Ang Poligamista kag Manughiwit Nakatuon sing Kamatuoran
ANG isa ka Aprikano nga lalaki nga ginatawag Isaac, upod sa pila pa ka lalaki, nagpain gikan sa Apostolic Church sang ila minuro bangod wala sini ginabuhat ang ginabantala sini. Sang ulihi ang tanan, lakip ang ila mga asawa, nangin mga Saksi ni Jehova luwas kay Isaac. Namat-od sila nga duawon sia kag sugiran sia nga nakita na nila ang kamatuoran. Samtang, si Isaac nangin madinalag-on nga manughiwit kag may pila ka asawa. Sa tapos matun-an ang brusyor nga Agoma ang Kabuhi sa Duta sing Dayon! nga nagapaathag sang iya pagkabuhi, ginbiyaan ni Isaac ang iya pagkamanughiwit nga daku sing kita kag subong man ang iya mga asawa luwas ang nauna. Ginlegalisar niya ang iya pag-asawahay sa iya una nga asawa, nga sadto 63 (sia 68). Nagsiling sia nga sia “malipayon gid kag hilway, nga wala na nahadlok sa mga espiritu.”