo?+

 6 Ginalapyo ako sa akon pagpanghayhay;+

Sa bug-os nga gab-i nahumog sang luha ang akon hiligdaan;*

Nagadanaw ang akon hiligdaan bangod sang akon paghibi.+

 7 Nagpalanghuyos ang akon mga mata sa kalisod;+

Nagpalangdulom ini bangod sang tanan nga nagasalakay sa akon.

 8 Palayo sa akon, tanan kamo nga nagahimo sing kalautan,

Kay pamatian gid ni Jehova ang akon paghibi.+

 9 Pamatian gid ni Jehova ang akon pagpakiluoy;+

Batunon ni Jehova ang akon pangamuyo.

10 Ang tanan ko nga kaaway mahuy-an kag magasalasala;

Magapalalagyo sila sing hinali bangod sa kahuya.+

 2 Kay kon indi, gus-abon nila ako* kaangay sang leon,+

Kag tabanon ako nga wala sing makaluwas sa akon.

 3 O Jehova nga akon Dios, kon nakasala gid man ako,

Kon nakahimo gid man ako sing indi matarong,

 4 Kon ginhimuan ko sing malain ang nagahimo sing maayo sa akon,+

Ukon kon gin-agawan ko sing pagkabutang ang akon kaaway nga wala sing rason,

 5 Pabay-i nga lagson ako* kag maabtan sang akon kaaway;

Tuguti nga lapaklapakon niya ako* sa duta tubtob mapatay,

Kag kuhaa ang akon himaya. (Selah)

 6 Tindog ka, O Jehova, bangod sang imo kaakig;

Sumpunga ang kaakig sang akon mga kaaway;+

Magmata ka kag buligi ako, kag ipatuman ang hustisya.+

 7 Kabay nga ang mga pungsod magtipon sa palibot mo;

Kag halin sa imo trono hukman mo sila.

Hukmi ako, O Jehova, suno sa akon pagkamatarong

Kag suno sa akon integridad.+

Apang lig-una ang matarong,+

Kay ikaw ang matarong nga Dios+ nga nagausisa sang mga tagipusuon+ kag sang pinakamadalom nga balatyagon.*+

11 Ang Dios matarong nga Hukom,+

Kag ginapakamalaut gid sang Dios ang mga malauton.

12 Kon ang isa indi maghinulsol,+ bairon Niya ang iya espada;+

Bingaton Niya ang iya pana kag ihanda ini.+

13 Ginahanda niya ang iya makamamatay nga mga hinganiban;

Ginapuntariya niya ang iya nagadabdab nga mga baslay.+

14 Tan-awa ang isa nga nagabusong sing kalainan;

Nagapanamkon sia sing kagamo kag nagabun-ag sing kabutigan.+

15 Nagkutkot sia sing buho kag ginpadalom ini,

Apang mahulog sia sa buho nga iya ginkutkot.+

16 Ang kagamo nga iya ginhimo magabuelta sa iya;+

Ang iya kasingki magabalik sa iya.

17 Dayawon ko si Jehova bangod sang iya katarungan;+

Magaamba ako sing mga pagdayaw* sa ngalan ni Jehova+ nga Labing Mataas.+

8 O Jehova nga amon Ginuo, tuman kahalangdon ang imo ngalan sa bug-os nga duta;

Ginpakataas mo ang imo kadungganan labaw pa sa kalangitan!+

 2 Paagi sa baba sang mga bata kag mga lapsag+ ginpakita mo ang imo kusog

Bangod sa imo mga kaaway,

Agod pahipuson ang kaaway kag ang manugtimalos.

 3 Kon makita ko ang kalangitan, ang binuhatan sang imo mga tudlo,

Ang bulan kag ang kabituunan nga imo ginhimo,+

 4 Ano gid bala ang mamalatyon nga tawo nga ginadumdom mo sia,

Kag ang anak sang tawo nga ginaatipan mo sia?+

 5 Ginhimo mo sia nga mas manubo sangsa mga anghel,*

Kag ginkoronahan mo sia sing himaya kag dungog.

 6 Ginpagahom mo sia sa imo mga binuhatan;*+

Ginbutang mo ang tanan sa idalom sang iya mga tiil:

 7 Ang tanan nga panong kag kasapatan,

Subong man ang ilahas nga mga sapat,*+

 8 Ang kapispisan sang kalangitan kag ang kaisdaan sang kadagatan,

Ang bisan ano nga nagalangoy sa kadagatan.

 9 O Jehova nga amon Ginuo, tuman kahalangdon ang imo ngalan sa bug-os nga duta!

9 Dayawon ko ikaw, O Jehova, sa bug-os ko nga tagipusuon;

Ipahayag ko ang tanan mo nga makatilingala nga mga binuhatan.+

 2 Magakasadya ako kag magahugyaw tungod sa imo;

Magaamba ako sing mga pagdayaw* sa imo ngalan, O Labing Mataas.+

 3 Kon mag-isol ang akon mga kaaway,+

Mapukan sila kag malaglag sa atubangan mo.

 4 Kay ginhatagan mo ako sing hustisya kag ginpangapinan;

Nagapungko ka sa imo trono kag nagahukom sing matarong.+

 5 Ginsabdong mo ang mga pungsod+ kag ginlaglag ang mga malauton,

Ginpanas mo ang ila ngalan sa wala sing katubtuban.

 6 Ang kaaway ginlaglag sa wala sing katubtuban;

Gingabot mo ang ila mga siudad,

Kag sila tanan indi na gid pagdumdumon.+

 7 Apang si Jehova nagagahom sa wala sing katubtuban;+

Ginpalig-on Niya ang iya trono para sa katarungan.+

 8 Hukman niya ang kalibutan* sa pagkamatarong;+

Hukman niya sing matarong ang mga pungsod.+

 9 Si Jehova mangin malig-on nga dalangpan para sa mga ginapigos,+

Isa ka malig-on nga dalangpan sa tion sang kagamo.+

10 Ang mga nakakilala sang imo ngalan magasalig sa imo;+

Indi mo gid pagbayaan ang mga nagapangita sa imo, O Jehova.+

11 Mag-amba kamo sing mga pagdayaw kay Jehova, nga nagapuyo sa Sion;

Ipahayag sa mga tawo ang iya mga binuhatan.+

12 Kay dumdumon sila sang Isa nga nagatimalos sang ila dugo;+

Indi gid niya pagkalimtan ang pagpangayo sing bulig sang nalisdan.+

13 Kaluy-i ako, O Jehova; tan-awa ang pagpigos sa akon sang mga nagadumot sa akon,

Ikaw nga nagakuha sa akon sa mga gawang sang kamatayon,+

14 Agod mapahayag ko ang tanan mo nga dalayawon nga mga binuhatan sa mga gawang sang anak nga babayi sang Sion,+

Kag magakalipay ako sa pagluwas mo sa akon.+

15 Ang mga pungsod nahulog sa buho nga ila ginhimo;

Ang ila tiil nasiod sa lambat nga ila ginbutang.+

17 Magaisol sa Lulubngan* ang malauton,

Ang tanan nga pungsod nga wala nagadumdom sa Dios.

18 Apang ang mga imol indi gid pagkalimtan;+

Kag indi gid madula ang paglaum sang mga mahagop.+

20 Pahadluka sila, O Jehova,+

Ipahibalo sa mga pungsod nga sila mamalatyon lamang nga mga tawo. (Selah)

 2 Tungod sang pagkamatinaastaason sang malauton ginalagas niya ang makaluluoy,+

Apang masiod sia sa mga pahito nga iya ginhimo.+

 3 Kay ginapabugal sang malauton ang iya makagod nga handum*+

Ginadayaw sang makagod ang iya kaugalingon;*

נ [Nun]

 4 Tungod sang iya pagkamatinaastaason, ang malauton wala gid nagapangusisa;

Ang iya gid lang ginahunahuna: “Wala sing Dios.”+

 5 Ang iya mga dalanon pirme nagamadinalag-on,+

Apang indi niya mahangpan ang imo kasuguan;+

Ginatamay niya ang* tanan nga nagasumpong sa iya.

 6 Nagasiling sia sa iya tagipusuon: “Indi ako malingkang;*

Sa tanan nga kaliwatan

Wala sing matabo sa akon.”+

 7 Ang iya baba puno sing pagpakamalaut, kabutigan, kag pagpamahog;+

Ang iya ginahambal puro kagamo kag kahalitan.+

 8 Nagapanglambat sia malapit sa mga baryo;

Halin sa iya palanaguan ginapatay niya ang tawo nga wala sing sala.+

10 Ang biktima ginpigos kag napukan;

Ang makaluluoy nga mga biktima nahulog sa iya mga kamot.*

Sa imo nagasalig ang makaluluoy nga biktima;+

Ikaw ang manugtabang sang wala sing amay nga bata.*+

15 Balia ang butkon sang malauton kag malain nga tawo,+

Agod kon pangitaon mo ang iya kalautan,

Indi mo na ini makita.

18 Hatagan mo sing hustisya ang mga wala sing amay kag nalisdan,+

Agod indi na sila mahadlok sa mamalatyon nga tawo sa duta.+

 2 Tan-awa kon paano ginabingat sang malauton ang pana;

Ginapuntariya nila ang ila baslay,

Agod panaon halin sa kadulom ang mga matarong sing tagipusuon.

 3 Kon mapukan ang mga sadsaran,*

Ano ang himuon sang matarong?”

 5 Ginausisa ni Jehova ang matarong kag ang malauton;+

Ginadumtan niya* ang nagahigugma sa kasingki.+

 6 Paulanan niya ang malauton sing mga siod;*

Ang kalayo kag ang asupre+ kag ang makapalaso nga hangin amo ang mangin bahin sang ila kopa.

12 Luwasa ako, O Jehova, kay wala na sing nabilin nga mainunungon;

Ang mga matutom nagakapapas.

 2 Nagabinutig sila sa isa kag isa;

Nagapang-into sila* kag nagahambal paagi sa indi tampad nga tagipusuon.*+

 3 Utdon ni Jehova ang tanan nga nagapang-into nga dila,

Pahipuson niya ang nagapahambog nga baba,+

Ihambal namon ang luyag namon ihambal;

Sin-o ang magadikta sa amon?”+

 5 “Bangod sang pagpamigos sa mga nalisdan,

Bangod sang pagpanghayhay sang mga imol,+

Magatindog ako agod magpanghikot,” siling ni Jehova.

 6 Ang mga pulong ni Jehova putli;+

Kaangay ini sang pilak nga ginpaputli sing makapito sa hurnuhan nga daga.*

 7 Ikaw mismo ang magabantay sa ila, O Jehova;+

Amligan mo ang tagsatagsa sa ila halin sa sini nga kaliwatan tubtob sa wala sing katubtuban.

 8 Ang mga malauton makita bisan diin

Bangod ang kalautan ginapasanyog sang mga tawo.+

 2 Tubtob san-o nga magakabalaka ako,*

Kag magapangasubo ang akon tagipusuon sa kada adlaw?

Ibalik ang akon kusog,* agod indi ako magtulog sa kamatayon,

 4 Agod ang akon kaaway indi magsiling: “Nadaug ko sia!”

 5 Apang nagasalig ako sa imo mainunungon nga gugma;+

Magakalipay ang akon tagipusuon kay luwason mo ako.+

Malain kag makangilil-ad ang ila ginahimo;

Wala sing bisan isa nga nagahimo sing maayo.+

 2 Apang halin sa langit, ginatan-aw ni Jehova ang mga tawo

Agod hibaluon kon bala may isa nga may paghangop, kon bala may isa nga nagapangita kay Jehova.+

 3 Nagsipak sila tanan;+

Malain sila tanan.

Wala sing bisan isa nga nagahimo sing maayo,

Wala gid sing bisan isa.

 5 Apang magakahadlok gid sila,+

Kay si Jehova kaupod sang kaliwatan nga matarong.

 6 Kamo nga mga malauton, ginatinguhaan ninyo nga paslawon ang mga plano sang kubos,

Apang si Jehova ang iya dalangpan.+

Magakalipay si Jacob, magakasadya ang Israel,

Kon tipunon na ni Jehova ang iya nabihag nga katawhan.

 2 Ang isa nga nagakabuhi nga wala sing kasaypanan,*+

Nagahimo sing matarong+

Kag nagahambal sing kamatuoran sa iya tagipusuon.+

 3 Sia nga wala nagapasipala,+

Wala nagahimo sing malain sa iya isigkatawo,+

Kag wala nagapakahuya sa iya mga abyan.+

 4 Ginasikway niya ang mga talamayon,+

Apang ginapadunggan niya ang mga nagakahadlok kay Jehova.

 5 Nagapahulam sia nga wala sing saka,+

Kag wala sia nagabaton sing hamham batok sa tawo nga wala sing sala.+

 3 Kag ang mga balaan sa duta,

Ang mga halangdon, nagahatag sa akon sang daku nga kalipay.”+

Indi ako magpakig-upod sa ila sa paghalad sing ilimnon nga dugo sa sina nga mga dios,

Kag indi ko pagsambiton ang mga ngalan sina nga mga dios.+

Sa imo atubangan* may tuman nga kasadya;+

Sa imo tuo nga kamot wala sing katapusan ang kalipay.*

17 O Jehova, pamatii ang akon pangabay para sa katarungan;

Talupangda ang akon pagpangayo sing bulig;

Pamatii ang akon tampad nga pangamuyo.+

 2 Kabay nga hatagan mo ako sing hustisya;+

Kabay nga makita mo kon ano ang husto.

