Yara Bala sa Katalagman ang mga Bata?

DAW ano kadaku ang makuha sang gamay pa nga bata gikan sa pasayod sa telebisyon? Daku gid, suno sa pe­di­a­tri­cian nga si Dr. Percy Bar­sky sang Win­ni­peg, Can­ada. Narealisar ini, siling sang “The Toronto Star,” sang ang tres anyos nga bata nagsiling kay Bar­ksy nga luyag niya ang “katapusan nga hinganiban” para sa Krismas. Subong resulta, ang Pub­lic Ac­tion for Child­ren’s Tel­ev­ision nagatinguha nga dumilian ang tanan nga pasayod sa telebisyon para sa hampanganan. “Ang masingki nga mga hampanganan” makapamuad sang kasingki, siling ni Bar­sky. Nagreport sang surbe nga ginhimo sang Cancer Re­search Cam­paign sa Glas­gow, Scot­land, ang “The Times” sang London nagsiling: “Ang mga kabataan nga subong kabata sa seis anyos kapin nga naimpluwensiahan sang pasayod sa sigarilyo sang sa mga adulto.” Sa duha ka kaso maathag gid ang katalagman, apang sa diin ang remedyo? Sa pagkamatuod yara sa mga ginikanan, nga amo ang may daku nga salabton sa kaayuhan sang ila kabataan paagi sa pagbantay sang ginatugot sa ila nga tan-awon nila sa telebisyon.