Isa ka Desisyon nga Indi Mo Paghinulsulan

GINATOS ka milyon ka lalaki kag babayi nga natawo pagkatapos sang Inaway Kalibutanon II ang may edad na karon. Bisan pa madamo ang nangin kontento sa ila hinimuan, ang pila nalugaw-an. Nagminyo sila, nagtrabaho, nagpamata, kag nagpamilya, kag nakita sang iban ang pagkapatay sang ila mga ginikanan. Sa karon, samtang nagabukay ang ila buhok, nagatambok, kag nagalinagatok ang mga tuhod, nagabatyag ang iban nga wala nila malab-ot ang ila tulumuron sa kabuhi. Nalugaw-an, mahimo nila ipamangkot, ‘Ano ang kahulugan sang kabuhi?’ Ayhan napamangkot mo man ini.

Wala sing duhaduha importante kaayo nga pamalandungan ang imo kabuhi sa tion kag tion. Sa pihak nga bahin, ang pagsali pamensar sang nagligad nga mga desisyon nga imo ginahinulsulan makapabatyag sa imo nga nalugaw-an. Sa baylo nga magsiling, ‘Kon akon lang kuntani . . . ,’ mas maayo nga isentro ang igtalupangod sa maalamon nga mga desisyon nga mahimo mo pa sa palaabuton. Ang isa sining desisyon amo ang pag-usisa sa mga impormasyon nga nagasabat sa mga pamangkot tuhoy sa kahulugan sang kabuhi. Busa, ginaagda namon kamo nga basahon ang publikasyon nga Nagaulikid Gid Bala ang Dios sa Aton? Ang pagbaton sa amon pangagda isa ka desisyon nga indi mo paghinulsulan.

Mahimo mo mabaton ining 32-pahina nga brosyur paagi sa pagsulat sa nalakip nga kupon kag ipadala ini sa direksion nga ginapakita ukon sa nagakaigo nga direksion nga nalista sa pahina 5 sini nga magasin.

□ Padalhi ako sing kopya sang brosyur nga Nagaulikid Gid Bala ang Dios sa Aton?

□ Palihug pakig-anguti ako nahanungod sa isa ka wala sing bayad nga pagtuon sa Biblia sa puluy-an.