 3 Gin-usisa mo ang akon tagipusuon, ginsayasat mo ako sa kagab-ihon;+

Ginputli mo ako;+

 4 Kon tuhoy sa ginahimo sang mga tawo,

Ginalikawan ko ang mga dalanon sang kawatan suno sa imo pulong.+

 5 Kabay nga maglakat ako sa imo dalanon

Agod indi ako masandad.+

 7 Ipakita ang imo mainunungon nga gugma sa makatilingala nga paagi,+

O Manluluwas sang mga nagadangop sa imo tuo nga kamot

Bangod sa mga nagarebelde sa imo.

 8 Amligi ako kaangay sang tawotawo sang imo mata;+

Tagua ako sa landong sang imo mga pakpak.+

 9 Amligi ako sa malauton nga nagsalakay sa akon,

Sa akon mortal nga mga kaaway* nga nagapalibot sa akon.+

10 Ginpatig-a nila ang ila tagipusuon;*

Nagapahambog sila;

11 Ginalibutan nila kami;+

Nagapangita sila sing kahigayunan agod pukanon kami.*

13 Tindog ka, O Jehova, agod atubangon+ kag lutuson sia;

Luwasa ako* sa malauton paagi sa imo espada;

14 O Jehova, luwasa ako paagi sa imo gahom,

Sa mga tawo sini nga kalibutan,* nga nagahimud-os para lamang sa ila kaugalingon,+

Nga ginabusog mo sang imo maayo nga mga butang+

Nga nagatigana sang palanublion sa ila mga anak.

15 Apang ako, makakita ako sa imo kay matarong ako;

Malipay ako nga makita ka sa pagbugtaw ko.+

Ang akon Dios amo ang akon igang,+ nga akon dalangpan,

Sia ang akon taming kag ang akon sungay* sang kaluwasan,* ang akon malig-on nga dalangpan.*+

 3 Nagapanawag ako kay Jehova, nga takus dayawon,

Kag maluwas ako sa akon mga kaaway.+

 4 Ang mga lubid sang kamatayon nagburambod sa akon;+

Ang pagdamo sang wala pulos nga mga tawo nagpahadlok sa akon.+

 5 Ang mga lubid sang Lulubngan* nagburambod sa akon;

Diutayan lang ako masiod sang kamatayon.+

 6 Sa akon kalisdanan nagpanawag ako kay Jehova,

Padayon ako nga nagapangayo sing bulig sa akon Dios.

Sa iya templo nabatian niya ang akon tingog,+

Nabatian niya ang akon pagpangayo sing bulig.+

 7 Dayon nag-uyog kag nagkurog ang duta;+

Nagtay-ug ang sadsaran sang mga bukid

Kag nag-uyog ini bangod naakig sia.+

 8 Naggua ang aso sa iya ilong,

Kag naggua sa iya baba ang nagapanglamon nga kalayo;+

Nagdabdab ang mga baga halin sa iya.

 9 Ginpabawod niya ang langit sang nanaug sia,+

Kag ang madamol nga gal-um yara sa idalom sang iya mga tiil.+

11 Dayon nagpanago sia sa kadudulman,+

Ginhimo niya nga tabon sa palibot niya

Ang maitom kag madamol nga gal-um.+

12 Sa kasanag sang mga kilat sa atubangan niya

Nahulog halin sa panganod ang ulan nga yelo kag nagadabdab nga mga baga.

13 Dayon halin sa langit nagpadaguob si Jehova;+

Ginpabati sang Labing Mataas ang iya tingog+

Paagi sa ulan nga mga yelo kag nagadabdab nga mga baga.

14 Ginpana niya ang iya mga baslay kag ginpaalaplaag sila;+

Nagpakilat sia kag ginpasalasala sila.+

15 Nakita ang salog sang suba;*+

Ang sadsaran sang duta nakita bangod sang imo pagsabdong, O Jehova,

Bangod sang pagpusnga sang imo ilong.+

16 Gin-untay niya ang iya kamot halin sa ibabaw;

Gin-uyatan niya ako kag ginbatak sa madalom nga tubig.+

17 Ginluwas niya ako sa akon makusog nga kaaway,+

Sa mga nagadumot sa akon, nga mas makusog sangsa akon.+

18 Ginsalakay nila ako sa adlaw sang akon kalisdanan,+

Apang ginbuligan ako ni Jehova.

19 Gindala niya ako sa lugar nga wala sing katalagman;*

Ginluwas niya ako bangod nahamuot sia sa akon.+

20 Ginapadyaan ako ni Jehova bangod sa akon pagkamatarong;+

Ginabalusan niya ako tungod wala ako sing sala.+

21 Kay ginasunod ko ang mga dalanon ni Jehova,

Kag wala ko gintalikdan ang akon Dios, kay malaut ini nga buhat.

22 Ginadumdom ko ang tanan niya nga kasuguan;

Indi ko pagsikwayon ang iya mga pagsulundan.

23 Magapabilin ako nga wala sing sayop sa atubangan niya,+

Kag magalikaw ako sa paghimo sing sala.+

24 Kabay nga padyaan ako ni Jehova suno sa akon pagkamatarong,+

Suno sa akon mga kamot nga wala sing sala sa iya atubangan.+

25 Mainunungon ka sa tawo nga mainunungon sa imo;+

Matarong ka sa tawo nga matarong;+

26 Putli ka sa tawo nga putli,+

Apang maayo ka magpadihot sa tawo nga balingag.+

27 Kay ginaluwas mo ang mga kubos*+

Apang ginapaubos mo ang mga matinaastaason.*+

28 Kay ikaw ang nagasindi sang akon suga, O Jehova,

Ang akon Dios nga nagapasanag sang akon kadulom.+

29 Sa bulig mo masalakay ko ang guban sang mga tulisan;+

Paagi sa gahom sang Dios mataklas ko ang pader.+

30 Himpit ang dalanon sang matuod nga Dios;+

Putli ang pulong ni Jehova.+

32 Ang matuod nga Dios nagahatag sa akon sing kusog,+

Kag tadlungon niya ang akon dalanon.+

33 Ginapadasig niya ang akon mga tiil pareho sang usa;

Agod makataklad ako kag makapabilin sa mataas nga mga duog.+

34 Ginahanas niya ako sa pagpakig-away;

Mabingat ko ang pana nga saway.

35 Ginaamligan mo ako paagi sa imo taming,+

Ginabuligan* mo ako sang imo tuo nga kamot,

Kag ginapabantog ako sang imo pagkamapainubuson.+

36 Ginapalapad mo ang akon alagyan;

Ang akon mga tiil* indi makadanlog.+

37 Lagson ko ang akon mga kaaway kag lab-uton ko sila;

Indi ako magbalik tubtob indi ko sila mapapas.

38 Dugmukon ko sila agod indi na sila makabangon pa;+

Magakalapukan sila sa idalom sang akon tiil.

39 Hatagan mo ako sing kusog sa pagpakig-away;

Pukanon mo ang akon mga kaaway sa idalom ko.+

40 Paatrason mo ang akon mga kaaway,*

Kag tapuson* ko ang mga nagadumot sa akon.+

41 Nagpangayo sila sing tabang, apang wala sing magaluwas sa ila;

Nagpanawag pa gani sila kay Jehova, apang wala niya sila ginasabat.

42 Dugmukon ko sila sing pino pareho sang yab-ok nga ginapalid sang hangin;

Ipilak ko sila kaangay sang lunang sa mga dalan.

44 Pagkabati nila tuhoy sa akon magatuman sila;

Ang mga dumuluong magapalapit sa akon nga nagakurog sa kahadlok.+

45 Ang mga dumuluong madulaan sing kaisog;*

Magagua sila nga nagakurog sa ila mga kuta.

47 Ginatimalos ako sang matuod nga Dios;+

Ginapasakop niya sa akon ang mga tawo.

48 Ginaluwas niya ako sa akon akig nga mga kaaway;

Ginabayaw mo ako sa mga nagasalakay sa akon;+

Ginaluwas mo ako sa mapintas nga tawo.

49 Gani, himayaon ko ikaw sa tunga sang mga pungsod, O Jehova,+

Kag magaamba ako sing mga pagdayaw* sa imo ngalan.+

50 Nagahimo sia sing dalayawon nga mga buhat sang pagluwas* para sa iya pinili nga hari;+

Nagapakita sia sing mainunungon nga gugma sa iya hinaplas,+

Kay David kag sa iya kaliwat* sa wala sing katubtuban.+

19 Ang kalangitan nagapahayag sang himaya sang Dios;+

Ang kahawaan nagasugid sang iya mga binuhatan.*+

 2 Kada adlaw nagahambal sila,

Kag kada gab-i nagapakita sila sing ihibalo.

 3 Wala sing hambal, kag wala sing mga pulong;

Ang ila tingog indi mabatian.

 4 Apang ang ila tunog nagalanog sa bug-os nga duta,

Kag ang ila mensahe sa pinakamalayo nga napuy-an nga duta.*+

Sa kalangitan naghimo ang Dios sing tolda para sa adlaw;

 5 Kaangay ini sang nobyo nga nagagua sa iya kuarto;

Nagahugyaw ini kaangay sang isa ka makusog nga tawo nga nagadalagan sa isa ka palumba.

 6 Nagabutlak ini sa isa ka punta sang langit,

Kag nagalibot pakadto sa pihak nga punta sini;+

Kag wala sing nalipdan sa kainit sini.

 8 Ang mga mando ni Jehova matarong, nga nagapasadya sa tagipusuon;+

Ang mga sugo ni Jehova matinlo, nga nagapasanag sa mga mata.+

10 Mas halandumon pa ini sangsa bulawan,

Sangsa madamo nga puro nga bulawan,+

Kag mas matam-is pa ini sangsa dugos+ nga nagailig sa mga balay-putyukan.

11 Paagi sa sini ginapaandaman ang imo alagad;+

Daku ang padya kon tumanon ini.+

13 Kag buligi ang imo alagad nga indi makahimo sing makahas nga mga buhat;+

Indi pagtuguti nga madaug ako sini.+

Agod ako mangin wala sing kasaypanan,+

Kag magapabilin ako nga matinlo sa madamo nga paglapas.

14 Kabay nga ang akon ginahambal kag ginapamalandungan

Mangin kalahamut-an sa imo,+ O Jehova, nga akon Igang+ kag akon Manunubos.+

 2 Kabay nga padalhan ka niya sing bulig halin sa balaan nga duog+

Kag sakdagon ka niya halin sa Sion.+

 3 Kabay nga dumdumon niya ang tanan mo nga dulot;

Kabay nga batunon niya* ang imo dulot nga sinunog. (Selah)

 4 Kabay nga ihatag niya ang handum sang imo tagipusuon+

Kag hatagan sing kadalag-an ang tanan mo nga plano.*

 5 Magahugyaw kami sa kalipay bangod sang pagluwas sa imo;+

Dayawon namon ang ngalan sang amon Dios.+

Ginasabat niya ang iya pangamuyo halin sa iya balaan nga langit

Paagi sa gamhanan nga pagluwas* sang iya tuo nga kamot.+

 7 Ang iban nagasalig sa mga kangga kag ang iban sa mga kabayo,+

Apang nagapanawag kami sa ngalan ni Jehova nga amon Dios.+

 8 Nagakatumba sila kag nagakapukan,

Apang kami nagabangon kag nagatindog sing tadlong.+

21 O Jehova, bangod sang imo kusog nagakasadya ang hari;+

Nagakalipay gid sia sa imo pagluwas!+

 2 Ginhatag mo ang handum sang iya tagipusuon,+

Kag wala mo gindingot ang iya pangabay. (Selah)

 3 Kay ginpakamaayo mo sia sing bugana;

Ginkoronahan mo sia sing puro nga bulawan.+

 4 Nagpangayo sia sa imo sing kabuhi kag ginhatag mo ini sa iya,+

Ang malawig nga kabuhi,* ang kabuhi nga wala sing katubtuban.

 6 Ginpakamaayo mo sia sing wala sing katapusan;+

Ginapahalipay mo sia tungod sang imo presensia.*+

 7 Kay ang hari nagasalig kay Jehova;+

Bangod sa mainunungon nga gugma sang Labing Mataas, indi gid sia malingkang.*+

 8 Dakpon sang imo mga kamot ang tanan mo nga kaaway;

Dakpon sang imo tuo nga kamot ang mga nagadumot sa imo.

10 Laglagon mo ang ila mga kabataan* sa duta,

Kag ang ila kaliwat sa mga anak sang mga tawo.

11 Kay nagplano sila nga himuan ka sing malain;+

Nagpahito sila sing mga butang nga indi magmadinalag-on.+

12 Kay paatrason mo sila+

Paagi sa pagpuntariya sa ila* sang imo pana.

