Ginabaligya Paagi sa Sekso

“SA Pransya,” siling sang “Time” nga magasin, “ang mga manugpasayod dugang pa nga nagaliso sa seksuwal nga mga paagi.” Nagabalikwat gikan sa manugpasayod sa London, ang artikulo nagpadayon: “Ang erotisismo pirme na nga bahin sang hinganiban sang manugpasayod, apang sa Pransya nagapadulong sila sa sobra nga pagpatay.” Sa Brazil, sang ang pagkahubo ginpakita sa telebisyon sa pagpasayod sang jeans, ang 30-porsiento nga pagdugang sa baligya masinaligon nga ginpaabot. Sa kabaliskaran, ang parlamento sang India, nag-aprobar sang sugo nga nagadumili sang paggamit sa mga babayi subong simbulo sang sekso sa bisan anong porma sang pasayod. Sa Estados Unidos ang huyop sang hangin daw nagbalhin—paagi sa mga pasayod sa telebisyon sa dimagkubos. “Luyag sang mga manugpasayod nga pakadlawon kita sa baylo nga pukawon kita sa sekso,” report sang “Daily News,” nga nagasambit bilang supurta sang isa ka surbe sa mga tumalan-aw nga nagapahayag nga sa napulo ka paborito nga pasayod sa telebisyon, lima ang makahalam-ot kag wala sing bisan isa ang nagaunod sing seksuwal nga tema.