‘Luyag Gid Ini sang Kabataan’
Minilyon ka mga pamilya ang nalipay sa Ang Akon Libro sang mga Sugilanon sa Biblia. Ang iya 116 ka kasaysayan sa Biblia nagahatag sa bumalasa sing ideya kon tuhoy gid sa ano ang Biblia. Karon ining 256 ka pahina nga Sugilanon sa Biblia nga libro ginrekord (sa Ingles) sa apat ka cassette tapes nga may makalilipay nga ganyat para sa kabataan. Ang isa ka iloy gikan sa Vancouver, British Columbia, nagsulat:
“Indi ko masugid sa inyo kon daw ano ka daku ang kalipay nga nabaton namon gikan sa sining mga teyp sa amon balay. May yara kami 2 ka bata nga babayi, nga nagaedad sing 10 kag 6, kag luyag gid nila ang pagsunod sa mga sugilanon nga ginauyatan ang ila mga libro. Nasapwan ko man nga isa ka daku nga bulig ini sa pagbulig sa akon bata nga magbasa samtang iya ginasundan ang kalabanan nga mga tinaga sa libro. Masundan niya ang mga 30 ka sugilanon kag wala sia ginatak-i.”
Kon wala mo pa ini mahimu, pat-ora nga tigayunon ining mga cassette tapes para sa imo kabataan. Pamatii sing tingob subong pamilya ang mga sugilanon. Ukon mapatokar sang kabataan ang mga teyp para sa ila kaugalingon kag sa ila kaupdanan. Ang album nga may apat ka cassette ₱120 lamang; ang kalawigon: 5 1/2 ka oras.
Palihug padalhi ako, nga nabayaran na ang selyo sang kaki vinyl nga album nga may apat ka cassette tapes sang Ang Akon Libro sang mga Sugilanon sa Biblia (sa Ingles). Ginalakip ko ang ₱120. (Tuhoy sa presyo sa iban nga pungsod, pamangkota palihug ang opisina sang Watch Tower Society didto.)