Ngaa tama sa imo kalayo sa pagtabang sa akon,

Sa pagpamati sa akon mga pag-ugayong?+

 2 O Dios ko, nagapanawag ako sa imo sa adlaw kag gab-i;

Apang wala mo ako ginasabat.+

 3 Apang ikaw balaan,+

Ginapalibutan* sang mga pagdayaw sang Israel.

 4 Nagsalig sa imo ang amon mga amay;+

Nagsalig sila sa imo, kag pirme mo sila ginaluwas.+

 5 Nagpanawag sila sa imo, kag naluwas sila;

Nagsalig sila sa imo, kag wala sila mapaslawi.*+

 6 Apang ulod ako kag indi tawo,

Ginayaguta* kag ginatamay sang mga tawo.+

 7 Ginauligyat ako sang tanan nga nagatan-aw sa akon;+

Ginayaguta nila ako kag nagalungolungo, nga nagasiling:+

 9 Ikaw ang nagpagua sa akon sa tiyan sang akon iloy,+

Ginhalungan mo ako sang ginabatiti pa ako sang akon iloy.

10 Gintugyan ako sa imo* halin sa akon pagkabun-ag;

Halin pa sa tiyan sang akon iloy, ikaw na ang akon Dios.

11 Indi ka magpalayo sa akon, kay malapit ang kagamo+

Kag wala na sing iban pa nga matabang sa akon.+

12 Ginlibutan ako sang madamo nga torite nga baka;+

Ginkibon ako sang makusog nga mga toro sang Basan.+

13 Kaangay sang nagangurob kag nagapanggus-ab nga leon,+

Naganganga sila batok sa akon.+

14 Gin-ula ako kaangay sang tubig;

Nagliw-as ang tanan ko nga tul-an.

Ang akon tagipusuon daw kabulay* nga nagakatunaw;+

Natunaw ini sa sulod ko.+

15 Nadulaan ako sing kusog kaangay sang isa ka tipik sang kolon;+

Nagapilit ang akon dila sa akon alingagngag;+

Ginbutang mo ako sa buho agod mapatay.+

16 Kaangay sang mga ido, ginlibutan ako sang akon mga kaaway;+

Ginkibon nila ako kaangay sang guban sang mga malauton,+

Kaangay sang leon gingus-ab nila ang akon mga kamot kag mga tiil.+

18 Ginapartida nila ang akon mga panapton,

Kag ginapagabutgabutan* nila ang akon bayo.+

20 Luwasa ako* sa espada,

Ang akon hamili nga kabuhi* sa mga kamumuo* sang mga ido;+

21 Luwasa ako sa baba sang leon+ kag sa sungay sang mabangis nga mga toro nga baka nga talunon;

Sabta ako kag luwasa ako.

22 Ipahayag ko ang imo ngalan sa akon mga kauturan;+

Dayawon ko ikaw sa tunga sang kongregasyon.+

24 Kay wala niya gintamay ukon ginkangil-aran ang pag-antos sang ginapigos;+

Wala niya ginlipdan ang iya nawong sa iya.+

25 Dayawon ko ikaw sa daku nga kongregasyon;+

Tumanon ko ang akon mga panaad sa atubangan sang mga nagakahadlok sa imo.

26 Ang mga mahagop magakaon kag mabusog;+

Ang mga nagapangita kay Jehova magadayaw sa iya.+

28 Kay si Jehova amo ang Hari;+

Nagagahom sia sa mga pungsod.

29 Ang mga manggaranon* sang duta magakaon kag magayaub;

Magaluhod sa iya ang tanan nga magabalik sa yab-ok;

Wala sing bisan isa sa ila ang makaamlig sang iya kabuhi.*

30 Ang ila kaliwatan* magaalagad sa iya;

Ipahayag sa masunod nga kaliwatan ang tuhoy kay Jehova.

 2 Ginapaluko niya ako sa madabong nga halalban;

Ginadala niya ako sa mga palahuwayan sa higad sang linaw.*+

 4 Bisan nagalakat ako sa madulom nga nalupyakan,+

Wala ako mahadlok,+

Kay kaupod ko ikaw;+

Ang imo bilugon kag ang imo sungkod nagapasalig sa akon.*

Ginpaumpawan* mo sing lana ang akon ulo;+

Ginpuno mo ang akon kopa.+

 6 Sa pagkamatuod, ang imo kaayo kag mainunungon nga gugma indi magbulag sa akon sa bug-os ko nga kabuhi,+

Kag magapuyo ako sa balay ni Jehova tubtob buhi ako.+

24 Ang duta iya ni Jehova kag ang tanan nga yara sa sini,+

Ang mapatubason nga duta kag ang mga nagapuyo sa sini.

 2 Kay ginpasad niya ini sa ibabaw sang kadagatan+

Kag gintukod niya ini sa ibabaw sang kasubaan.

 3 Sin-o ang mahimo magtaklad sa bukid ni Jehova?+

Sin-o ang mahimo magtindog sa iya balaan nga duog?

 4 Ang tawo nga wala sing sala kag matinlo sing tagipusuon,+

Nga wala nagapanumpa sing binutig paagi sa Akon kabuhi,*

Ukon wala nagapangdaya paagi sa sumpa.+

 5 Magabaton sia sing pagpakamaayo halin kay Jehova+

Kag sing pagkamatarong* halin sa Dios sang iya kaluwasan.+

 6 Amo ini ang kaliwatan sang mga nagapangita sa iya,

Sang mga nagatinguha nga mabaton ang imo kahamuot,* O Dios ni Jacob. (Selah)

 7 Bayawa, O mga gawang, ang inyo ulo;+

Magbukas kamo,* O dumaan nga mga puertahan,

Agod makasulod ang mahimayaon nga Hari!+

Si Jehova nga makusog kag gamhanan,+

Si Jehova nga gamhanan sa inaway.+

 9 Bayawa, O mga gawang, ang inyo ulo;+

Magbukas kamo, O dumaan nga mga puertahan,

Agod makasulod ang mahimayaon nga Hari!

 2 O Dios ko, sa imo nagasalig ako;+

Indi pagtuguti nga mahuy-an ako.+

 3 Wala sing nagalaum sa imo nga mahuy-an,+

Apang ang mga maluib nga wala sing rason mahuy-an.+

 4 Ipakita sa akon ang imo mga dalanon, O Jehova;+

Tudlui ako sang imo mga banas.+

 5 Tuytuyi ako sa imo husto nga dalanon kag tudlui ako,+

Kay ikaw ang Dios sang akon kaluwasan.

 6 O Jehova, dumduma ang imo kaluoy kag ang imo mainunungon nga gugma,+

Nga pirme mo ginapakita.*+

Dumduma ako suno sa imo mainunungon nga gugma,+

Tungod sa imo kaayo, O Jehova.+

 9 Tuytuyan niya ang mga mahagop sa kon ano ang husto,*+

Kag tudluan niya ang mga mahagop sang iya dalanon.+

10 Ang tanan nga banas ni Jehova mainunungon nga gugma kag masaligan

Para sa mga nagatuman sang iya katipan+ kag sang iya mga pahanumdom.+

11 O Jehova, tungod sa imo ngalan,+

Patawara ang akon kasaypanan, bisan pa madamo ini.

13 Magaagom sia* sing maayo nga mga butang,+

Kag ang iya kaliwatan* magapanag-iya sang duta.+

14 Ang suod nga pagpakig-abyan kay Jehova iya sang mga nagakahadlok sa iya,+

Kag ginatudluan niya sila sang iya katipan.+

15 Pirme ako nagadangop kay Jehova,+

Kay sia ang magapalos sang akon mga tiil sa lambat.+

16 Talupangda ako kag kaluy-i,

Kay nagaisahanon lamang ako kag wala sing mahimo.

17 Nagdamo ang mga kasakit sang akon tagipusuon;+

Luwasa ako sa akon mga kalisdanan.

18 Talupangda ang akon kabudlayan kag ang akon pag-antos,+

Kag patawara ang tanan ko nga sala.+

19 Talupangda kon daw ano kadamo ang akon mga kaaway

Kag kon daw ano ang ila pagdumot sa akon.

21 Kabay nga amligan ako sang akon integridad kag pagkamatarong,+

Kay nagasalig ako sa imo.+

26 Hukmi ako, O Jehova, kay naglakat ako sa akon integridad;+

Padayon ako nga nagasalig kay Jehova.+

 2 Usisaa ako, O Jehova, kag tilawi ako;

Putlia ang akon pinakamadalom nga panghunahuna* kag ang akon tagipusuon.+

 3 Kay pirme ko ginadumdom ang imo mainunungon nga gugma,

Kag nagalakat ako sa imo kamatuoran.+

 4 Wala ako nagapakig-upod* sa madaya nga mga tawo,+

Kag ginalikawan ko ang mga nagapakunokuno.*

 5 Ginadumtan ko ang pagpakig-upod sa malain nga mga tawo,+

Kag wala ako nagapakig-upod* sa mga malauton.+

 6 Hinawan ko ang akon mga kamot agod ipakita nga wala ako sing sala,

Kag magalibot ako sa imo halaran, O Jehova,

 7 Agod mapabati ko ang akon pagpasalamat+

Kag agod mapahayag ko ang tanan mo nga makatilingala nga mga binuhatan.

 8 Ginahigugma ko, O Jehova, ang balay nga imo ginapuy-an,+

Ang puluy-an sang imo himaya.+

 9 Indi ako* paglaglaga upod sa mga makasasala,+

Ukon ang akon kabuhi upod sa mapintas nga mga tawo,*

10 Nga nagagawi sing makahuluya,

Kag ang ila tuo nga kamot puno sing mga hamham.

12 Magatindog ako sa matapan nga duog;+

Sa tunga sang daku nga kongregasyon,* dayawon ko si Jehova.+

 2 Sang ginsalakay ako sang akon malauton nga mga kaaway agod patyon,+

Nasandad sila kag napukan.

 3 Bisan pa magtukod sing kampo ang mga kasuldadusan batok sa akon,

Indi ako mahadlok.+

Bisan pa salakayon nila ako,

Magasalig gihapon ako sa iya.

 4 Isa ka butang ang ginapangayo ko kay Jehova,

—Amo ini ang ginahandum ko—

Nga makapuyo ako sa balay ni Jehova sa bug-os ko nga kabuhi,+

Agod makita ko ang kaayo ni Jehova

Kag agod pakamahalon ko* ang iya templo.*+

 5 Kay taguon niya ako sa iya palasilungan sa adlaw sang kagamo;+

Taguon niya ako sa iya tolda, ang iya tago nga lugar;+

Itungtong niya ako sa ibabaw sang igang.+

 6 Mangin mas mataas ako sangsa akon mga kaaway sa akon palibot;

Magahalad ako sa iya tolda upod ang paghugyaw;

Magaamba ako sing mga pagdayaw* kay Jehova.

 7 O Jehova, pamatii ako kon magpanawag ako sa imo;+

Kaluy-i ako kag sabta ako.+

 8 Sang ginsugo mo kami: “Pangitaa ninyo ako,”

Ang akon tagipusuon nagsiling sa imo,

O Jehova, pangitaon ko gid ikaw.+

Ikaw ang nagabulig sa akon;+

Indi ako pagsikwaya kag indi ako pagbayai, O Dios sang akon kaluwasan.

10 Bisan pa bayaan ako sang akon amay kag sang akon iloy,+

Si Jehova magasapupo sa akon.+

11 Tudlui ako, O Jehova, sang imo dalanon,+

Kag tuytuyi ako sa matadlong nga banas agod maamligan ako sa akon mga kaaway.

12 Indi ako pag-itugyan sa akon mga kaaway,*+

Kay ginabutangbutangan nila ako sang indi matuod,+

Kag luyag nila ako halitan.

13 Ano ang matabo sa akon kon wala ako sing pagtuo

Nga makita ko ang kaayo ni Jehova samtang nagakabuhi ako?*+

14 Magsalig ka kay Jehova;+

Magpakaisog ka kag magpakabakod.+

28 Nagapanawag ako sa imo, O Jehova nga akon Igang;+

Pamatii ako.

Kon indi mo ako pagsabton,

Mangin subong ako sang mga nagapanaug sa buho.*+

 2 Pamatii ang akon mga pakiluoy kon nagapangayo ako sa imo sing bulig

Samtang nagapangamuyo ako nga ginabayaw ang akon mga kamot sa labing balaan nga hulot* sang imo santuaryo.+

 3 Indi ako pagsiluti upod sa mga malauton kag sa mga tawo nga nagapanghalit,+

Nagahambal sila sing mahidaiton sa ila mga isigkatawo apang malain ang ila tagipusuon.+

 4 Balusi sila suno sa ila ginahimo,+

Suno sa ila malaut nga mga buhat.

Balusi ang binuhatan sang ila mga kamot,

Suno sa ila ginhimo.+

 5 Kay ginabalewala nila ang mga hinimuan ni Jehova,+

Ukon ang mga binuhatan sang iya mga kamot.+

 6 Kabay nga dayawon si Jehova,

Kay ginpamatian niya ang akon pagpangayo sing bulig.

 7 Si Jehova amo ang akon kusog+ kag ang akon taming;+

Nagasalig ako sa iya.+

Ginbuligan niya ako, kag nagakalipay gid ako,

Gani dayawon ko sia sa akon ambahanon.

