“Pagkadula sang Pagsalig”

Sa Katundan nga Aprika, naospital ang 12 anyos nga bata nga lalaki bangod sa peke nga bulong sa malaria nga ginbakal sang iya iloy sa isa ka legal nga botika. “Kinse na ka tuig nga ginabaligya ang peke nga mga bulong,” siling sang isa ka doktor.a

Sa Asia, nakibot gid ang ginikanan sang isa ka bag-ong bun-ag nga bata nga lalaki sang mahibaluan nila nga ang gatas nga ginapainom nila sa lapsag may makahililo nga kemikal. Ang malain pa kay napatay gid ang bata.

Gintonto sang isa ka ginasaligan nga Amerikano nga negosyante ang iya mga kliyente sing binilyon ka dolyar! Naalimunaw lang ang ginbayad sang linibo ka tawo para sa ila pension. Gintawag ini nga “pinakagrabe nga pagpanunto sa sini nga siglo.”

SA KARON, naguba na ang pagsalig sang halos kalabanan sa aton. Suno gani sa pamantalaan nga Le Monde sa Pransia, ang “pagkadula sang pagsalig sang kalabanan” amo ang isa sa mga rason kon ngaa naapektuhan gid ang ekonomiya sa bilog nga kalibutan.

Ano ang mga rason kon ngaa ‘nadulaan sing pagsalig’ ang mga tawo karon? May masaligan pa bala kita?

[Nota]