 8 Si Jehova amo ang kusog sang iya katawhan;

Isa sia ka kuta nga nagahatag sing kaluwasan sa iya hinaplas.+

29 Padunggi ninyo si Jehova, kamo nga mga anak sang mga gamhanan,

Padunggi ninyo si Jehova bangod sang iya himaya kag kusog.+

 3 Ang tingog ni Jehova mabatian sa ibabaw sang mga tubig;

Ang mahimayaon nga Dios nagapadaguob.+

 4 Ang tingog ni Jehova gamhanan;+

Ang tingog ni Jehova mahimayaon.

 5 Ang tingog ni Jehova nagabali sang mga kahoy nga sedro;

Huo, ginadugmok ni Jehova ang mga sedro sang Lebanon.+

 6 Ginapalumpatlumpat niya ang Lebanon* kaangay sang tinday nga baka,

Kag ang Sirion+ kaangay sang toro nga baka nga talunon.

 7 Ang tingog ni Jehova nagaigo nga may dabdab sang kalayo;+

 8 Ang tingog ni Jehova nagapatay-ug sa kamingawan;+

Ginapatay-ug ni Jehova ang kamingawan sang Kades.+

 9 Ang tingog ni Jehova nagapakurog kag nagapabata sa usa

Kag nagapakalbo sang kagulangan.+

10 Si Jehova nagagahom sa baha;*+

Nagagahom si Jehova subong Hari sa wala sing katubtuban.+

30 O Jehova, dayawon ko ikaw kay ginbatak* mo ako;

Wala ka magtugot nga kadlawan ako sang akon mga kaaway.+

 4 Kamo nga mainunungon kay Jehova, mag-amba kamo sing pagdayaw* sa iya,+

Magpasalamat kamo sa iya balaan nga ngalan;*+

 5 Kay ang iya kaakig makadali lamang,+

Apang ang iya kahamuot* tubtob sa bug-os nga kabuhi.+

 8 O Jehova, padayon ako nga nagapanawag sa imo;+

Kag nagapakiluoy ako kay Jehova nga kahamut-an niya ako.

11 Ginbayluhan mo ang akon paglalaw sing sinaot;

Gin-uba mo ang ginasuksok ko nga sako kag ginpapanaptan ako sing kalipay,

12 Agod mag-amba ako* sing pagdayaw sa imo kag indi lang maghipos.

Mangin bukid ka nga pamakod sa akon,

Isa ka napaderan nga duog sa pagluwas sa akon.+

 3 Kay ikaw ang akon daku nga bato kag akon kuta;+

Tungod sa imo ngalan+ tuytuyan mo ako kag ubayan.+

 4 Hilwayon mo ako sa lambat nga likom nga ginbutang nila para sa akon,+

Kay ikaw ang akon pamakod.+

 6 Ginadumtan ko ang mga nagasimba sa wala sing pulos nga mga diosdios,

Apang tuhoy sa akon, nagasalig ako kay Jehova.

 7 Magakalipay gid ako sa imo mainunungon nga gugma,

Kay nakita mo ang akon kalisdanan;+

Nahibaluan mo ang akon tuman nga kasakit.*

 8 Wala mo ako gintugyan sa mga kaaway,

Kundi ginpatindog mo ako sa lugar nga wala sing katalagman.*

10 Ang akon kabuhi puno sang kasubo+

Kag ang akon mga tinuig sang pag-ugayong.+

Bangod sang akon sala nagluya ako;

Naghuyang ang akon mga tul-an.+

11 Ginayaguta ako sang tanan ko nga kaaway,+

Ilabi na sang akon mga kaingod.

Kag ginakahadlukan ako sang akon mga kilala;

Nagapinalagyo sila kon makita nila ako.+

12 Gindula nila ako sa ila tagipusuon* kag ginkalimtan, kaangay sang isa nga patay na;

Nangin subong ako sang buka nga banga.

13 Kay hinadlukan gid ako;

Sang nabatian ko nga madamo ang nagapakalain sa akon.+

Nagahimbon sila batok sa akon,

Nagapahito sila nga kuhaon ang akon kabuhi.*+

Kabay nga mahuy-an ang mga malauton;+

Kabay nga maghipos sila sa Lulubngan.*+

18 Kabay nga maghipos ang butigon nga mga bibig,+

Mga bibig nga nagapabugal kag nagatamay sa isa nga matarong.

Gintigana mo ini sa mga nagakahadlok sa imo,+

Kag ginpakita mo ini sa tanan nga tawo, tungod sa mga nagadangop sa imo.+

20 Taguon mo sila sa imo tago nga duog+

Sa mga tawo nga nagahimbon batok sa ila;

Taguon mo sila sa imo palasilungan

Sa mga nagapakalain sa ila.*+

21 Dayawon si Jehova,

Kay sa makatilingala nga paagi, ginpakitaan niya ako sing mainunungon nga gugma+ sa ginlikupan nga siudad.+

Ginaamligan ni Jehova ang mga matutom,+

Apang ginasilutan gid niya ang mga matinaastaason.+

24 Magpakaisog kamo kag magpakabakod,+

Tanan kamo nga nagalaum kay Jehova.+

 2 Malipayon ang tawo nga wala ginsumbong ni Jehova nga nakasala,+

Nga sa iya wala sing pagpangdaya.

 5 Sang ulihi gintu-ad ko sa imo ang akon sala;

Wala ko gintabunan ang akon kasaypanan.+

 6 Bangod sini ang tanan nga mainunungon magapangamuyo sa imo+

Samtang makita ka pa.+

 7 Ikaw ang akon palanaguan;

Amligan mo ako sa katalagman.+

 9 Indi kamo mangin kaangay sang kabayo ukon sang mula,* nga wala sing paghangop,+

Ang kaila sini dapat kontrolon paagi sa busal ukon renda

Antes ini magpalapit sa imo.”

10 Madamo ang kasakit sang malauton;

Apang ginapalibutan ni Jehova sang iya mainunungon nga gugma ang nagasalig sa Iya.+

11 Magkasadya kamo kag magkalipay kay Jehova, kamo nga mga matarong;

Maghugyaw kamo sa kalipay, tanan kamo nga may bunayag nga tagipusuon.

 2 Magpasalamat kamo kay Jehova paagi sa arpa;

Mag-amba kamo sing mga pagdayaw* sa iya paagi sa instrumento nga may napulo ka kuerdas.

 3 Mag-amba kamo sa iya sing bag-o nga ambahanon;+

Panamia gid ninyo ang pagtokar sang de-kuerdas nga mga instrumento, upod ang pagsinggit sa kalipay.

 4 Kay ang pulong ni Jehova matarong,+

Kag masaligan ang tanan niya nga ginahimo.

 6 Paagi sa pulong ni Jehova natuga ang mga langit,+

Kag paagi sa espiritu* sang iya baba ang tanan nga butang sa sini.*

 7 Ginapunong niya ang mga tubig sang dagat;+

Ginatipon niya ang nagaalimbukad nga mga tubig.

 9 Kay nagsiling sia, kag ini nahimo;+

Nagsugo sia, kag ini natuman.+

10 Ginpaslaw ni Jehova ang pahito* sang mga pungsod;+

Ginpunggan niya ang mga plano* sang mga tawo.+

11 Apang ang mga pamat-od* ni Jehova magapadayon sa wala sing katubtuban;+

Ang iya mga panghunahuna magapabilin sa tanan nga kaliwatan.

12 Malipayon ang pungsod nga ang Dios amo si Jehova,+

Ang katawhan nga iya ginpili nga panag-iyahan.+

13 Halin sa langit nagatulok si Jehova;

Makita niya ang tanan nga tawo.+

14 Halin sa iya puluy-an,

Ginatulok niya ang tanan nga nagaistar sa duta.

15 Sia ang nagadihon sang tagipusuon sang tanan;

Ginausisa niya ang tanan nila nga ginahimo.+

16 Wala sing hari nga maluwas sang madamo nga kasuldadusan;+

Ang gamhanan nga tawo indi maluwas sang iya daku nga kusog.+

17 Ang kabayo indi makahatag sing kaluwasan;*+

Ang daku nga kusog sini indi makapasalig sang kaluwasan.

18 Ang mata ni Jehova nagabantay sa mga nagakahadlok sa iya,+

Sa mga nagasalig sa iya mainunungon nga gugma,

19 Agod luwason sila* sa kamatayon

Kag agod amligan sila sa tion sang tiggulutom.+

21 Nagakasadya kami tungod sa iya,

Kay nagasalig kami sa iya balaan nga ngalan.+

22 O Jehova, kabay nga ang imo mainunungon nga gugma magpabilin sa amon,+

Samtang padayon kami nga nagasalig sa imo.+

34 Dayawon ko si Jehova sa tanan nga tion;

Indi ako mag-untat sa pagdayaw sa iya.

 2 Ipabugal ko* si Jehova;+

Ang mga mahagop makabati kag magakasadya.

 3 Himayaa ninyo si Jehova upod sa akon;+

Dayawon naton ang iya ngalan.

 5 Nagakalipay ang mga nagasalig sa iya;

Indi gid sila mahuy-an.

 7 Ang anghel ni Jehova nagabantay sa* tanan nga nagakahadlok sa Iya,+

Kag ginaluwas niya sila.+

 8 Tilawi ninyo kag tan-awa nga si Jehova maayo;+

Malipayon ang tawo nga nagadangop sa iya.

 9 Magkahadlok kay Jehova, kamo nga iya mga balaan,

Kay wala ginakulang ang mga nagakahadlok sa iya.+

10 Bisan ang makusog nga bataon nga leon* nagakagutman,

Apang ang mga nagapangita kay Jehova indi pagkulangon sing maayo nga butang.+

11 Kari kamo, mga anak ko, pamatii ninyo ako;

Tudluan ko kamo kon ano ang kahadlok kay Jehova.+

12 Sin-o sa inyo ang nagakalipay sa kabuhi

Kag luyag makakita sang maayo nga mga adlaw?+

13 Kon amo sina, bantayi ang imo dila sa paghambal sing malain,+

Kag ang imo mga bibig sa pagpangdaya.+

14 Likawi ang malain, kag himua ang maayo;+

Pangitaa ang paghidait, kag hupti ini.+

15 Ang mga mata ni Jehova nagatulok sa mga matarong,+

Kag ang iya mga dulunggan nagapamati sa ila pagpangayo sing bulig.+

16 Apang ginasikway ni Jehova ang mga nagahimo sang malain,

Agod indi na sila madumduman pa sa duta.+

17 Nagpanawag sila, kag ginpamatian sila ni Jehova;+

Ginluwas niya sila sa ila tanan nga kalisdanan.+

18 Malapit si Jehova sa mga nagaantos;+

Ginaluwas niya ang mga nalisdan.*+

19 Madamo ang kabudlayan* sang matarong,+

Apang ginaluwas sia ni Jehova sa sini tanan.+

20 Ginabantayan Niya ang tanan niya nga tul-an;

Wala sing isa sini ang nabali.+

21 Ang malauton mapatay sa kalamidad;

Ang mga nagadumot sa matarong hukman nga nakasala.

22 Ginatubos ni Jehova ang kabuhi* sang iya mga alagad;

Ang mga nagadangop sa iya, indi niya paghukman nga nakasala.+

35 O Jehova, pangapini ang akon kaso batok sa mga nagapamatok sa akon;+

Magpakig-away ka sa mga nagapakig-away sa akon.+

 2 Kuhaa ang imo gamay* kag daku nga taming,+

Kag pangapini ako.+

 5 Kabay nga mangin kaangay sila sang upa nga ginapalid sang hangin;

Kabay nga tabugon sila sang anghel ni Jehova.+

 6 Kabay nga magdulom kag magdanlog ang ila dalanon

Samtang ginalagas sila sang anghel ni Jehova.

 7 Kay sa wala sing kabangdanan nagbutang sila sing lambat agod masiod ako;

Sa wala sing kabangdanan nagkutkot sila sing tugalbong para sa akon.*

 8 Kabay nga makibot sila sa kalaglagan nga magaabot sa ila;

Kabay nga sila ang masiod sa lambat nga ginbutang nila sing tago;

Kabay nga mahulog sila sa sini kag malaglag.+

 9 Apang magakalipay ako* kay Jehova;

Magakasadya ako sa iya pagluwas.

Ginaluwas mo ang maluya sa mga makusog,+

Ang maluya kag imol sa mga nagapangawat sa ila.”+

11 Nagtindog ang butig nga mga saksi,+

Ginapamangkot nila ako sang mga butang nga wala ko mahibaluan.

12 Ginabalusan nila sing malain ang akon kaayo,+

Gani nasubuan gid ako.*

13 Apang sang nagmasakit sila, nagsuksok ako sing sako;

Nagpuasa ako,*

Sang wala ginsabat* ang akon pangamuyo para sa ila,

14 Naglakatlakat ako kaangay sang nagalalaw tungod sa akon abyan ukon utod;

Nagduko ako nga nagapangasubo kaangay sang tawo nga nagalalaw sa iya iloy.

15 Apang sang nasandad ako, nagkasadya sila kag nagtipon;

Nagtipon sila agod liputon ako kag lampusan;

Wala untat ang ila pagpasipala sa akon.

16 Ang mga indi diosnon nagyaguta sa akon,*

Nagpabagrot sila sang ila mga ngipon batok sa akon.+

Luwasa ako* sa ila pagpangsalakay,+

Ang akon bilidhon nga kabuhi* sa bataon nga mga leon.*+

18 Dayon dayawon ko ikaw sa daku nga kongregasyon;+

Dayawon ko ikaw sa madamo nga katawhan.

19 Indi pagtuguti nga kadlawan ako sang akon mga kaaway nga wala sing kabangdanan;

Indi pagtuguti nga yagutaon*+ ako sang mga nagadumot sa akon sa wala sing kabangdanan.+

20 Kay wala sila nagahambal agod mapaluntad ang paghidait,

Kundi nagapahito sila sing malimbungon batok sa mga mahidaiton sa duta.+

21 Kag ginayaguta nila ako,

Nga nagasiling: “Aha! Aha! Nakita namon ang imo ginhimo.”

23 Magmata ka kag pangapini ako,

O Jehova nga akon Dios, pangapini ako sa akon kaso.

24 Hukmi ako suno sa imo pagkamatarong,+ O Jehova nga akon Dios;

Indi pagtuguti nga kadlawan nila ako.

26 Kabay nga mahuy-an ang tanan

Nga nagakadlaw sa akon kalamidad.

27 Apang kabay nga ang mga nagakalipay sa akon pagkamatarong magsinggit sa kalipay;

Kabay nga padayon sila nga magsiling:

28 Dayon isugid* ko ang imo pagkamatarong+

Kag dayawon ka sa bug-os nga adlaw.+

36 Ang sala nagapakighambal sa tagipusuon sang malauton;

Wala sia sing kahadlok sa Dios.+

 2 Para sa iya pagtamod tuman sia kataas

Nga indi niya makita kag madumtan ang iya kasaypanan.+

 3 Makahalalit kag malimbungon ang iya ginahambal;

Wala na sia nagahunahuna sa paghimo sing maayo.

Nagatindog sia sa indi maayo nga dalanon;

Wala niya ginasikway ang malain.

 5 O Jehova, ang imo mainunungon nga gugma nagalambot sa mga langit,+

Ang imo katutom nagalambot sa mga panganod.

 6 O Dios ko, ang imo pagkamatarong kaangay sang imo kabukiran;+

Ang imo paghukom kaangay sang malapad kag madalom nga katubigan.+

 8 Nagapaayaw sila inom sang pinakamaayo* nga butang sa imo balay,+

Kag ginapainom mo sila sa imo suba sang kaayo.+

 9 Ikaw ang tuburan sang kabuhi;+

Paagi sa imo kapawa makakita kami sing kapawa.+

10 Padayuna ang pagpakita sing mainunungon nga gugma sa mga nakakilala sa imo,+

Kag sing pagkamatarong sa mga matarong.+

11 Indi pagtuguti ang mga matinaastaason nga salakayon ako

Ukon ang mga malauton nga tabugon ako.

12 Nalaglag ang mga nagahimo sing malain;

Napukan sila kag indi na makabangon.+

37 Indi ka magkaakig* bangod sang mga malauton

Ukon magkahisa sa mga nagahimo sing malain.+

 2 Malaya sila gilayon kaangay sang hilamon+

Kag malayong kaangay sang berde nga hilamon.

 3 Magsalig ka kay Jehova kag himua ang maayo;+

Magpuyo ka sa duta, kag magmatutom ka.+

 4 Magkalipay ka kay Jehova,

Kag ihatag niya ang mga handum sang imo tagipusuon.

 5 Itugyan* kay Jehova ang imo dalanon;+

Magsalig ka sa iya, kag buligan ka niya.+

 6 Pasilakon niya ang imo pagkamatarong kaangay sang pamanagbanag,

Kag ang imo katarungan kaangay sang udtong-adlaw.

 7 Magpakalinong ka sa atubangan ni Jehova+

Kag hulata sia nga may kalangkag.*

Indi ka magkaakig sa tawo

Nga nagamadinalag-on sa iya mga padihot.+

 8 Isikway ang kaakig kag bayai ang kasingkal;+

Indi ka magkaakig kag maghimo sing malaut.*

 9 Kay ang mga malauton laglagon,+

Apang ang mga nagalaum kay Jehova magapanubli sang duta.+

10 Sa indi na lang madugay, madula na ang mga malauton;+

Pangitaon mo sila sa ila nahamtangan,

11 Apang ang mga mahagop magapanubli sang duta,+

Kag mangin malipayon gid sila sa bugana nga paghidait.+

12 Ang malauton nagapahito batok sa matarong;+

Nagapabagrot sia sang iya ngipon batok sa iya.

13 Apang kadlawan sia ni Jehova,

Kay nahibaluan gid Niya nga maabot ang adlaw nga laglagon sia.+

14 Ang mga malauton naggabot sang ila espada kag nagbingat sang ila pana

Agod pukanon ang mga ginapigos kag mga imol,

Agod pamatyon ang mga matarong.

15 Apang ang ila espada magalapos sa ila tagipusuon;+

Mabali ang ila mga pana.

16 Ang diutay nga iya sang matarong mas maayo

Sangsa kabuganaan sang mga malauton.+

17 Kay ang mga butkon sang mga malauton balion,

Apang alay-ayon ni Jehova ang mga matarong.

18 Nahibaluan ni Jehova ang nagakatabo sa kabuhi sang mga wala sing kasaypanan,*

Kag ang ila palanublion magapadayon sa wala sing katubtuban.+

19 Indi sila mahuy-an sa tion sang kalamidad;

Mabusog sila sa tion sang tiggulutom.

20 Apang ang mga malauton malaglag;+

Ang mga kaaway ni Jehova madula kaangay sang katahom sang halalban;

Maalimunaw sila nga daw aso.

21 Ang malauton nagahulam kag wala nagabayad,

Apang ang matarong maalwan* kag mahinatagon.+

22 Ang mga ginapakamaayo Niya magapanubli sang duta,

Apang ang mga ginapakamalaut Niya pagalaglagon.+

23 Ginatuytuyan* ni Jehova ang mga tikang sang tawo,+

Kon nakasapo Sia sing kalipay sa iya dalanon.+

24 Bisan pa masandad sia, indi sia matumba,+

Kay ginauyatan sia ni Jehova sa kamot.*+

25 Nangin pamatan-on ako kag karon tigulang na,

Apang wala pa ako makakita sang matarong nga ginpabay-an,+

Ukon sang iya mga anak nga nagapangayukayo sing tinapay.*+

26 Handa sia pirme nga magpahulam,+

Kag ang iya mga anak pakamaayuhon.

27 Likawi ang malain kag himua ang maayo,+

Kag magakabuhi ka sa wala sing katubtuban.

28 Kay si Jehova mahigugmaon sa katarungan,

Kag indi niya pagbiyaan ang mga mainunungon sa iya.+

Bantayan niya sila pirme;+

Apang ang kaliwat sang mga malauton pagalaglagon.+

29 Ang mga matarong magapanubli sang duta,+

Kag magapuyo sila sa sini sa wala sing katubtuban.+

פ [Pe]

30 Ang matarong nagapamulong nga may kaalam,*

Kag nagahambal tuhoy sa katarungan.+

31 Ang kasuguan sang iya Dios yara sa iya tagipusuon;+

Ang iya mga tikang indi malingkang.+

32 Ginabantayan sang malauton ang matarong,

Ginatinguhaan niya nga patyon sia.

33 Apang indi sia pag-itugyan ni Jehova sa iya,+

Ukon pakamalauton kon hukman sia.+

34 Magsalig ka kay Jehova kag sunda ang iya dalanon,

Kag padunggan ka niya agod panublion ang duta.

35 Nakita ko ang mapintas kag malauton nga tawo,

Nagagapa sia kaangay sang isa ka madabong nga kahoy sa kaugalingon sini nga duta.+

36 Apang hinali sia nga nagtaliwan kag wala na sia;+

Ginpangita ko sia, apang indi ko sia makita.+

37 Tan-awa ang wala sing kasawayan,*

Kag panilagi ang matarong,+

Kay ang palaabuton sina nga tawo mangin mahidaiton.+

38 Apang laglagon ang tanan nga malinapason;

Wala sing palaabuton ang mga malauton.+

39 Ang kaluwasan sang mga matarong halin kay Jehova;+

Sia ang ila pamakod sa tion sang kalisdanan.+

Tabangan niya sila kag luwason sa mga malauton,

Bangod nagdangop sila sa iya.+

38 O Jehova, indi ako pagsabdunga bangod sang imo kaakig,

Indi ako pagtadlunga bangod sang imo kasingkal.+

 2 Kay daw ginpana mo ako,

Kag nabatyagan ko ang kasakit sang imo silot.+

 4 Kay ang akon mga sala tagalumapaw;+

Kaangay sang mabug-at nga palas-anon, indi ko ini masarangan.

 5 Ang akon mga pilas nagbaho kag nagnana

Bangod sang akon kabuangan.

 6 Natublag ako kag nagbuluktot sa kalisod;

Nagapangasubo ako sa bug-os nga adlaw.

 7 Daw may nagadabdab sa sulod ko;*

Nagapalanakit ang bug-os ko nga lawas.+

 8 Nagpalaminhod ako kag daw nadugmok;

Nag-ugayong* ako bangod sang kalisod sang akon tagipusuon.

 9 O Jehova, nahibaluan mo ang tanan ko nga handum,

Kag wala matago sa imo ang akon paghibubun-ot.

10 Nagkubakuba ang akon dughan, nadula ang akon kusog,

Kag nagdulom ang akon panulok.+

11 Bangod sang akon balatian, ginlikawan ako sang akon mga abyan kag mga kaupod,

Kag ang akon suod nga mga kilala nagtindog lang sa unhan.

12 Ang mga luyag magpatay sa akon* nagbutang sing mga tugalbong;

Ang mga nagatinguha sa paghalit sa akon naghambal batok sa akon;+

Sa bug-os nga adlaw nagapahito sila sa paglimbong sa akon.

13 Apang kaangay sang bungol, wala ako mamati;+

Kaangay sang apa, wala ako maghambal.+

14 Nangin kaangay ako sang tawo nga indi makabati,

Nga wala sing ginsiling sa pagpangapin.

15 Kay naghulat ako sa imo, O Jehova,+

Kag ginsabat mo ako, O Jehova nga akon Dios.+

16 Kay nagsiling ako: “Kabay nga indi sila magkalipay

Ukon magpahambog kon makadalin-as ako.”

17 Kay daw matumba na ako,

Kag wala untat ang akon kasakit.+

18 Gintu-ad ko ang akon kasaypanan;+

Natublag ako bangod sang akon sala.+

19 Apang mapagsik* kag makusog ang akon mga kaaway,*

Nagdamo ang nagadumot sa akon sa wala sing kabangdanan.

20 Ginbalusan nila sing malain ang akon kaayo;

Ginapamatukan nila ang akon paghimo sing maayo.

22 Buligi ako gilayon,

O Jehova nga akon kaluwasan.+

39 Nagsiling ako: “Bantayan ko ang akon mga tikang

Agod malikawan ko nga makasala sa akon dila.+

Busalan ko ang akon baba+

Samtang may malauton sa akon atubangan.”

 2 Wala ako makahambal kag naghipos lang ako;+

Wala ako maghambal bisan sing maayo nga butang,

Apang nasakitan gid ako.*

 4 “O Jehova, buligi ako nga mahibaluan ang akon katapusan,

Kag ang kalawigon sang akon mga adlaw,+

Agod mahibaluan ko kon daw ano kalip-ot ang akon kabuhi.*

 5 Kalip-ot sang kabuhi nga ginhatag mo sa akon;+

Daw sa wala lang ang kalawigon sini sa atubangan mo.+

 9 Naghipos lang ako;

Wala ako sing masiling,+

Kay ikaw ang naghimo sini.+

11 Ginasilutan mo ang tawo agod tadlungon sia sa iya kasaypanan;+

Kaangay sang sapatsapat nga nagapang-ut-ot ginaubos mo ang iya ginapakahamili nga mga butang.

12 O Jehova, pamatii ang akon pangamuyo,

Dungga ang akon pagpangayo sing bulig.+

Kay sa imo isa lamang ako ka dumuluong,+

Isa ka nagalabay lang nga manuglakbay, kaangay sang tanan ko nga katigulangan.+

13 Indi ako pagtuluka nga akig ka, agod malipay ako

Sa wala pa ako mapatay.”*

40 Nagalaum ako sing hanuot* kay Jehova,

Kag ginlingig niya ang iya dulunggan* sa akon kag nabatian niya ang akon pagpangayo sing bulig.+

 2 Ginbatak niya ako sa buho nga may nagahuganas nga tubig,

Sa nagalaputyak nga lunang.

Kag ginpahamtang niya ako sa daku nga bato;

Ginpalig-on niya ang akon ginatindugan.

 3 Dayon ginbutang niya ang bag-o nga ambahanon sa akon baba,+

Ang pagdayaw para sa amon Dios.

Madamo ang magatulok nga may kahayanghag

Kag magasalig sila kay Jehova.

 4 Malipayon ang tawo nga nagasalig kay Jehova

Kag wala nagasunod sa mga mabinatuon ukon sa mga butigon.

 5 O Jehova nga akon Dios,

Madamo ang imo ginhimo,

Madamo ang imo makatilingala nga binuhatan kag katuyuan para sa amon.+

Wala ka sing kaangay;+

Kon isugid ko kag isaysay ini,

Madamo pa ini sa sarang ko masugid!+

 6 Wala ka mahamuot* sa halad kag dulot,+

Apang ginbuksan mo ang akon dulunggan agod makabati ako.+

 8 Ang paghimo sang imo kabubut-on, O Dios ko, amo ang akon kalipay,*+

Kag ang imo kasuguan yari sa akon tagipusuon.+

Wala ko ginpunggan ang akon mga bibig,+

O Jehova, nahibaluan mo gid ina.

Daw natabunan ako sang akon mga sala kag wala na ako sing iban pa nga makita;+

Madamo pa ini sa mga buhok sa akon ulo,

14 Kabay nga mahuy-an

Ang mga nagatinguha sang akon kabuhi.*

Kabay nga mag-isol sa kahuya

Ang mga nagakalipay sa akon kalalat-an.

16 Apang kabay nga ang tanan nga nagapangita sa imo+

Maghugyaw kag magkasadya sa imo.+

17 Apang kubos ako kag imol;

Kabay nga talupangdon ako ni Jehova.

Ikaw ang nagabulig kag nagaluwas sa akon;+

O Dios ko, buligi ako gilayon.+

41 Malipayon ang nagapatugsiling sa mga kubos;+

Luwason sia ni Jehova sa adlaw sang kalalat-an.

Kabigon sia nga malipayon sa duta;+

Indi mo sia pag-itugyan sa luyag* sang iya mga kaaway.+

 3 Buligan sia ni Jehova kon magbalatian sia;+

Islan mo ang iya hiligdaan sa tion sang iya pagbalatian.

Nagapangita sia sing butang nga makahalit sa akon;

Dayon nagalakat sia kag ginapamaba ini.

 7 Ang tanan nga nagadumot sa akon nagahinutikay batok sa akon;

Nagapahito sila sing malain batok sa akon:

 8 “May malala sia nga balatian;

Nagaparumatay na lang sia, indi na gid sia mag-ayo.”+

 9 Bisan ang akon suod nga abyan, ang isa nga akon ginasaligan,+

Nga nagakaon sang akon tinapay nagsumpong sa akon.*+

10 Apang kaluy-i ako kag ayuha, O Jehova,

Agod mapapanabat ko sila sa ila ginhimo.

12 Kon tuhoy sa akon, ginasakdag mo ako bangod sang akon integridad;+

Mahamuot ka sa akon* sa wala sing katubtuban.+

13 Kabay nga mabaton ni Jehova nga Dios sang Israel ang pagdayaw

Tubtob sa wala sing katubtuban.*+

42 O Dios ko, nahidlaw na ako* sa imo,

Subong sang usa nga nahidlaw sa tubig sang sapa.

 3 Ang akon mga luha nangin pagkaon ko sa adlaw kag gab-i;

Ginayaguta ako sang mga tawo sa bug-os nga adlaw: “Diin bala ang imo Dios?”+

 4 Madumduman ko ini nga mga butang, kag ginbubo ko ang akon kalag,*

Kay nagaupod ako anay sa kadam-an;

Ginapangunahan ko sila padulong sa balay sang Dios,

Nga may singgit sang pagkinalipay kag pagpasalamat,

Sang kadam-an nga nagasaulog sing kapiestahan.+

Maghulat sa Dios,+

Kay dayawon ko sia subong akon Daku nga Manluluwas.+

Gani nadumduman ko ikaw,+

Halin sa duta sang Jordan kag sa putukputukan sang Hermon,

Halin sa Bukid Mizar.*

 7 Sa paghuganas sang imo tubig,

Ang madalom nga katubigan nagapanawag sa madalom nga katubigan.

 8 Sa adlaw ipakita ni Jehova sa akon ang iya mainunungon nga gugma,

Kag sa gab-i magaamba ako tuhoy sa iya​—isa ka pangamuyo sa Dios sang akon kabuhi.+

10 Ginayaguta ako sang akon mga kaaway nga daw patyon nila ako;

Ginayaguta nila ako sa bug-os nga adlaw: “Diin bala ang imo Dios?”+

Maghulat sa Dios,+

Kay dayawon ko sia subong akon Daku nga Manluluwas kag akon Dios.+

43 Hukmi ako, O Dios ko,+

Apini ang akon kaso+ batok sa pungsod nga indi mainunungon.

Kabay nga tuytuyan nila ako;+

Kabay nga dalhon nila ako sa imo balaan nga bukid kag sa imo daku nga tabernakulo.+

 4 Dayon magakadto ako sa halaran sang Dios,+

Magahugyaw ako sa akon Dios.

Maghulat sa Dios,+

Kay dayawon ko sia subong akon Daku nga Manluluwas kag akon Dios.+

44 O Dios ko, nabatian mismo namon,

Ang ginsugid sa amon sang amon mga katigulangan,+

Ang mga ginhimo mo sang mga adlaw nila,

Sang madugay na nga panahon.

 2 Gintabog mo ang mga pungsod+

Kag ginpaistar mo didto ang amon mga katigulangan.+

 3 Indi paagi sa ila espada nga ginpanag-iyahan nila ang duta,+

Kag indi ang ila butkon ang naghatag sa ila sing kadalag-an.+

Kundi ang imo tuo nga kamot kag imo butkon+ kag ang kapawa sang imo nawong,

Kay nahamuot ka sa ila.+

 4 Ikaw ang akon Hari, O Dios ko;+

Imando* ang bug-os nga kadalag-an* para kay Jacob.

 5 Sa bulig mo, paatrason namon ang amon mga kaaway;+

Sa ngalan mo, tapakon namon ang nagasumpong sa amon.+

 6 Kay wala ako nagasalig sa akon pana,

Kag ang akon espada indi makaluwas sa akon.+

 7 Ikaw ang nagluwas sa amon batok sa amon mga kaaway,+

Ginpakahuy-an mo ang mga nagadumot sa amon.

 8 Dayawon namon pirme ang Dios,

Kag pasalamatan namon ang imo ngalan sa wala sing katubtuban. (Selah)

 9 Apang karon ginasikway mo kami kag ginapakahuy-an,

Kag wala ka nagaupod sa amon mga kasuldadusan.

10 Ginpaisol mo kami sa amon mga kaaway;+

Ginakuha sang mga nagadumot sa amon ang luyag nila.

11 Gintugyan mo kami kaangay sang mga karnero agod kaunon;

Ginpaalaplaag mo kami sa mga pungsod.+

12 Ginbaligya mo ang imo katawhan nga barato lang;+

Wala ka sing naginansia sa ila.

13 Ginhimo mo kami nga makahuluya sa amon mga kaingod,

Ginatamay kag ginayaguta kami sang tanan sa palibot namon.

14 Ginhimo mo kami nga talamayon* sang mga pungsod,+

Nagalungolungo sila nga nagayaguta sa amon.

15 Nagbatyag ako sing kahuya sa bug-os nga adlaw,

Kag nadaug ako sang akon kahuya,

16 Tungod sa mga nagapakahuya kag nagapasipala sa akon,

Bangod sa pagtimalos sang amon kaaway.

17 Natabo ini tanan sa amon, apang wala kami malipat sa imo,

Kag wala namon ginlapas ang imo katipan sa amon.+

18 Ang amon tagipusuon wala magtalikod sa imo;

Ang amon mga tikang wala maglisa sa imo banas.

19 Apang gindugmok mo kami sa ginaistaran sang mga ido nga talunon;*

Gintabunan mo kami sing tuman nga kadulom.

20 Kon ginkalimtan namon ang ngalan sang amon Dios

Ukon ginbayaw ang amon mga kamot sa pangamuyo sa iban nga dios,

21 Indi ayhan ini mahibaluan sang Dios?

22 Tungod sa imo ginapatay kami adlaw-adlaw;

Daw mga karnero kami nga ilihawon.+

25 Kay ginpaubos kami* sa yab-ok;

Ang amon lawas naghaplak sa duta.+

 3 Itaklus ang imo espada+ sa imo kilid, O isganan nga hangaway,+

Sa imo kadungganan kag pagkahalangdon.+

 4 Kag sa imo pagkahalangdon magmadinalag-on ka;+

Sakay ka sa imo kabayo kag makig-away para sa kamatuoran kag para sa mga mapainubuson kag para sa pagkamatarong,+

Kag ang imo tuo nga kamot magahimo* sing makahalawhaw nga mga buhat.

 5 Ang imo matalom nga mga baslay magaungot sa tagipusuon sang mga kaaway sang hari;+

Ang imo mga kaaway magakapukan.+

 6 Ang Dios amo ang imo trono sa wala sing katubtuban;+

Ang setro sang imo pagkahari amo ang setro sang katarungan.*+

 8 Ang tanan mo nga bayo nagapaninghamot sing mira kag aloe kag kasia;*

Ginpasadya ka sang de-kuerdas nga mga instrumento sa daku nga palasyo nga gindekorasyunan sing tiposo.*

10 O anak nga babayi, talupangda kag pamatii;

Kalimti ang imo katawhan kag ang panimalay sang imo amay.

11 Kag handumon sang hari ang imo katahom,

Bangod sia imo ginuo,

Gani magduko ka sa iya.

12 Magaabot ang anak nga babayi sang Tiro nga may dala nga regalo;

Ang pinakamanggaranon magatinguha sa pagpahamuot sa imo.*

15 Magasulod sila sa palasyo sang hari,

Nga may kasadya kag kalipay.

46 Ang Dios aton dalangpan kag kusog,+

Handa gid sia nga magbulig sa tion sang kalisdanan.+

 2 Amo kon ngaa indi kita dapat mahadlok, bisan pa magtay-ug ang duta,

Bisan pa matiphag ang kabukiran kag maglugdang sa dagat,+

 3 Bisan pa magdaguhob kag mag-alimbukad ang dagat,+

Bisan pa magkurog ang kabukiran tungod sini. (Selah)

 4 May suba nga ang mga ilig nagapasadya sa siudad sang Dios,+

Ang balaan kag daku nga tabernakulo sang Labing Mataas.

 6 Nagkinagual ang mga pungsod, napukan ang mga ginharian;

Ginpalanog niya ang iya tingog, kag natunaw ang duta.+

 7 Si Jehova sang mga kasuldadusan kaupod naton;+

Ang Dios ni Jacob isa ka malig-on nga dalangpan* para sa aton. (Selah)

 8 Kari kamo kag tan-awa ang mga binuhatan ni Jehova,

Makatilingala gid nga mga butang ang ginhimo niya sa duta.

Ginabali niya ang pana kag ginautod ang bangkaw;

Ginasunog niya ang mga kangga* sang mga hangaway.

Pakataason ako sang mga pungsod;+

Pakataason ako sa duta.”+

11 Si Jehova sang mga kasuldadusan kaupod naton;+

Ang Dios ni Jacob isa ka malig-on nga dalangpan para sa aton.+ (Selah)

 2 Kay si Jehova nga Labing Mataas makahalawhaw;+

Sia ang gamhanan nga Hari sa bug-os nga duta.+

 3 Ginapasakop niya ang katawhan sa aton;

Ginbutang niya ang mga pungsod sa idalom sang aton mga tiil.+

 4 Sia ang nagapili sang aton palanublion,+

Ang bugal ni Jacob, nga iya ginahigugma.+ (Selah)

 5 Nagsaka ang Dios sa iya trono samtang ang mga tawo nagasinggit sa kalipay;

Nagsaka si Jehova sa iya trono samtang ang mga tawo nagapatunog sing budyong.*

 7 Kay ang Dios amo ang Hari sang bug-os nga duta;+

Mag-amba kamo sing mga pagdayaw, kag magpakita sing paghangop.

 9 Ang mga manuggahom sang katawhan nagtilipon

Upod sa katawhan sang Dios ni Abraham.

48 Si Jehova gamhanan kag takus gid dayawon

Sa siudad sang aton Dios, nga yara sa iya balaan nga bukid.

 2 Matahom ang kataason sini kag kalipay ini sang bug-os nga duta,+

Ining Bukid Sion sa malayo nga naaminhan,

Ang siudad sang Dungganon nga Hari.+

 3 Sa iya napamakuran nga mga torre,

Ginpakilala sang Dios nga isa sia ka malig-on nga dalangpan.*+

 4 Nagtipon* ang mga hari;

Tingob sila nga nagsalakay.

 6 Nagkurog sila sa kahadlok,

Ginsakitan sila kaangay sang nagapanganak nga babayi.

 8 Ang nabatian namon, nakita na namon karon

Sa siudad ni Jehova sang mga kasuldadusan, sa siudad sang aton Dios.

 9 Ginapamalandungan namon ang imo mainunungon nga gugma, O Dios,+

Sa sulod sang imo templo.

10 Kaangay sang imo ngalan, O Dios, ang imo kadayawan

Magalab-ot sa bug-os nga duta.+

11 Kabay nga magkasadya ang Bukid Sion,+

Kabay nga magkalipay ang mga banwa* sang Juda, bangod sang imo mga paghukom.+

12 Magmartsa kamo; kag libuta ninyo ang Sion;

Isipa ang mga torre sini.+

Tan-awa ninyo ang napamakuran nga mga torre sini,

Agod masugid ninyo ini sa palaabuton nga kaliwatan.

Dungga ninyo ini, kamo tanan nga pumuluyo sang kalibutan,*

 2 Kubos man kag dungganon,*

Manggaranon man kag imol.

 3 Ang akon baba magahambal sing kaalam,

Kag ang ginapamalandungan sang akon tagipusuon+ magapakita sing paghangop.

 4 Mamati ako sa isa ka hulubaton;

Ipaathag ko ang akon paktakon upod ang arpa.

 5 Ngaa mahadlok ako sa tion sang kagamo,+

Kon palibutan ako sang kalautan* sang mga luyag magpukan sa akon?

 6 Ang mga nagasalig sa ila manggad+

Kag ang mga nagapahambog sang ila madamo nga manggad,+

 7 Wala sing isa sa ila ang makatubos sang isa ka utod

Ukon makahatag sa Dios sing gawad para sa iya,+

 8 (Ang gawad* para sa iya kabuhi* tuman kamahal

Amo nga wala gid sing makabayad sini);

 9 Agod magkabuhi sia nga wala sing katapusan kag indi makakita sing buho.*+

10 Makita niya nga bisan ang mga maalam nagakapatay;

Amo man ang mga buangbuang kag ang mga indi makatarunganon,+

Kag ginabilin nila sa iban ang ila manggad.+

11 Ginahandum nila nga ang ila mga balay magpadayon sa wala sing katubtuban,

Ang ila mga tolda sa mga kaliwatan.

12 Apang bisan pa ang tawo halangdon, indi sia makapabilin nga buhi;+

Pareho lang sia sa mga sapat nga nagakapatay.+

13 Amo ini ang mahanabo sa mga buangbuang,+

Kag sa mga nagasunod sa ila, nga nanamian sa ila ginasiling nga wala sing pulos. (Selah)

Kamatayon ang magabantay sa ila;

Ang mga matarong magagahom sa ila+ sa aga.

Madula ang tanan nila nga inagihan;+

Sa baylo sang palasyo, Lulubngan*+ ang mangin puluy-an nila.+

15 Apang tubson ako* sang Dios sa gahom* sang Lulubngan,*+

Kay kuhaon niya ako. (Selah)

Bangod ang himaya sang iya balay nagadugang,

17 Kay wala sia sing madala kon mapatay sia;+

Indi niya mabalon ang iya himaya.+

20 Ang tawo nga wala makahangop sini, bisan pa halangdon,+

Pareho lang sa mga sapat nga nagakapatay.

50 Si Jehova,+ ang Dios sang mga dios,* naghambal;

Ginatawag niya ang duta

Sa unahan niya may kalayo nga nagapanglamon,+

Kag sa palibot niya may mabaskog nga unos.+

 4 Ginapatawag niya ang langit kag ang duta nga magsaksi,+

Sa iya paghukom sa iya katawhan:+

 5 “Tipuna sa akon ang mga tawo nga mainunungon sa akon,

Sila nga nagapakigkatipan sa akon paagi sa halad.”+

 6 Ang kalangitan nagapahayag sang iya pagkamatarong,

Kay ang Dios amo ang Hukom.+ (Selah)

 7 “Pamati kamo sa akon, katawhan ko, kag magahambal ako sa inyo;

Israel, magasaksi ako batok sa imo.+

 8 Wala ko ikaw ginasabdong tungod sa imo mga halad,

Ukon tungod sa mga dulot nga sinunog nga pirme mo ginadulot sa akon.+

 9 Indi ko kinahanglan nga magkuha sing toro sa imo balay,

Ukon sing mga kanding* sa imo mga toril.+

10 Kay akon ang tanan nga sapat sa kagulangan,+

Bisan ang mga sapat sa linibo ka kabukiran.

11 Kilala ko ang tanan nga pispis sa kabukiran;+

Akon ang indi maisip nga kasapatan sa latagon.

12 Kon ginagutom ako, indi ako mangayo sing pagkaon sa imo,

Kay akon ang mapatubason nga duta kag ang tanan nga yara sa sini.+

13 Magakaon bala ako sing karne sang mga toro

Kag magainom sing dugo sang mga kanding?+

14 Maghalad ka sing pasalamat sa Dios,+

Kag tumana ang imo mga panaad sa Labing Mataas;+

15 Tawga ako sa adlaw sang kalisdanan.+

“Ano ang kinamatarong mo sa pagsaysay sang akon mga pagsulundan+

Ukon sa paghambal tuhoy sa akon katipan?+

17 Kay ginadumtan mo ang disiplina,*

Kag ginasikway mo ang akon mga pulong.*+

18 Kon makakita ka sing kawatan, nahamuot ka sa iya,*+

Kag nagapakig-upod ka sa mga makihilahion.

19 Ginagamit mo ang imo baba sa pagpalapta sing malain,

Kag ang imo dila sa pagpangdaya.+

20 Ginapakalain mo ang imo utod;+

Ginapamaba mo ang kasaypanan sang* anak nga lalaki sang imo iloy.

21 Sang ginhimo mo ini nga mga butang, naghipos lang ako,

Nagdumdom ka nga mangin kaangay lang ako sa imo.

Apang karon sabdungon ko ikaw,

Kag ipakita ko sa imo ang imo mga paglapas.+

22 Palihug hangpa ninyo ini, kamo nga nagakalipat sa Dios,+

Agod indi ko kamo paglapalapaon kag wala sing makaluwas sa inyo.

23 Ang isa nga nagahalad sing pasalamat sa akon nagahimaya sa akon,+

Kag tuhoy sa isa nga nagasunod sa natalana nga dalanon,

Ipakita ko sa iya ang kaluwasan halin sa Dios.”+

 2 Hugasi ako sing bug-os sa akon kasaypanan,+

Kag tinlui ako sa akon sala.+

 3 Kay nakahibalo gid ako sang akon mga paglapas,

Kag ang akon sala yara pirme sa akon atubang.*+

 4 Labaw sa tanan, sa imo* ako nakasala;+

Ginhimo ko ang malain sa imo panulok.+

Gani, matarong ang imo ginasiling,

Husto ang imo paghukom.+

 5 Natawo ako nga may kasaypanan,

Kag ginpanamkon ako sang akon iloy sa sala.*+

 6 Nalipay ka sa maminatud-on nga tagipusuon;+

Tudlui ang akon tagipusuon sing matuod nga kaalam.

 7 Tinlui ako sa akon sala paagi sa hisopo* agod mangin matinlo ako;+

Hugasi ako agod mangin maputi pa ako sa niebe.+

 8 Pabatia ako sang tingog sang paghugyaw kag pagkasadya,

Agod mangin malipayon ang tawo* nga imo gindugmok.+

 9 Patawara ako* sa akon mga sala,+

Kag panasa* ang tanan ko nga kasaypanan.+

10 O Dios ko, putlia ang akon tagipusuon,+

Kag hatagi ako sing bag-o kag malig-on nga espiritu.+

11 Indi ako pagtabuga sa atubangan mo;

Kag indi pagkuhaa sa akon ang imo balaan nga espiritu.

12 Ibalik sa akon ang kasadya nga nabatyagan ko sang ginluwas mo ako;+

Pukawa ang akon handum nga magtuman sa imo.*

13 Tudluan ko ang mga malinapason sang imo mga dalanon,+

Agod magbalik sa imo ang mga makasasala.

14 Luwasa ako sa kasal-anan sa dugo,+ O Dios ko, ang Dios sang akon kaluwasan,+

Agod mapahayag ko sing malipayon ang imo pagkamatarong.+

15 O Jehova, pahambala ako,

Agod ipahayag ko ang imo kadayawan.+

16 Kay indi mo luyag ang halad, kay kuntani mahalad ako;+

Wala ka mahamuot sa dulot nga sinunog.+

17 Ang mga halad nga kalahamut-an sa Dios amo ang nalisdan nga espiritu;

Ang nagakalisod kag mahinulsulon nga tagipusuon, O Dios ko, indi mo pagsikwayon.*+

18 Tungod sang imo maayo nga kabubut-on himua ang maayo sa Sion;

Patinduga ang mga pader sang Jerusalem.

19 Dayon malipay ka sa mga halad sang pagkamatarong,

Sa mga halad nga sinunog kag sa bug-os nga mga dulot;

Kag ihalad sa imo halaran ang mga toro.+

 2 Ang imo dila, matalom kaangay sang labaha,+

Nagapadihot sing kalautan kag nagapangdaya.+

 3 Mas ginahigugma mo ang malain sangsa maayo,

Ang paghambal sing kabutigan sa baylo sang kamatuoran. (Selah)

 4 Ikaw nga may madaya nga dila,

Ginahigugma mo ang tanan nga makahalalit nga pulong!

 5 Gani pukanon ka sang Dios sing dayon;+

Dakpon ka niya kag guyuron pagua sa imo tolda;+

Gabuton ka niya sa duta sang mga buhi.+ (Selah)

 6 Makita ini sang mga matarong kag mahayanghag sila,+

Kag kadlawan nila ang malauton.+

 7 “Amo ini ang tawo nga wala nagahimo sa Dios nga iya dalangpan,*+

Kundi nagasalig sa iya madamo nga manggad+

Kag nagasandig* sa iya malaut nga mga plano.”*

 8 Apang mangin kaangay ako sang madabong nga kahoy nga olibo sa balay sang Dios;

Magasalig ako sa mainunungon nga gugma sang Dios+ sa wala sing katubtuban.

 9 Dayawon ko ikaw sa wala sing katubtuban bangod sang imo ginhimo;+

Sa atubangan sang imo mainunungon nga katawhan,

Magasalig ako sa imo ngalan+ kay maayo ini.

Malain kag makangilil-ad ang ila ginahimo;

Wala sing bisan isa nga nagahimo sing maayo.+

 2 Apang halin sa langit, ginatan-aw sang Dios ang mga tawo+

Agod hibaluon kon bala may isa nga may paghangop, kon bala may isa nga nagapangita kay Jehova.+

 3 Nagsipak sila tanan sa husto nga dalan;

Malain sila tanan.

Wala sing bisan isa nga nagahimo sing maayo,

Wala gid sing bisan isa.+

 5 Apang magakahadlok gid sila,

Kahadlok nga wala pa gid nila mabatyagan,*

Kay laptahon sang Dios ang mga tul-an sang mga nagasalakay sa imo.*

Magakalipay si Jacob, magakasadya ang Israel,

Kon tipunon na ni Jehova ang iya nabihag nga katawhan.

54 O Dios ko, sa ngalan mo luwasa ako,+

Kag paagi sa imo gahom pangapini ako.*+

 2 O Dios ko, pamatii ang akon pangamuyo;+

Dungga ang akon mga pulong.

 3 Kay may mga dumuluong nga nagasumpong sa akon,

Kag may mapintas nga mga tawo nga nagatinguha sang akon kabuhi.*+

 4 Ang Dios amo ang akon bulig;+

Si Jehova upod sa mga nagapangapin sa akon.*

 5 Balusan niya ang malain nga ginhimo sang akon mga kaaway;+

Sa imo katutom, laglaga* sila.+

 7 Kay ginluwas niya ako sa tanan nga kalisdanan,+

Kag makita ko ang pagkalutos sang akon mga kaaway.+

55 O Dios ko, pamatii ang akon pangamuyo,+

Kag indi pagbalewalaa ang akon pakiluoy.*+

Ginatublag ako sang akon palaligban,+

Kag indi ako mapahamtang

 3 Bangod sa ginasiling sang akon mga kaaway

Kag sa pag-ipit sang malauton.

Kay ginagamo nila ako,

Kag sa ila kaakig ginadumtan nila ako.+

 4 Nagasakit gid ang akon dughan,+

Kag hinadlukan ako sa kamatayon.+

 5 Hinadlukan kag kinulbaan gid ako,

Kag nagpalangurog ako.

 8 Magadalidali ako sa pagkadto sa palasilungan

Palayo sa mamadlos nga hangin kag sa unos.”

 9 Gamuha sila, O Jehova, kag paslawa ang ila mga plano,*+

Kay kasingki kag kinagamo ang nakita ko sa siudad.

10 Sa adlaw kag gab-i nagalibot sila sa ibabaw sang mga pader sini;

May pagpamintas kag kagamo sa sulod sini.+

11 May kalautan sa sulod sini;

Wala nagauntat ang pagpamigos kag ang pagpangdaya sa mga dalan sini.+

12 Kay kon kaaway ang nagpakahuya sa akon;+

Mabatas ko kuntani ini.

Kon ang may dumot sa akon ang nagasumpong sa akon;

Malikawan ko kuntani sia.

13 Apang ikaw, nga kaangay ko,* ang naghimo sini,+

Ang isa nga suod sa akon kag kilala ko gid.+

14 Mahirop kita anay nga mag-abyan;

Magkaupod kita anay nga nagalakat upod sa kadam-an padulong sa balay sang Dios.

Kabay nga lamunon sila nga buhi sang Lulubngan;*

Kay nagapuyo sa ila ang kalautan kag yara ini sa ila.

16 Apang manawag ako sa Dios,

Kag luwason ako ni Jehova.+

17 Sa gab-i, aga, kag udto, gintublag ako kag nagaugayong,*+

Kag ginapamatian niya ako.+

18 Luwason* niya ako* kag hatagan sing kalinong batok sa mga nagasumpong sa akon,

Kay kadamo gid sang nagapakig-away sa akon.+

19 Ang Dios magapamati kag magapanghikot batok sa ila,+

Ang isa nga nagapungko sa trono halin pa sang una.+ (Selah)

Indi sila magbag-o,

Wala sila nagakahadlok sa Dios.+

20 Ginsalakay niya* ang mga mahidaiton sa iya;+

Wala niya pagtumana ang iya pangako.+

21 Ang iya mga pulong madanlog pa sa mantikilya,+

Apang ang iya tagipusuon makiawayon.

Ang iya mga pulong matanlas pa sa lana,

Apang kaangay sila sang matalom nga espada.+

22 Itugyan* ang imo lulan kay Jehova,+

Kag sia magaalay-ay sa imo.+

 2 Padayon ako nga ginasalakay sang akon mga kaaway;

Madamo ang nagapahambog nga nagapakig-away sa akon.

 4 Sa Dios​—nga ang pulong akon ginadayaw​—

Sa Dios ako nagasalig; wala ako mahadlok.

 5 Sa bug-os nga adlaw ginagamo nila ako;

Wala sila sing ginapamensar kundi halitan ako.+

 6 Nagapanago sila agod salakayon ako;

Ginabantayan nila ang akon tagsa ka tikang,+

Sa tuyo nga kuhaon ang akon kabuhi.*+

10 Sa Dios​—nga ang pulong akon ginadayaw—

Kay Jehova​—nga ang pulong akon ginadayaw—

11 Sa Dios ako nagasalig; wala ako mahadlok.+

12 O Dios ko, may mga panaad ako sa imo nga dapat ko tumanon;+

Magahatag ako sa imo sing mga halad sa pagpasalamat.+

Kag wala mo gintugutan nga masandad ako,+

Agod padayon ako nga makalakat sa atubangan sang Dios sa kapawa sang mga buhi.+

57 Kaluy-i ako, O Dios ko, kaluy-i ako,

Kay nagadangop ako* sa imo,+

Kag nagapanago sa idalom sang imo mga pakpak tubtob magligad ang mga katalagman.+

 2 Nagapanawag ako sa Labing Mataas nga Dios,

Sa matuod nga Dios, nga nagaluwas sa akon sa mga katalagman.

 4 Ginalibutan ako* sang mga leon;+

Nagahigda ako sa tunga sang mga tawo nga luyag maglamon sa akon,

Ang ila mga ngipon daw mga bangkaw kag mga baslay

 5 Pakataason ka labaw sa mga langit, O Dios ko;

Kabay nga ang imo himaya mangin labaw sa bug-os nga duta.+

 6 Ginbutangan nila sing lambat ang akon mga alagyan;+

Ginsubuan ako.*+

Nagkutkot sila sing tugalbong para sa akon,

Apang sila ang nahulog sa sini.+ (Selah)

 7 Malig-on ang akon tagipusuon, O Dios ko,+

Malig-on ang akon tagipusuon.

 9 Dayawon ko ikaw sa tunga sang katawhan, O Jehova;+

Magaamba ako sing mga pagdayaw* sa imo sa tunga sang mga pungsod.+

10 Kay ang imo mainunungon nga gugma dalayawon, subong kataas sang mga langit,+

Kag ang imo pagkamasaligan tubtob sa mga panganod.

11 Pakataason ka labaw sa mga langit, O Dios ko;

Kabay nga ang imo himaya mangin labaw sa bug-os nga duta.+

 2 Sa baylo, nagapadihot kamo sing malaut sa inyo tagipusuon,+

Kag ginapalapnag ninyo ang kasingki sa duta.+

 3 Ang malauton nagtalang* halin pa sang iya pagkabun-ag;*

Balingag kag butigon na sila halin pa sang ila pagkatawo.

 4 Ang ila dalit daw dalit sang man-ug;+

Bungol sila kaangay sang kobra nga nagatakop sang iya dulunggan.

 5 Indi ini magpamati sa tingog sang mga babaylan,

Bisan daw ano pa sila ka sampaton sa pag-anta.

 8 Kabay nga mangin kaangay sila sang taklong nga nagakatunaw samtang nagalakat;

Kaangay sang bata nga nahar-as nga wala gid makakita sang adlaw.

 9 Antes mabatyagan sang inyo mga kolon ang init sang nagasagrab nga tunukon nga tanom,

Kaangay sang unos, paliron sang Dios ang basa kag ang nagasagrab nga kagingking.+

10 Ang matarong magakasadya bangod nakita niya ang pagtimalos sa mga malauton;+

Mabasa ang iya mga tiil sa dugo sang malauton.+

59 O Dios ko, luwasa ako sa akon mga kaaway;+

Amligi ako sa mga nagasumpong sa akon.+

 2 Luwasa ako sa mga nagapanghalit,

Kag sa mapintas* nga mga tawo.

 3 Nagabantay sila agod patyon ako;*+

Ginasalakay ako sang gamhanan nga mga tawo

Apang indi bangod sa akon pagrebelde ukon sala,+ O Jehova.

 6 Nagabalik sila kada gab-i;+

Nagangurob* sila nga daw mga ido+ kag nagalibot sa siudad.+

 7 Tan-awa ang nagagua sa ila baba;

Daw espada ang ila mga bibig,+

Kay nagasiling sila: “Sin-o bala ang nagapamati?”+

 8 Apang kadlawan mo sila, O Jehova;+

Yagutaon mo ang tanan nga pungsod.+

 9 O akon Kusog, magahulat ako sa imo;+

Kay ang Dios ang akon malig-on nga dalangpan.*+

10 Ang Dios nga nagapakita sing mainunungon nga gugma magabulig sa akon;+

Ipatan-aw sang Dios sa akon ang pagkalutos sang akon kaaway.+

Paagi sa imo gahom, paalaplaaga sila;

Laglaga sila, O Jehova nga amon taming.+

12 Kay nagapakasala sila sa ila ginahambal,

Kabay pa nga madakop sila sa ila pagkabugalon,+

Bangod nagahambal sila sing pagpakamalaut kag pagpanglimbong.

13 Papasa sila sa imo kasingkal;+

Papasa sila agod madula na sila;

Ipakilala sa ila nga ang Dios nagagahom kay Jacob kag sa bug-os nga duta.+ (Selah)

14 Pabay-i nga magbalik sila kon gab-i;

Pabay-i nga magngurob* sila nga daw ido kag maglibot sa siudad.+

15 Pabay-i nga magdalangdalang sila sa pagpangita sing pagkaon;+

Indi pagtuguti nga mabusog sila ukon may mapaligaran sang gab-i.

16 Apang magaamba ako tuhoy sa imo gahom;+

Sa aga isugid ko sing malipayon ang tuhoy sa imo mainunungon nga gugma.

Kay ikaw ang akon malig-on nga dalangpan+

Kag ang lugar nga akon madangpan sa tion sang akon kalisdanan.+

17 O Dios ko nga akon Kusog, magaamba ako sing mga pagdayaw* sa imo,+

Kay ang Dios amo ang akon malig-on nga dalangpan, ang Dios nga nagapakita sing mainunungon nga gugma sa akon.+

 4 Hatagi* sing palatandaan ang mga nagakahadlok sa imo

Agod makapalagyo sila nga indi maigo sang pana. (Selah)

 5 Agod maluwas ang imo mga hinigugma,

Luwasa kami sang imo tuo nga kamot kag sabta kami.+

“Magahugyaw ako, ihatag ko ang Siquem subong palanublion sa akon katawhan,+

Kag takson ko ang Nalupyakan* sang Sucot para sa akon katawhan.+

 7 Akon ang Gilead kag akon ang Manases,+

Kag ang Efraim amo ang helmet* para sa akon ulo;

Ang Juda amo ang akon setro.*+

10 Indi bala ikaw, O Dios ko, nga nagsikway sa amon,

Ang amon Dios, nga wala na nagaupod sa amon mga kasuldadusan?+

11 Buligi kami sa amon kalisdanan,

Kay wala sing pulos kon sa tawo kami maglaum sing kaluwasan.+

12 Hatagan kami sang Dios sing kusog,+

Kag tasakon niya ang amon mga kaaway.+

 2 Halin sa pinakamalayo nga bahin sang duta magapanawag ako sa imo

Kon ginasubuan* ako.+

 3 Kay ikaw ang akon dalangpan,

Isa ka mabakod nga torre nga nagaamlig sa akon batok sa kaaway.+

 4 Mangin dinapit ako sa imo tolda sa wala sing katubtuban;+

Magapanago ako sa idalom sang imo mga pakpak.+ (Selah)

 6 Palawigon mo ang kabuhi* sang hari,+

Kag ang iya mga tuig mangin subong sang madamo nga kaliwatan.

 7 Magagahom* sia sa wala sing katubtuban sa atubangan sang Dios;+

Ipakita* sa iya ang imo mainunungon nga gugma kag pagkamasaligan, agod maamligan sia sini.+

 2 Sia lang ang akon igang kag ang akon kaluwasan, ang akon malig-on nga dalangpan;*+

Indi gid ako malingkang kag mapukan.+

 4 Nagahimbon sila agod mapahalin sia sa iya mataas nga posisyon;*

Nagakalipay sila sa kabutigan.

 6 Sia lang ang akon igang kag ang akon kaluwasan, ang akon malig-on nga dalangpan;

Indi gid ako malingkang.+

 9 Ang mga tawo daw isa lang ka huyop sang hangin,

Ang mga tawo indi masaligan nga dalangpan.+

12 Imo man ang mainunungon nga gugma, O Jehova,+

Kay ginapadyaan mo ang tagsa ka tawo suno sa iya binuhatan.+

Nagapalangluya ako* bangod sa kahidlaw sa imo

Sa duta nga mamala kag kigas nga wala sing tubig.+

 2 Gani ginpangita ko ikaw sa balaan nga duog;

Nakita ko didto ang imo kusog kag ang imo himaya.+

 3 Bangod ang imo mainunungon nga gugma mas maayo pa sa kabuhi,+

Himayaon ko ikaw.+

 4 Gani dayawon ko ikaw samtang nagakabuhi ako;

Sa imo ngalan bayawon ko ang akon mga kamot sa pangamuyo.

 5 Maayawan ako* sang pinakamaayo kag matambok gid nga mga kalan-on,*

Gani magadayaw ako sa imo nga nagahugyaw sa kalipay.+

 6 Madumduman ko ikaw samtang nagahigda ako,

Nagapamalandong ako sa imo sa kagab-ihon.*+

 7 Kay ikaw ang nagabulig sa akon,+

Kag sa landong sang imo mga pakpak nagahugyaw ako sa kalipay.+

 8 Nagakapyot ako* sa imo;

Ginauyatan mo ako sang imo tuo nga kamot.+

 9 Apang ang mga nagatinguha sa paglaglag sang akon kabuhi*

Magapanaug sa idalom sang duta.

10 Itugyan sila sa gahom sang espada;

Mangin pagkaon sila sang mga ido nga talunon.*

Dayawon* sia sang tanan nga nagapanumpa sa iya ngalan,

Apang pahipuson ang baba sang mga butigon.

 2 Amligi ako sa likom nga mga plano sang mga malauton,+

Batok sa grupo sang mga makasasala.

 3 Ginabaid nila ang ila dila kaangay sang espada;

Ginapuntariya nila ang ila masakit nga mga pulong kaangay sang mga baslay,

 4 Agod panaon halin sa ila ginapanaguan ang isa nga wala sing sala;

Ginapana nila sia sing hinali nga wala sing kahadlok.

 5 Determinado sila sa ila malain nga tuyo;*

Ginaplanuhan nila kon paano ibutang ang ila mga tugalbong.

 6 Nagapangita sila sing bag-o nga mga paagi sa paghimo sing kalautan;

Mahinalungon nila nga ginaplano ang ila tuso nga buko;+

Ang panghunahuna sa tagsa ka tagipusuon sang tawo indi matungkad.

 7 Apang panaon sila sang Dios;+

Hinali lang nga mapilasan sila sang baslay.

 8 Ang ila mismo dila ang mangin kabangdanan sang ila pagkapukan;+

Ang tanan nga makakita sa ila magalungolungo.

 9 Dayon ang tanan nga tawo mahadlok,

Kag ipahayag nila ang ginhimo sang Dios,

Kag mahangpan nila ang iya mga hinimuan.+

10 Ang matarong magakalipay kay Jehova kag magadangop sa iya;+

Ang tanan nga may matarong nga tagipusuon magapabugal tuhoy sa Dios.

65 Ang pagdayaw nagahulat sa imo sa Sion,+ O Dios ko;